#Localnews
Published _19 June 2022
ပြည်တွင်း မွေးမြူရေးလုပ်ငန်းများအတွက် အဓိက အစာကုန်ကြမ်းဖြစ်သည့် ဖွဲနုဈေးနှုန်းများသည် ယခုနှစ်အတွင်း မြင့်တက်လျက်နေရှိကာ ဖွဲနုကုန်ကြမ်းကို အခြေခံအစာအဖြစ်ကျွေးသည့် မွေးမြူရေးလုပ်ငန်းအချို့အတွက်လည်း အခက်အခဲများရှိလာကြောင်း သိရသည်။
ဆန်စက်များတွင် လုံးတီးဆန်များကိုသာ ကြိတ်ခွဲရသဖြင့် ဖွဲနုအထွက်နှုန်းနည်းပါးတာကြောင့် ဈေးတက်လာခြင်းပင်ဖြစ်သည်။
စပါးဘေးထွက်ပစ္စည်းဖြစ်သည့် ဖွဲနုသည် ယခင်က တစ်ပေါင်လျှင် ၁၀၅ ကျပ်မှ ၁၁၀ ကျပ်သာ ရရှိပြီး၊ ပေါင် ၇၀ တစ်အိတ်လျှင် ကျပ် ၇၃၀၀ မှ ၇၇၀၀ ကျပ်ထိရှိခဲ့ကာ လက်ရှိတွင် တစ်ပေါင်လျှင် ၁၉၅ ကျပ်မှ ၂၀၀ ထိ ရှိလာသဖြင့် ပေါင် ၇၀ တစ်အိတ်လျှင် ၁၃၀၀၀ ကျပ်မှ ၁၄၀၀၀ ကျပ်ထိ ဈေးနှုန်းမြင့်တက်လာခြင်းဖြစ်သည်။
အစာကုန်ကြမ်းဈေး မြင့်တက်မှုများကြောင့် အစာဖိုး၊ မျိုး ငါးဖိုး၊ ကန်ခ၊ အလုပ်သမား စရိတ်အပြင် အခြားကုန်ကျစရိတ်များရှိလာသည့်အတွက် မွေးမြူရေးလုပ်ငန်းရှင်အချို့ အခက်အခဲများ ရင်ဆိုင်နေရပြီး၊ တစ်နိုင်တပိုင် မွေးမြူရေးလုပ်ကိုင်နေသူများ အများစုမှာ လုပ်ငန်းများ ခေတ္တရပ်နားထားရသည်အထိ ကြုံတွေ့နေကြောင်း သိရသည်။
#ymg/NN
#Yangon_Media_Group
