#Loacl_News
Published_28 June 2022
တောင်ကိုရီးယားနိုင်ငံသို့ မြန်မာလုပ်သားဟောင်း (Re-entry) ၁၅၀ ကို ဇွန်လ ၂၇ ရက်က ထပ်မံစေလွှတ်ခဲ့ကြောင်း အစိုးရ ပြည်ပအလုပ်အကိုင်အေဂျင်စီများက သိရသည်။
"ကိုရီးယားနိုင်ငံကို EPS စနစ်နဲ့ သွားရောက် အလုပ်လုပ်ကိုင်နိုင်ဖို့အတွက် အစိုးရပြည်ပအလုပ်အကိုင်အေဂျင်စီ တစ်ခုတည်းကပဲ စေလွှတ်နေတာပါ။ အလုပ်သမားအသစ်တွေရော အဟောင်းတွေရော ကိုရီးယားက ခေါ်နေတာ ဖြစ်ပါတယ်။ အလုပ်သမားတွေ အခွင့်အရေးပိုရလာကြပါပြီ"ဟု ပြည်ပအလုပ်အကိုင်အေဂျင်စီတစ်ခု၏ တာဝန်ရှိသူက ပြောသည်။
ကိုရီးယားနိုင်ငံတွင် လက်ရှိ မြန်မာအလုပ်သမားလေးသောင်းကျော်ရှိပြီး ယခုအခါ မြန်မာအလုပ်သမားအရေအတွက် သုံးထောင်ကျော်လည်း ထပ်မံရောက်ရှိနေကြကြောင်းလည်း သိရသည်။
တောင်ကိုရီးယားနိုင်ငံတွင် မြန်မာအပါအဝင် နိုင်ငံခြားသားလုပ်သားအလုပ်သမားများအား လာမည့် ၂၀၂၃ ခုနှစ်တွင် လုပ်ခလစာတိုးမြှင့်ရန်လည်းရှိနေကြောင်း ကိုရီးယားနိုင်ငံ အစိုးရကြေညာထားကြောင်းလည်း ပြည်ပအလုပ်အကိုင်အေဂျင်စီများက သိရသည်။
လက်ရှိတွင် တောင်ကိုရီးယားရောက်နိုင်ငံခြားသားအလုပ်သမားတွေရဲ့တစ်နာရီလုပ်ခမှာ ဝမ် ၉၁၆၀ ဖြစ်သောကြောင့် အလုပ်သမားများက ဝမ် ၁၀၈၉၀ ထက်မနည်းတိုးမြှင့်ပေးရန်လည်းတောင်းဆိုထားကြကြောင်း၊ ယင်းကြောင့် ၂၀၂၃ ခုနှစ်တွင် လုပ်အားခ တစ်နာရီလျှင် ဝမ် တစ်သောင်းကျော် ရရှိနိုင်ကြောင်းလည်း သုံးသပ်ပြောဆိုနေကြသည်။
ymg/mt
#Yangon_Media_Group
