#World_News
Published 01 April 2025
▪️ နိုင်ငံတကာ ဖွံ့ဖြိုးရေးအဖွဲ့ အမေရိကန်အေဂျင်စီ (USAID)တစ်ခုက မြေငလျင်ဒဏ်ကြောင့် အနည်းဆုံးလူ ၂ ထောင်ကျော်သေဆုံးခဲ့တဲ့ မြန်မာနိုင်ငံမှာ အကူအညီအလိုအပ်ဆုံး အရာများကို အကဲဖြတ်စစ်ဆေးဖို့ သွားနေတယ်လို့ အမေရိကန် နိုင်ငံခြားရေးဝန်ကြီးဌာနက တနင်္လာနေ့မှာ ပြောပါတယ်။
▪️ ဒါပေမဲ့ ထွက်ခွာသွားတဲ့ အဖွဲ့ဝင် ၃ ဦးပါ အကဲဖြတ်အဖွဲ့ဟာ ဗီဇာရရှိရေး အခက်အခဲများကြောင့် ကြန့်ကြာနေတယ်လို့ USAIDထိပ်သီးအရာရှိဟောင်းတစ်ဦးနဲ့ သတင်းနီးစပ်သူတစ်ဦးက ပြောပါတယ်။
▪️ "ကူညီရေးအစီအစဉ်က ကူညီနိုင်စွမ်းနဲ့ ကူညီလိုစိတ်တို့ များစွာရောထွေးနေတာကြောင့် နှောင့်နှေးနေတယ်"လို့ ၂၀၂၄ ဖေဖော်ဝါရီ မတိုင်ခင်အထိ USAID လူသားချင်းစာနာမှုဗျူရိုကို ဦးဆောင်ခဲ့တဲ့ ဆာရာချားလ်စ်က ပြောသွားပါတယ်။
▪️ နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ တမ်မီဘရုစ် ပြောကြားရာမှာ ဘန်ကောက်၊ မနီလာ၊ ဝါရှင်တန် အခြေစိုက်များအပါအဝင် အမေရိကန် ကပ်ဘေးကျွမ်းကျင်သူများက အခြေအနေကို စောင့်ကြည့်နေပြီး အကဲဖြတ်ဆန်းစစ်ရေးအဖွဲ့ စေလွှတ်ထားတယ်လို့ ဆိုပါတယ်။
▪️ အမေရိကန်အစိုးရရဲ့ လျှော့ချရေးတွေကြောင့် USAIDရဲ့ အကူအညီနှောင့်နှေးရတယ်ဆိုတဲ့ ဝေဖန်မှုကိုတော့ ငြင်းဆိုထားကာ ငလျင်ဒဏ်သင့်သူများကို ကူညီသွားဖို့ မြန်မာနိုင်ငံရှိ မိတ်ဖက်များနဲ့ ပူးပေါင်းလုပ်ဆောင်နေတယ်လို့ ဆိုပါတယ်။
▪️ အမေရိကန်က မြန်မာအာဏာပိုင်များထံကနေ အကူအညီတောင်းခံမှု တရားဝင်ရရှိထားကာ လုပ်ကိုင်နိုင်စွမ်းတွေ အခွင့်ပိုရလာတယ်လို့ ဘရုစ်က ပြောပါတယ်။
▪️ အမေရိကန်က မြန်မာအခြေစိုက် လူသားချင်းကူညီရေး အဖွဲ့အစည်းများကနေ ဒေါ်လာ ၂ သန်းကူညီပေးဖို့ ကတိပြုထားပါတယ်။
▪️ တရုတ်၊ ရုရှားနဲ့ အခြားနိုင်ငံများကလည်း အရေးပေါ်အကူအညီများ စေလွှတ်ထားပါတယ်။
#Source: Reuters
