#World_News
Published 17 September 2026

■ သြစတြေးလျနိုင်ငံဟာ နိုင်ငံခြားသား ကျောင်းသားများ ပညာသင်ကြားနေစဉ်အတွင်း ယင်းတို့ရဲ့ အိမ်ထောင်ဘက်၊ စုံတွဲနဲ့ ရင်သွေးငယ်များ ခေါ်ဆောင်ခွင့်ကို ပိတ်ပင်တားမြစ်တော့မှာ ဖြစ်ပါတယ်။

■ ဒီအပြောင်းအလဲဟာ ပြည်ပမှ ဝင်ရောက်လာသူ အရေအတွက်ကို သိသိသာသာ လျှော့ချဖို့ အစိုးရက ပိုမိုကျယ်ပြန့်စွာ ကြိုးပမ်းအားထုတ်လာခြင်း ဖြစ်ပါတယ်။

■ ပြည်ထဲရေးဝန်ကြီး တိုနီဘာ့ဂ်အနေဖြင့် ၂၀၂၈ ခုနှစ်မှာ အသားတင် လူဝင်မှုကြီးကြပ်ရေး ပန်းတိုင်ကို ၂၂၅,၀၀၀ အထိ လျှော့ချသွားမှာဖြစ်ကြောင်း အကြမ်းဖျင်း ဖော်ပြသွားမယ်လို့ မျှော်မှန်းထားပါတယ်။

■ ၂၀၂၅ ခုနှစ် အလယ်ပိုင်းမှာ ပြည်ပမှ အသားတင် ဝင်ရောက်လာသူ အရေအတွက်မှာ ၃၀၆,၀၀၀ အထိ ရှိခဲ့ပြီး ထက်ဝက်ကျော်မှာ နိုင်ငံခြားသား ကျောင်းသားသူများ ဖြစ်ကြပါတယ်။

■ လက်ရှိမှာ ကျောင်းသားဗီဇာ ကိုင်ဆောင်ထားသူများဟာ အလုပ်လုပ်ပိုင်ခွင့် အကန့်အသတ် ရရှိမယ့် စုံတွဲများနဲ့ အသက်မပြည့်သေးတြဲ ရင်သွေးငယ်များကို ခေါ်ဆောင်ခွင့် ရရှိထားပါတယ်။

■ ဗီဇာလျှောက်ထားသူများ အခွင့်ကောင်းယူ မသမာပြုလုပ်ခြင်းမှ ကာကွယ်ရန်အတွက် အစိုးရက သြစတြေးလျနိုင်ငံအတွင်း ဗီဇာအမျိုးအစား ပြောင်းလဲခြင်း ဆိုင်ရာ စည်းမျဉ်းများကိုလည်း တင်းကြပ်လျက် ရှိပါတယ်။

■ အိမ်ရာရှားပါးမှုနဲ့ အခြေခံအဆောက်အအုံဆိုင်ရာ ဝန်ထုတ်ဝန်ပိုးဖြစ်မှုများအပေါ် လူထုရဲ့ စိုးရိမ်ပူပန်မှုများနဲ့ နိုင်ငံရေးအရ ဖိအားများ မြင့်တက်လာချိန်မှာ ယခုကဲ့သို့ မူဝါဒအပြောင်းအလဲ ထွက်ပေါ်လာခြင်း ဖြစ်ပါတယ်။

■ လက်ယာစွန်း နိုင်ငံရေးပါတီများက ယာယီဗီဇာ အရေအတွက်ကို အပြင်းအထန် လျှော့ချရန် တောင်းဆိုတွန်းအားပေးလာတာနဲ့အမျှ လူဝင်မှုကြီးကြပ်ရေးဆိုင်ရာ ငြင်းခုံဆွေးနွေးမှုများလည်း ပိုမိုပြင်းထန်လာပါတယ်။

Source: Reuters