#World_Science
Published 21 September 2025
▪️ အန္တာတိကပြိုကွဲပြီး နှစ် ၄၀ နီးပါးအကြာမှာ သက်တမ်းအရင့်ဆုံးနဲ့ အကြီးမားဆုံး ရေခဲစိုင်ကြီးတစ်ခုဟာ နောက်ဆုံးမှာတော့ ပူနွေးတဲ့ရေထဲ ကွဲအက်သွားပြီဖြစ်ကာ ရက်သတ္တပတ်အတွင်း ပျောက်ကွယ်သွားနိုင်ပါတယ်။
▪️ ဒီရေခဲစိုင်ကြီးကို A23a လို့ အမည်ပေးထားကာ တစ်ထရီလီယံတန်ချိန်အောက် အနည်းငယ်သာလျော့ပြီး လန်ဒန်ထက် အရွယ်အစားနှစ်ဆကျော်လောက် ပိုကြီးပါတယ်။
▪️ အခုတော့ မူလထက် တဝက်အောက်သာ ကျန်ရှိတော့ကာ ၁၇၇၀ စတုရန်းကီလိုမီတာခန့် ရှိသေးတယ်လို့ AFP ဂြိုဟ်တုပုံရိပ်ဆန်းစစ်ချက်များအရ သိရပါတယ်။
▪️ ရေခဲစိုင်ကြီးကနေ အပိုင်းပိုင်းကွဲထွက်ကုန်ပြီး ပင်လယ်ပြင်က သင်္ဘောတွေကို ခြိမ်းခြောက်နေပါတယ်။
▪️ ရေပူနွေးလာတဲ့အတွက် ရေခဲအဖြစ် မထိန်းသိမ်းနိုင်တော့ဘဲ အဆက်မပြတ် အရည်ပျော်နေကာ လာမယ့်သီတင်းပတ်တွေမှာ ပျောက်ကွယ်သွားနိုင်တယ်လို့ ဗြိတိန်အန္တာတိတ်စစ်တမ်းမှ သမုဒ္ဒရာပညာရှင် အန်ဒရူးမိုင်ဂျာစ်က ပြောပါတယ်။
▪️ A23a ဟာ ၁၉၈၆ က အန္တာတိတ်ကမ်းရိုးတန်းကနေ ထွက်လာတာဖြစ်ပြီး ဝက်ဒယ်ပင်လယ်မှာ ကျောက်ချနေခဲ့ကာ နှစ် ၃၀ ကျော်ကြာအောင် သမုဒ္ဒရာကြမ်းပြင်မှာ ပိတ်မိနေခဲ့ပါတယ်။
▪️ ရေတွေပူနွေးလာခြင်းနဲ့ ဧရာမလှိုင်းကြီးတွေ တိုက်စားခြင်းကြောင့် ရုတ်တရက်ပြိုကွဲလာတယ်လို့ မိုင်ဂျာစ်က ပြောပါတယ်။
▪️ ရေခဲစိုင်အများစုက ဒီလောက်အထိ မခံကြပေမယ့် ဒီတစ်ခုကတော့ အလွန်ကြီးမားတဲ့အတွက် ပိုပြီးကြာရှည်ခံခဲ့တာ ဖြစ်ပါတယ်။
▪️ ရေခဲစိုင်တွေ အရည်ပျော်တာက သဘာဝဖြစ်စဉ်ဆိုပေမယ့် ပျော်တဲ့နှုန်းမြင့်မားလာတာက လူသားတွေလုပ်ရပ်ကြောင့် ရာသီဥတုဖောက်ပြန်မှုနဲ့ သက်ဆိုင်နေပါတယ်။
Source: India Today.
