#Local_News
Published_ 28 July 2022
မလေးရှားနိုင်ငံရှိ ထိန်းသိမ်းရေးစခန်းများမှ မြန်မာနိုင်ငံသား ၄၇ ဦး နေရပ်ပြန်နိုင်ရေး ကူညီဆောင်ရွက်ပေးခဲ့ကြောင်း ဇူလိုင် ၂၇ ရက်နေ့တွင် မြန်မာသံရုံး၊ ကွာလာလမ်ပူမြို့မှ သတင်းထုတ်ပြန်ထားပါတယ်။
မြန်မာ့အပြည်ပြည်ဆိုင်ရာ လေကြောင်းလိုင်း ကယ်ဆယ်ရေးလေယာဉ်ဖြင့် မလေးရှားတွင် ပြစ်ဒဏ်ကျခံပြီး၍ လင်ကင်းကန့်နှင့် Bidor ထိန်းသိမ်းရေးစခန်းများတွင် ရောက်ရှိနေသူများအနက်မှ မြန်မာနိုင်ငံသားဖြစ်ကြောင်း စိစစ်မှန်ကန်သူ ၄၇ ဦးတို့အား နေရပ်ပြန်နိုင်ရေး ကူညီဆောင်ရွက်ပေးခဲ့ခြင်းဖြစ်တယ်လို့ ဆိုပါတယ်။
ထို့ပြင် ဇူလိုင် ၂၆ ရက်နေ့တွင်လည်း မြန်မာသံရုံး ကွာလာလမ်ပူမြို့မှ သံအရာရှိနှင့် တာဝန်ရှိသူများက မလေးရှားနိုင်ငံ Juru ထိန်းသိမ်းရေးစခန်းနှင့် Bidor ထိန်းသိမ်းရေး စခန်းမှ မြန်မာနိုင်ငံသား ၄၄ ဦးအား သွားရောက်တွေ့ဆုံ စစ်ဆေးခြင်းနှင့် အားပေးစကားများ ပြောကြားခဲ့ပြီး အထောက်အထားပြည့်စုံသူ မြန်မာနိုင်ငံသားများအား မြန်မာနိုင်ငံသို့ အမြန်ဆုံးပြန်ပို့နိုင်ရန်အတွက် သက်ဆိုင်ရာဌာနများနှင့် ညှိနှိုင်းဆောင်ရွက်ပေးခဲ့တယ်လို့ မြန်မာသံရုံးက သတင်းထုတ်ပြန်ထားပါတယ်။
ygm_mnn
#Yangon_Media_Group
