#LocalNews
Published _ 14 June 2022
တစ်နိုင်ငံလုံး အတိုင်းအတာအနေဖြင့် အသက် ၅နှစ်မှ အသက် ၁၂နှစ်အထိ ကိုဗစ်ကာကွယ်ဆေးထိုးနှံပြီးသူဦးရေမှာ ၆၁ ဒသမ ၄၇ ရာခိုင်နှုန်းအထိ ရှိနေကြောင်း ကျန်းမာရေးဝန်ကြီးဌာနမှ သိရသည်။
ကျောင်းနေအရွယ်ကလေးများကို ကိုဗစ်ကာကွယ်ဆေးအား ပြီးခဲ့သည့် ဇွန်လ ၂ရက်တွင် ပထမအကြိမ် စတင်ထိုးနှံပေးခဲ့ခြင်းဖြစ်ပြီး ဇွန်လ ၁၀ ရက်အထိ ၈ ရက်တာ ကာလအတွင်း (၂,၂၂၅,၉၅၅) ဦး ထိုးနှံပြီးဖြစ်ကြောင်း သိရသည်။
မြန်မာနိုင်ငံတွင် အသက် ၅ နှစ်မှ အသက် ၁၂ နှစ်အထိ ကျောင်းသား၊ ကျောင်းသူ ဦးရေ စုစုပေါင်း (၃ ဒသမ ၆သန်း) ရှိပြီး ကျောင်းပြင်ပနေ ကလေးငယ်ဦးရေမှာ အသက် ၅ နှစ်မှ အသက် ၁၅ နှစ်အတွင်း ၁သန်းခန့်ရှိကြောင်း သိရသည်။
ဆက်လက်၍ ကျောင်းမနေသေးသည့် ကလေးငယ်များကို ကိုဗစ်-၁၉ ရောဂါကာကွယ်ဆေးထိုးနှံရန် ကျောင်းနေအရွယ်ကလေးများ ပြီးစီးသည်နှင့် စတင်ထိုးနှံပေးမည်ဖြစ်ကြောင်း သိရသည်။
ကလေးများနဲ့ လူကြီးများကို ထိုးနှံပေးသည့် ကာကွယ်ဆေးမှာ sinopharm ဟု အမည်ရတဲ့ ကိုဗစ်-၁၉ ကာကွယ်ဆေးဖြစ်ပြီး ထိုးနှံပေးသည့် ပမာဏမှာလည်း အတူတူပင် ဖြစ်ကြောင်း သိရသည်။
ymg/NN
#Yangon _ Media _ Group
