#Local_News
Published_ 4 April 2022
တောင်ကိုရီးယားနိုင်ငံက ဧပြီ ၄ ရက်တွင် မြန်မာလုပ်သား ၉၈ ဦးအားခေါ်ယူခဲ့ကြောင်း ဆိုလ်းမြို့ရှိ မြန်မာသံရုံးက သတင်းထုတ်ပြန်ထားပါတယ်။
ကိုဗစ်-၁၉ ရောဂါပြန့်ပွားခြင်းကို ကာကွယ်ထိန်းချုပ်နိုင်ရန်အတွက် ၂၀၂၁ ခုနှစ်၊ ဇွန်လ (၁) ရက်နေ့မှစ၍ တောင်ကိုရီးယားနိုင်ငံက ပြည်ဝင်ခွင့်ပိတ်ပင်ထားခဲ့သော်လည်း မြန်မာလုပ်သားများကို ခေါ်ယူနေတာဖြစ်ပါတယ်။
ဒီကနေ့ ရောက်ရှိသူများတွင် Re-entry လုပ်သား ၂၈ ဦး၊ ကုန်ထုတ်လုပ်သားအဖြစ် ဝင်ရောက်လုပ်ကိုင်မည့်လုပ်သားသစ် ၃၆ ဦး၊ ဆောက်လုပ်ရေးလုပ်သားသစ် ၃၄ ဦး၊ စုစုပေါင်း ၉၈ ဦးတို့သည် ရန်ကုန်အပြည်ပြည်ဆိုင်ရာလေဆိပ်မှ အင်ချွန်းအပြည်ပြည် ဆိုင်ရာလေဆိပ်သို့ ရောက်ရှိခဲ့တယ်လို့ တောင်ကိုရီးယားနိုင်ငံဆိုင်ရာ မြန်မာသံရုံးက သတင်းထုတ်ပြန်ထားပါတယ်။
မြန်မာသံရုံး၊ ဆိုးလ်မြို့မှ အလုပ်သမားသံအရာရှိက မြန်မာလုပ်သားများအား ကြိုဆို၍ အလုပ်သမားများ သိရှိလိုက်နာသင့်သည့် အချက်များကိုမှာကြားခဲ့ပြီး လိုအပ်သည်များ ကူညီပံ့ပိုးပေးခဲ့တယ်လို့ သတင်းထုတ်ပြန်ချက်မှာ ဖော်ပြထားပါတယ်။
ymg-mnn
#Yangon_Media_Group
