#Local_News
Published_ 25 April 2022
မေ ၁ ရက်မှစတင်ကာ ဆီကန်မှထုတ်ယူသော စားသုံးဆီများကို သတ်မှတ်ချက်နဲ့ ကိုက်ညီတဲ့ ပေပါ၊ ဘောက်ဆာယာဉ်တွေကိုသာ ဆီထုတ်ယူခွင့်ပေးမယ်လို့ စားသုံးသူရေးရာဦးစီးဌာနက ထုတ်ပြန်ထားပါတယ်။
စားသုံးသူပြည်သူတွေ ဘေးဥပါဒ်အန္တရာယ် ကင်းရှင်းရေးအတွက် ဆီကန်မှ ထုတ်ယူသော စားသုံးဆီများကို Food Grade အဆင့်ရှိ အဝါရောင်ပေပါအသစ်၊ ဒါမှမဟုတ် သန့်စင်ပြီး ပေပါအဟောင်း၊ စားသုံးဆီသီးသန့်သယ်ဆောင်သော ဘောက်ဆာယာဉ်များနှင့် သန့်စင်ပြီး Food Grade Tank များသို့သာ ဆီဖြည့်သွင်းပေးမယ်လို့ ဆိုပါတယ်။
ဆီကန်မှထုတ်ယူတဲ့ စားသုံးဆီများကို သတ်မှတ်ချက်နဲ့မကိုက်ညီတဲ့ ပေပါနဲ့ ဘောက်ဆာယာဉ်တွေကို ဆီဖြည့်သွင်းပေးမှာ မဟုတ်ကြောင်း စားသုံးသူရေးရာ ဦးစီးဌာနရဲ့ ထုတ်ပြန်ချက်မှာ ဖော်ပြထားပါတယ်။
မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်းက စားသုံးသူပြည်သူများ စျေးနှုန်းသက်သာစွာ ဝယ်ယူနိုင်ရေးအတွက် ဆီတစ်ပိသာကို ၅၆၀၀ ကျပ်နှုန်းဖြင့်လိုက်လံ ရောင်းချပေးလျက်ရှိနေပါတယ်။
ymg-mnn
#Yangon_Media_Group
