#Local_News
Published _ 4 June 2022
ရန်ကုန်တိုင်းဒေသကြီး၊ သုံးခွမြို့နယ် အမှတ် ၁ ရပ်ကွက်၊ မဂ္ဂင်လမ်း၊ အစိုးရရေကန်ဘေးတွင် ပန်းခြံအသစ်တစ်ခု တိုးချဲ့တည်ဆောက်လျက်ရှိကြောင်းသိရသည်။
ယင်းပန်းခြံသစ်ကို မြို့နယ်စည်ပင်သာယာရေးအဖွဲ့ ၂၀၂၂-၂၀၂၃ ဘဏ္ဍာနှစ် ခွင့်ပြုရန်ပုံငွေဖြင့် မြေယာရှုခင်းပြုပြင်ခြင်း၊ မြက်ပင်များစိုက်ခြင်း၊ အရိပ်ရသစ်ပင်၊ ပန်းမာလာများ၊ ပန်းအလှသစ်ပင်များ စိုက်ပျိုးခြင်း၊ ကန်ပေါင်ပေါ်တက်ရန် အုတ်လှေ ကား ပြုလုပ်ခြင်း၊ အပင်များကို ရေပိုက်ဒလက်စနစ်ဖြင့် ရေဖျန်းရန်ပြုလုပ်ခြင်း လျှပ်စစ်၊ မီးတိုင်များစိုက်ခြင်းများ ဆောင်ရွက်ခဲ့ကြောင်း သိရသည်။
ဆက်လက်၍ ပြည်သူများ အပန်းဖြေရန်အနားယူရန် ပန်းခြံလျှောက်လမ်း၊ ခုံတန်း လျားများပြုလုပ်ခြင်း၊ ကန်ဘောင်ပေါ် လမ်းလျှောက်ပြီးနောက် ကိုယ်လက်လှုပ်ရှား လေ့ကျင့်ခန်းပြုလုပ်ရန် စက်ကိရိယာများ ပြုလုပ်ထားရှိခြင်းများ ဆက်လက်ဆောင်ရွက်ရန် အစီအစဉ်ရှိကြောင်း၊ လက်ရှိတွင် ခြံတံခါးခြံစည်းရိုး သံပန်းကာရံခြင်းပြုလုပ်ရန် အုတ်တိုင်များ ပြုလုပ်ခြင်း၊ ရေစီးရေလာ ကောင်းမွန်စေရန် အုတ်ရေမြောင်းပြုလုပ်ခြင်းများ ဆောင်ရွက်လျက်ရှိကြောင်း ဘဏ္ဍာနှစ်အလိုက်ခွင့်ပြုရန်ပုံငွေများဖြင့် ပန်းခြံတိုးတက်ဆောင်ရွက်သွားမည်ဟု သိရသည်။
ymg/NN
#Yangon_Media_Group
