#World_Health
Published 08 September 2024
▪️ ကိုယ်ကာယလေ့ကျင့်ခန်း လိုက်စားသူတစ်ဦးဟာ ပရိုတိန်းမြင့်မားတဲ့ အသားစားစရာတွေကိုပဲ စားသောက်ပြီး အသီးအရွက် မစားတဲ့အကြောင်း အင်တာနက်မှာ နာမည်ကြီးနေပါတယ်။
▪️ အသားစားပုံစံဟာ တိရိစ္ဆာန်ထွက်ပစ္စည်းတွေဖြစ်တဲ့ အသား၊ ဥ၊ နို့ထွက်ပစ္စည်းများကိုသာ စားသုံးတာ ဖြစ်ပါတယ်။
▪️ ဒီနည်းလမ်းဟာ ကိုယ်အလေးချိန် ကျစေပြီး ပိုမိုကျန်းမာစေတယ်လို့ လူအချို့ဆိုနေကြပေမယ့် ကျွမ်းကျင်သူတွေကတော့ ငြင်းဆန်လိုကြပါတယ်။
▪️ ဒီနည်းလမ်းဟာ ရောင်ရမ်းမှုဖြစ်နိုင်ပြီး အရွယ်မတိုင်ခင် အိုမင်းရင့်ရော်နိုင်တယ်လို့ ဒေါက်တာ ရူပီအော့ဂျ်လာက ပြောပါတယ်။
▪️ နှလုံးနဲ့ ကျောက်ကပ်တို့လို အဓိကအင်္ဂါတွေမှာ ဆဲလ်တွေစုပြုံလာပြီး သွေးတွင်းရောင်ရမ်းခြင်းနဲ့ အဆိပ်သင့်ခြင်းတို့ ဖြစ်လာနိုင်တယ်လို့ ရှင်းပြပါတယ်။
▪️ ထိုဆဲလ်တွေကို ကိုယ်ခံအားစနစ်ကလည်း မရှင်းထုတ်နိုင်ဘဲ ပိုလျှံလာပါက တစ်ကိုယ်လုံးမှာ ရောင်ရမ်းမှု ဖြစ်လာနိုင်တယ်လို့ ဆိုပါတယ်။
▪️ အခြားဆရာဝန်တွေကလည်း အရွက်စားနည်းပြီး အသားအစားများခြင်းရဲ့ အကြောင်းကို သတိပေးနေကြပါတယ်။
▪️ အသားစားပုံစံဟာ နှလုံးသွေးကြောကျဉ်းခြင်း၊ စွမ်းအင်ထုတ်လုပ်ပုံ မမှန်ခြင်းတို့ ဖြစ်နိုင်ခြေများစေကာ ကိုလက်စ်ထရောလ်ပမာဏ မြင့်မားစေတယ်လို့ ဆိုပါတယ်။
▪️ ဒီလိုစားသောက်ခြင်းဖြင့် နှလုံးသွေးကြောရောဂါနဲ့ ဒီမန်ရှာတို့ပါ ဖြစ်နိုင်ခြေများစေတယ်လို့ ဖြည့်စွက်ပြောပါတယ်။
▪️ ဒီလိုစားသောက်ခြင်းကို သေချာလေ့လာမှုလည်း မပြုလုပ်ထားတာကြောင့် အန္တရာယ်များစေတယ်လို့ ရှင်းပြခဲ့ပါတယ်။
#Source: New York Post
