၄ နိုဝင်ဘာ ၂၀၂၃
နီပေါနိုင်ငံအနောက်ပိုင်းတွင် သောကြနေ့သန်းခေါင်ယံက ပြင်းထန်သည့် ငလျင်လှုပ်ရှားရာ အနည်းဆုံး ၁၂၈ ဦး သေဆုံးပြီး ရာပေါင်းများစွာ ထိခိုက်ဒဏ်ရာတွေရရှိခဲ့ကြပါတယ်။
နီပေါအနောက်ပိုင်း ဂျဂျာကော့ခရိုင်တွင် ပြင်းအား ၆.၄ အဆင့်ရှိ ငလျင်ကြီး ည၁၁နာရီ ၄၇မိနစ်တွင်လှုပ်ရှားခဲ့တာဖြစ်ပါတယ်။ ရှာဖွေကယ်ဆယ်ရေးတွေဆက်လုပ်နေဆဲမို့ သေဆုံးသူအရေအတွက် မြင့်တက်လာနိုင်တယ်လို့ ဒေသအဆင့်အရာရှိတွေက ပြောပါတယ်။
နီပေါဝန်ကြီးချုပ် ပုရှ်ပါ ကာမာ ဒါဟာက အသက်ဆုံးရှုံးပြီး အိုးအိမ်ပျက်စီးရသူတွေအတွက် ဝမ်းနည်းကြောင်း ပြောဆိုခဲ့ပြီး ကယ်ဆယ်ရေးနှင့်ပြန်လည်နေရာချထားရေးတွေချက်ခြင်းဆောင်ရွက်ဖို့ အမိန့်ပေးခဲ့ပါတယ်။
စနေမနက်မှာ သူဟာအရာရှိတွေနှင့်အတူ ငလျင်ဒဏ်ခံစားခဲ့ရတဲ့ ဒေသကို သွားရောက်ခဲ့ပါတယ်။
