#World_Health
Published 29 April 2026

■ နို့တွေထဲမှာ နွားနို့က အကောင်းဆုံးဖြစ်နေဆဲဖြစ်ပြီး မရှိမဖြစ် ဗိုက်တာမင်များ၊ သတ္တုဓာတ်များအပြင် အရည်အသွေးမြင့် ပရိုတိန်းတွေလည်း ကြွယ်ဝပါတယ်။

■ အာဟာရပညာရှင်တွေက နေ့စဉ်နွားနို့သောက်ခြင်းက ခန္ဓာကိုယ်ကို ဘယ်လောက်သက်ရောက်စေလဲဆိုတာ မျှဝေဖော်ပြထားပါတယ်။

■ ကယ်စီယံ၊ ဗိုက်တာမင်-ဒီ၊ ဖော့စ်ဖရပ်စ်၊ မဂ္ဂနီဆီယံ၊ ပိုတက်ဆီယံ၊ ပရိုတိန်းအပါအဝင် အရိုးထောက်ပံ့ပေးတဲ့ အာဟာရဓာတ်တွေ ပေးစွမ်းနိုင်ပါတယ်။

■ အရိုးဖွဲ့စည်းမှုကို ထောက်ပံ့ပေးပြီး ကော်လာဂျင်စုဖွဲ့မှုကို ကူညီပေးတာကြောင့် အသက်ကြီးလာတဲ့အခါ အရိုးပွခြင်း ကျိုးခြင်းတို့ ဖြစ်နိုင်ခြေ လျော့နည်းစေပါတယ်။

■ မရှိမဖြစ်လိုအပ်တဲ့ အမိုင်နိုအက်ဆစ် ၉ မျိုးစလုံး ထောက်ပံ့ကာ အရည်အသွေးမြင့်ပရိုတိန်းလည်း ပါဝင်တာကြောင့် နေ့စဉ်သောက်မယ်ဆိုရင် ကြွက်သားဖွဲ့စည်းမှုအတွက် အထောက်အကူ ဖြစ်စေနိုင်ပါတယ်။

■ လူဆင်း၊ အိုင်ဆိုလူဆင်း၊ ဗေလင်းတို့လည်း ကြွယ်ဝတာကြောင့် အူသိမ်ထဲကနေ သွေးထဲသို့ တိုက်ရိုက်စုပ်ယူကာ ကြွက်သားတွေကို ပြုပြင်တည်ဆောက်ပေးပါတယ်။

■ ပရိုတိန်း၊ ကာဗိုဟိုက်ဒရိတ်၊ အဆီတို့ ပေါင်းစပ်ပါဝင်ခြင်းကြောင့် ဗိုက်ပြည့်ဝစေပြီး ဆာလောင်စိတ်ကို ထိန်းချုပ်စေနိုင်ပါတယ်။

■ ပိုတက်ဆီယံနဲ့ ကယ်စီယံတို့လို အာဟာရဓာတ်တွေက သွေးပေါင်ချိန်ထိန်းသိမ်းပေးကာ နှလုံးကျန်းမာရေးကို ထောက်ကူပေးပါတယ်။

■ နေ့စဉ် နို့ ၃ ခွက်သောက်သုံးသင့်ပြီး အုတ်ဂျုံ၊ ကွေကာ၊ ကော်ဖီတို့နဲ့လည်း တွဲဖက်သောက်သုံးနိုင်ပါတယ်။

Source: Martha Stewart