#LocalNews
Published_21 August 2022
ကရင်ပြည်နယ်အတွင်း ဓာတ်အားပေးတာဝါတိုင် နှစ်ခု ဖောက်ခွဲခံရ၍ မြို့နယ်လေးခုတွင် ဓာတ်အားပြတ်တောက်နေကြောင်း နစက သတင်းထုတ်ပြန်ရေးအဖွဲ့ သိရသည်။
သြဂုတ်လ ၂၀ ရက် ည ၁၁ နာရီခန့်က ကရင်ပြည်နယ် ၊ကော့ကရိတ်မြို့နယ်၊ကော့နွဲရွာအနီးရှိ ဓာတ်အားပေးတာဝါတိုင်နှစ်ခု မိုင်းထောင်ဖောက်ခွဲဖျက်ဆီးခံလိုက်ရခြင်းကြောင့် ကရင်ပြည်နယ်အတွင်းရှိမြို့နယ်အချို့တွင် ဓာတ်အားပြတ်တောက်နေခြင်းဖြစ်ကြောင်း သိရသည်။
ပျက်စီးသွားသော တိုင်များမှာ မော်လမြိုင်-မြဝတီဓာတ်အားလိုင်း ၂၃၀ KV တာဝါတိုင်အမှတ် ၁၇၂ နှင့် ၁၇၃ တို့ဖြစ်ပြီး တိုင်အမှတ် ၁၇၂ တွင် အောက်ခြေအနည်းငယ် ပျက်စီးကာ တိုင်အမှတ် ၁၇၃ မှာ မြေပြင်သို့ လဲကျပျက်စီးသွားကြောင်း၊လျှပ်စစ်ပြတ်တောက်နေသော မြို့နယ်များမှာ ကျုံဒိုး၊ကော့ကရိတ်၊မြဝတီနှင့် ကြာအင်းဆိပ်ကြီးတို့ဖြစ်ကြောင်း သိရသည်။
ymg/mt
#Yangon_Media_Group
