#World_News
Published 19 April 2025
▪️ ရုရှား-ယူကရိန်း ငြိမ်းချမ်းရေးသဘောတူညီချက်နဲ့ ပတ်သက်ပြီး အချိန်တိုအတွင်းတိုးတက်မယ့် အရိပ်အယောင်များ မတွေ့ရပါက ကြားဝင်စေ့စပ်ဖို့ကြိုးပမ်းနေတဲ့ အမေရိကန် လက်ရှောင်သွားတော့မယ်လို့ အမေရိကန်သမ္မတ ဒေါ်နယ်ထရမ့်နဲ့ နိုင်ငံခြားရေးဝန်ကြီး မာကိုရူဘီယိုတို့ သောကြာနေ့က ပြောပါတယ်။
▪️ ထရမ့်က အိမ်ဖြူတော်မှာ သတင်းထောက်တွေကို ပြောကြားရာမှာ "မြန်မြန် အပြီးသတ်ချင်ပါပြီ။ တစ်ဖက်ဖက်က အကြောင်းအရာအမျိုးမျိုးကြောင့် ခက်ခဲအောင်လုပ်နေရင် သူတို့ဟာ အတော်မိုက်မဲတဲ့လူတွေဖြစ်ပြီး ဒီကိစ္စကို လက်ရှောင်သွားပါမယ်" လို့ ဆိုပါတယ်။
▪️ ထရမ့်ပြောပြီးနောက် ရူဘီယိုကလည်း "ဒီကိစ္စကို လနဲ့ချီ ဆောင်ရွက်မှာမဟုတ်ပါဘူး။ ရက်ပိုင်းအတွင်းမှာပဲ ဆုံးဖြတ်ဖို့လိုပါတယ်" လို့ ဆိုပါတယ်။
▪️ ဘယ်လောက်အထိ စောင့်ဆိုင်းမလဲဆိုတဲ့ သတ်မှတ်ချိန်နဲ့ ပတ်သက်ပြီးလို့တော့ ထရမ့်က မဖြေကြားသွားပါဘူး။
▪️ ပြီးခဲ့တဲ့ သီတင်းပတ်များအတွင်း ငြိမ်းချမ်းရေးသဘောတူညီချက် အလျင်အမြန် ရနိုင်ခြေတွေက မရေမရာဖြစ်လာတာကို အမေရိကန်အစိုးရအရာရှိများ သဘောပေါက်လာကြပါတယ်။
▪️ ရုရှားအစိုးရအဖွဲ့မှ ပြောရေးဆိုခွင့်ရှိသူ ဒီမစ်ထရီပက်စ်ကော့ဗ်က ငြိမ်းချမ်းရေး သဘောတူညီချက်မှာ တိုးတက်မှုတွေရှိပေမယ့် အမေရိကန်နဲ့ ဆက်သွယ်ရတာ ခက်ခဲနေတယ်လို့ ပြောပါတယ်။
▪️ ရုရှားအကျိုးစီးပွားကို ရှေးရှုထားကာ ပဋိပက္ခကို ဖြေရှင်းဖို့ကြိုးပမ်းနေတယ်လို့ ဆိုပါတယ်။
▪️ ရုရှားဇာတ်ကြောင်းတွေကို ယူကရိန်းသမ္မတဖွနေတာဟာ ငြိမ်းချမ်းရေးလမ်းစဉ်မှာ အကူအညီမဖြစ်စေဘူးလို့ အမေရိကန်အရာရှိတွေ ပြောနေပါတယ်။
▪️ ကြာသပတေးနေ့က ပဲရစ်မှာပြုလုပ်တဲ့ ငြိမ်းချမ်းရေးဆွေးနွေးပွဲမှာ ဥရောပအင်အားကြီးနိုင်ငံများ ပါဝင်ခဲ့ပြီး အမေရိကန်ရဲ့ ငြိမ်းချမ်းရေးဘောင်ကို လက်ခံသဘောကျကြသလို ယူကရိန်းသမ္မတရုံးကလည်း အပြုသဘောဆောင်တယ်လို့ မြင်နေပါတယ်။
▪️ လာမယ့်သီတင်းပတ် လန်ဒန်မှ နှစ်ဖက်နိုင်ငံ ပြန်လည်ဆွေးနွေးမှာဖြစ်ကာ အမေရိကန်တင်ပြတဲ့ ငြိမ်းချမ်းရေးသဘောတူညီချက်ကို အပြည့်အဝလက်ခံဖို့ ယူကရိန်းကို အချိန်ပေးသွားမှာဖြစ်ကြောင်း အမေရိကန်အရာရှိတစ်ဦးက ပြောသွားပါတယ်။
#Source: Reuters
