#Local_News
Published_ 9 June 2022
ရခိုင်၊ ကချင်၊ ရှမ်း၊ ကရင်၊ ချင်းပြည်နယ်နဲ့ ရန်ကုန်မြို့ဆင်ခြေဖုံးမှ လူဦးရေ ၂ သောင်းခွဲကျော်ခန့်ဟာ ၂၀၂၂ ခုနှစ် မေလအတွင်းမှာ ယူနီဆက်ရဲ့အခြေခံ ကျန်းမာရေးဝန်ဆောင်မှုများ ရရှိခဲ့တယ်လို့ ထုတ်ပြန်ထားပါတယ်။
မြန်မာနိုင်ငံမှာ လက်ရှိဖြစ်ပွားနေတဲ့ အကျပ်အတည်းကာလ တစ်နှစ်ကျော် ကြာမြင့်လာချိန်မှာ ကလေးငယ်ဦးရေ ငါးသန်းခန့်ဟာ လူသားချင်းစာနာထောက်ထားမှု အကူအညီများ လိုအပ်နေတယ်လို့ ဆိုပါတယ်။
ဂျပန်နိုင်ငံ၊ နော်ဝေနိုင်ငံ၊ ဒိန်းမတ်နိုင်ငံ အစိုးရများအပြင် ကုလသမဂ္ဂ လူသားချင်းစာနာမှုဆိုင်ရာ ညှိနှိုင်းရေးရုံး (UNOCHA) ရဲ့ ပံ့ပိုးမှုများဖြင့် ယူနီဆက်က ထိခိုက်ခံစားနေကြရတဲ့ ကလေးငယ်များနဲ့ မိသားစုများကို မရှိမဖြစ်အရေးပါတဲ့ ဝန်ဆောင်မှုများကို ဖြည့်ဆည်းပံ့ပိုးပေးလျက်ရှိပါတယ်။
ဒါပေမယ့် ဆက်လက်ဖြည့်ဆည်းပံ့ပိုးနိုင်ဖို့အတွက် အထောက်အပံ့များ လိုအပ်နေတယ်လို့လည်း ထုတ်ပြန်ချက်မှာ ဖော်ပြထားပါတယ်။
ymg-mnn
#Yangon_Media_Group
