#World_Health
Published 20 March 2023
ညဘက်အိပ်ရေးပျက်တာတွေ၊ ခြေထောက်တုန်လှုပ်တာတွေဟာ အိမ်မွေးတိရိစ္ဆာန်တွေကြောင့်လို့ ကျွမ်းကျင်သူများက ဆိုပါတယ်။
ခွေးမမွေးသူတွေနဲ့ယှဉ်ရင် ခွေးပိုင်ရှင်တွေဟာ အိပ်စက်မှုပိုင်းမှာပြဿနာများရှိတတ်ပြီး ကြောင်ပိုင်ရှင်တွေကတော့ ညအိပ်တဲ့အခါ ခြေထောက်တုန်လှုပ်တာမျိုး ပိုအဖြစ်များပါတယ်။
အိမ်မွေးတိရိစ္ဆာန်မွေးထားခြင်းဟာ လုံခြုံမှုနဲ့ အဖော်ရတယ်လို့ ထင်မှတ်ထားကြပေမယ့် ရလဒ်တွေအရတော့ အိပ်စက်မှုကို ပိုဆိုးရွားစေပါတယ်။
လေ့လာချက်တွေအရ ခွေးပိုင်ရှင်တွေဟာ ခွေးမမွေးသူတွေထက် အိပ်မပျော်ခြင်း၊ အသက်ရှူကျပ်ခြင်း၊ မငြိမ်မသက်ဖြစ်ခြင်း၊ အိပ်ငိုက်ခြင်း၊ အိပ်ဆေးလိုအပ်ခြင်း၊ ခြေထောက်တုန်လှုပ်ခြင်းတို့ ပိုပြီးဖြစ်နိုင်ချေရှိပါတယ်။
ကြောင်ပိုင်ရှင်တွေကတော့ ကြောင်မမွေးသူတွေထက် အိပ်ပျော်ဖို့ခက်ခဲခြင်း၊ ခြေထောက်တုန်လှုပ်ခြင်းတို့ ပိုဖြစ်တတ်ပါတယ်။
ဒီအကြောင်းအရင်းက ကြောင်တွေဟာ ညဘက်မှာ ပိုပြီးလှုပ်ရှားတာကြောင့်လို့ ယူဆပေမယ့် အတည်မပြုနိုင်သေးပါဘူး။
အိမ်မွေးတိရိစ္ဆာန်တွေနဲ့ ပတ်သက်ပြီး အိပ်စက်မှုပြဿနာများနဲ့ ဖြေရှင်းနည်းတို့အကြောင်း နားလည်သိရှိလာနိုင်ပါသေးတယ်။
ဒီလိုတွေတွေ့ရှိထားပေမယ့် အိမ်မွေးတိရိစ္ဆာန်တွေကို အိပ်ရာမှာခေါ်သိပ်ခြင်းဖြင့် အိပ်စက်မှုကိုကူညီပေးနိုင်တယ်လို့ မိုင်ယိုဆေးရုံက တွေ့ရှိထားပါတယ်။
သူတို့ဘေးနားထားပြီးအိပ်စက်တဲ့အခါ လုံခြုံမှုနဲ့ သက်တောင့်သက်သာဖြစ်မှုကို ခံစားရစေတယ်လို့ ဒေါက်တာ'လွိုက်စ်ခရန်'က ပြောပြခဲ့ပါတယ်။
အခုခေတ်မှာ လူတွေက နေ့ဘက်တွေမှာ အပြင်ရောက်နေတာကြောင့် အိမ်မွေးလေးတွေနဲ့ ဝေးကွာနေရပြီး အိမ်ရောက်တဲ့အခါ ညဘက်အိပ်ရာပေါ်ထားခြင်းဖြင့် သူတို့နဲ့အတူ ရှိနေစေပါတယ်။
Source: Daliy Mail #World_Health #အိမ်မွေးတိရိစ္ဆာန်
#YMG #Yangon_Media_Group
