#Health_Technology
Published 6 June 2022
တရုတ်နိုင်ငံမှသိပ္ပံပညာရှင်များက အိုမင်းရင့်ရော်ခြင်းဖြစ်စဉ်ကို ဆန့်ကျင်ဟန့်တားနိုင်ဖွယ်ရှိတဲ့ ဖြစ်စဉ်နည်းပညာတစ်ခုကိုတွေ့ရှိထားပြီး သွေးစုပ်ဖုတ်ကောင်ရဲ့သဘာဝကဲ့သို့ ယူဆလို့ရပါတယ်။
တရုတ်သိပ္ပံအကယ်ဒမီမှဦးဆောင်တဲ့ လေ့လာချက်မှာ အသက်အရွယ်ကြီးရင့်တဲ့ကြွက်တွေဆီက သွေးလည်ပတ်မှုစနစ်ကို ငယ်ရွယ်တဲ့ကြွက်တွေဆီကစနစ်နဲ့ ခွဲစိတ်ချိတ်ဆက်ခဲ့ကြကြောင်း Cell Stem Cell ဂျာနယ်မှာ ပြီးခဲ့တဲ့လက ဖော်ပြခဲ့ပါတယ်။
ငယ်ရွယ်တဲ့ကြွက်တွေဆီကသွေးကိုယူပြီး အသက်ကြီးတဲ့ကြွက်တွေမှာ ထိုးနှံခဲ့ရာ ပိုမိုအသက်ရှည်လာခဲ့ကြောင်း တွေ့ရှိခဲ့ကြပါတယ်။
ငယ်ရွက်သူဆီက နမူနာယူပြီးစမ်းသပ်မှုမျိုးကို သိပ္ပံပညာရှင်တွေကြားမှာ heterochronic parabiosis (HP) ဆိုပြီး သိရှိထားတာ ဆယ်စုနှစ် ၇ ခုလောက်ရှိနေပြီဖြစ်ပါတယ်။
ပြီးခဲ့တဲ့နှစ်တွေမှာလည်း HP ရဲ့ ငယ်ရွယ်နုပျိုစေတဲ့သက်ရောက်မှုများကို စာစောင်အများအပြားမှာဖော်ပြခဲ့ကြပါတယ်။
လက်ရှိမတိုင်ခင်အချိန်အထိ ငယ်ရွယ်သူရဲ့သွေးက အိုမင်းနေပြီဖြစ်တဲ့သွေးကြောစနစ်မှာ အကျိုးသက်ရောက်မှုရှိစေလားဆိုတာ ဆန်းကြယ်တဲ့ကိစ္စဖြစ်နေခဲ့ပါတယ်။
သုတေသီတွေအောင်မြင်စွာထုတ်လုပ်ခဲ့တဲ့ HP ပင်မ stem ဆဲလ်အသစ်ဖြစ်စဉ်ဟာ အိုမင်းတဲ့ကြွက်တွေဆီက ပင်မ stem ဆဲလ်တွေနဲ့ အနီးနားကဆဲလ်တွေကို ပြန်လည်နုပျိုအောင်ပြုလုပ်ပေးနိုင်ခဲ့ပါတယ်။
အသက်အရွယ်ကြီးလာတာနဲ့အမျှ ပျက်စီးယိုယွင်းလာတဲ့ ကိုယ်တွင်းအင်္ဂါတွေနဲ့ တစ်ရှူးတွေဟာ လေ့လာမှုပြုလုပ်ပြီးနောက် ပြောင်းလဲသွားခဲ့ပါတယ်။
ဒါပေမဲ့ ငယ်ရွယ်တဲ့ကြွက်တွေက အိုမင်းရင့်ရော်တဲ့သွေးနဲ့ထိတွေ့လိုက်ရတာကြောင့် အရွယ်မတိုင်ခင် အိုမင်းလာခဲ့ပါတယ်။
သူတို့ရဲ့တွေ့ရှိချက်တွေက အိုမင်းရင့်ရော်ခြင်းကိုပြောင်းလဲနိုင်ဖို့ သုတေသနများဆက်လက်ပြုလုပ်နိုင်ရန် အထောက်အပံ့ဖြစ်စေမှာဖြစ်ကြောင်း ပြောပြသွားပါတယ်။
"အိုမင်းရင့်ရော်ခြင်းအကြောင်းအရင်းများကို သိရှိနားလည်ပြီး ဘယ်လိုဆန့်ကျင်ရမလဲဆိုတာသိရှိဖို့ ကျွန်တော်တို့လုပ်ဆောင်နေတာဖြစ်ပါတယ်" လို့ ရေးသားဖော်ပြသွားပါတယ်။
Source: Yahoo
#Yangon_Media_Group
