ဂျပန်မှာ ၂၀၂၄ ခုနှစ်က လူဦးရေပြဿနာ ပိုမိုဆိုးရွားခဲ့ပြီး ကလေးမွေးဖွားမှု ၆၈၆,၀၆၁ ဦးဖြင့် စံချိန်တင်အနည်းဆုံးဖြစ်ခဲ့သဖြင့် လူဦးရေတိုးပွားအောင်လုပ်ဖို့ အာဏာပိုင်များ ဖိအားများလာပါတယ်။
#Asia_News
Published 16 July 2025
#ဂျပန်ကျေးလက်ဒေသ #လူဦးရေကျဆင်းမှုကိုဖြေရှင်း
#YMG #Yangon_Times #Yangon_Media_Group

#Daily_News

Published 16 July 2025

၁။ ‌‎‎‎ရန်ကုန်မြို့ရှိ ကွန်ဒိုများငလျင်အာမခံထားရှိမှုများပြားလာ
‎
၂။ ‌‎တရုတ်ပို့မည့်ကုန်စည်အုပ်စု၇မျိုး မှတ်ပုံတင်ရန် Manual စနစ်ဖြင့်လျှောက်ထားရမည်

၃။ ‎‎မုတ်သုံလေအားကောင်းနေ၍ မိုးပိုကောင်းပြီးနေရာကွက်၍မိုးကြီးနိုင်

၄။ ဂျပန်ကျေးလက်ဒေသတစ်ခု၌ လူဦးရေကျဆင်းမှုကိုဖြေရှင်းရန် လုပ်ငန်းအခွင့်အလမ်းများ ဖန်တီးကာလူတွေကိုဆွဲဆောင်ရန်ကြိုးပမ်း... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 16 July 2025

▪️ American Idol မှ ဂီတကြီးကြပ်ရေးမှူးနဲ့ ခင်ပွန်းဖြစ်သူတို့ဟာ လော့စ်အိန်ဂျလိစ်မှာရှိတဲ့ သူတို့ရဲ့ ဒေါ်လာ ၄ သန်းခွဲတန်အိမ်ကြီးထဲမှာ နှစ်လောင်းပြိုင်လုပ်ကြံခံခဲ့ရကြောင်း ရဲဘက်က ပြောပါတယ်။

▪️ American Idol မှာ ကြီးကြပ်ရေးမှူးအဖြစ် လုပ်နေတဲ့ ဂီတဆုရှင် ရော်ဘင်ကေးနဲ့ အဆိုတော် သောမတ်စ်ဒယ်လူကာတို့ဟာ အသက် ၇၀ ရှိပြီဖြစ်ပြီး သူတို့ရဲ့နေအိမ် ဖောက်ထွင်းခံရတဲ့အခြေအနေ ရှိတယ်လို့ LAPD သတင်းရင်းမြစ်တစ်ခုက ပြောပါတယ်။

▪️ သူတို့အကြောင်း မကြားရတာ ၄ ရက်လောက်ရှိတဲ့အခါ တနင်္လာနေ့လယ်ခင်းက စစ်ဆေးဝင်ရောက်ရာမှာ အလောင်းတွေ တွေ့ရှိခဲ့တယ်လို့ LAPD က ပြောပါတယ်။

▪️ နှစ်ဦးစလုံးက ဦးခေါင်းမှာ သေနတ်ဒဏ်ရာများဖြင့် ဆုံးပါးခဲ့တာဖြစ်ပြီး ယခုအချိန်မှာ သံသယရှိသူအကြောင်း မသိထားဘဲ စုံစမ်းစစ်ဆေးနေတယ်လို့ ဆိုပါတယ်။

▪️ ကေးကို မီးဖိုခန်းနဲ့ ဒယ်လူကာကို ရေချိုးခန်းထဲမှာ သေဆုံးလျက် တွေ့ရှိခဲ့ကြပါတယ်။

▪️ အဝင်ဝနေရာနဲ့ ပြတင်းပေါက်ကွဲနေတဲ့နေရာမှာ သွေးတွေတွေ့ရတာကြောင့် တရားခံက အိမ်ထဲကို ပြတင်းပေါက်ကနေ ဝင်လာခဲ့ဟန်ရှိပါတယ်။

▪️ ကြာသပတေးနေ့က သံသယရှိဖွယ်လူတစ်ယောက် ခြံစည်းရိုးကနေ ခုန်ကျော်သွားကာကို အိမ်နီးချင်းများ တွေ့ရှိကာ ရဲတွေခေါ်ခဲ့ပေမယ့် ပုံမှန်မဟုတ်တာမျိုး မတွေ့ခဲ့ကြပါဘူး။

▪️ ကေးဟာ American Idol မှာ season ၁၅ ခုတိုင်အောင် အလုပ်လုပ်ခဲ့ပြီး တေးဂီတကြီးကြပ်ရေးမှူးဆု အများအပြားရရှိခဲ့ပါတယ်။

▪️ အဆိုပါ နေအိမ်အများစုမှာ သီးခြားဖြစ်နေကြပြီး ပတ်ပတ်လည်မှာ သံဆူးကြိုးတွေနဲ့ နံရံကြီးတွေရှိနေပါတယ်။

▪️ အင်ဆီနိုရပ်ကွက်မှာ မကြာခဏ ဖောက်ထွင်းဝင်ရောက်တာတွေ၊ ခိုးလုတာတွေ ကြုံနေရတယ်လို့ ရပ်ကွက်သားများက ပြောပြခဲ့ပါတယ်။

#Source: New York Post

#World_Science
Published 16 July 2025

▪️ ဆဲလ်တွေနဲ့ဖွဲ့စည်းထားတဲ့ သတ္တဝါတိုင်းဟာ အသက်ရှင်ဖို့ အောက်ဆီဂျင်လိုအပ်ပြီး အောက်ဆီဂျင်မရှိရင် အသက်မရှင်နိုင်ဘူးလို့ သိထားပါတယ်။

▪️ အခုဆိုရင် သိပ္ပံပညာရှင်တွေက အောက်ဆီဂျင်မရှိဘဲ အသက်ရှင်နိုင်တဲ့ တိရိစ္ဆာန်တစ်မျိုးကို အံ့အားသင့်ဖွယ် တွေ့ရှိလာပါတယ်။

▪️ ဒါကတော့ Henneguya salminicola လို့ခေါ်တဲ့ အလွန်သေးငယ်သော ကပ်ပါးကောင်ဖြစ်ပြီး အချို့သောငါးတွေထဲမှာ မှီခိုရှင်သန်ကြပါတယ်။

▪️ သူ့ဘာသာ မလှုပ်ရှားနိုင်ဘဲ အသက်ရှင်သန်ဖို့အတွက် အခြားသက်ရှိအတွင်းထဲမှာ နေထိုင်ရပါတယ်။

▪️ သူ့မှာ ထူးခြားတာက အခြားသတ္တဝါတွေလို မိုင်တိုခွန်ဒရီယယ်မျိုးဗီဇပစ္စည်း မရှိပါဘူး။

▪️ သတ္တဝါတိုင်းက မိုင်တိုခွန်ဒရီယာဖြင့် အောက်ဆီဂျင်တွေ အာဟာရဓာတ်တွေကို အသုံးပြုပြီး စွမ်းအင်ထုတ်လုပ်ပေမယ့် Henneguya salminicola ကတော့ ဒီလိုမဟုတ်ပါဘူး။

▪️ သူတို့က ပင်လယ်နေငါးတွေရဲ့ ကြွက်သားတွေထဲမှာ နေထိုင်ကာ ပြင်ပပတ်ဝန်းကျင်ကိုလိုက်ပြီး ပြောင်းလဲဆင့်ကဲနိုင်ပါတယ်။

▪️ ကပ်ပါးမျိုးဖြစ်တာကြောင့် သက်ရှိတွေဆီကနေ အာဟာရဓာတ်တွေ စွမ်းအင်တွေကို တိုက်ရိုက်စုပ်ယူပါတယ်။

▪️ သက်ရှိတွေဟာ အသက်ရှင်ဖို့ အောက်ဆီဂျင်လိုအပ်တယ်ဆိုတဲ့ သတ်မှတ်ချက်ကြီးကို Henneguya salminicola က ချိုးဖျက်လိုက်တာပါ။

▪️ ဒီအရာကနေ ကွဲပြားခြားနားတဲ့ ပတ်ဝန်းကျင်တွေမှာ ပြောင်းလဲရှင်သန်နိုင်မလားဆိုတာ စဉ်းစားစရာဖြစ်လာသလို အောက်ဆီဂျင်မလိုဘဲ အသက်ရှင်နိုင်တဲ့ အခြားသတ္တဝါတွေလည်း ရှိဦးမလားဆိုတာ စိတ်ဝင်စားစရာ ဖြစ်လာပါတယ်။

#Source: UNION RAYO

#World_Science
Published 16 July 2025

▪️ မျက်စိကနေ လက်ရှိမြင်နေရတဲ့အရာတွေဟာ တကယ်တမ်းမှာ အမြင်မှားတာဖြစ်နိုင်တယ်လို့ ၂၀၂၂ ခုနှစ်က Science Advances မှာ ဖော်ပြထားပါတယ်။

▪️ သုတေသီတွေ ပြောပုံအရဆိုရင် ဦးနှောက်ဟာ ပြီးခဲ့တဲ့ ၁၅ စက္ကန့်လောက်က ပုံရိပ်တွေကို ပြသနေတာ ဖြစ်နိုင်ပါတယ်။

▪️ ဦးနှောက်က ပြီးခဲ့တဲ့အမြင်ပုံရိပ်တွေကို ရောစပ်ပြီး ရှင်းလင်းချောမွေ့စွာ မြင်စေတာဖြစ်တယ်လို့ ဆိုပါတယ်။

▪️ တကယ်တမ်းက ယခင်ပြီးခဲ့တာကို ဦးနှောက်ကနေ ယခုလက်ရှိ ဖြစ်နေတယ်လို့ ပြောင်းလဲဖော်ပြတဲ့အတိုင်း မြင်နေရတာ ဖြစ်ပါတယ်။

▪️ လူ့ဦးနှောက်ဟာ တကယ့်လက်ရှိအမြင်အတိုင်း လုပ်ဆောင်တာမဟုတ်ဘဲ ပြီးခဲ့တဲ့ပုံရိပ်တွေကို ပေါင်းစပ်ကာ ချောမွေ့ပြတ်သားတဲ့ပုံရိပ်အဖြစ် ဖန်တီးပေးပါတယ်။

▪️ ဒီလိုသာမဟုတ်ဘဲ လက်ရှိမြင်သမျှအရာတိုင်းကို ချက်ချင်းအာရုံခံမြင်ပေးနေရင် ဦးနှောက်မှာ အာရုံခံမှုတွေ စုပြုံလာနိုင်ပါတယ်။

▪️ ဒီလိုပုံစံနဲ့ပဲ တည်ငြိမ်စွာပြောင်းလဲလာတဲ့ မြင်ကွင်းတွေကို ချောချောမွေ့မွေ့ မြင်ရတာဖြစ်ပါတယ်။

▪️ တကယ့်အချိန်အတိုင်း အလွန်တိကျစွာ မြင်ရမယ့်အစား ချောမွေ့တဲ့အမြင်အာရုံကို ဖြစ်စေပါတယ်။

▪️ အမြင်အာရုံက ပြီးခဲ့တာတွေအပေါ် အခြေခံတာဆိုရင် လက်တွေ့ဖြစ်နေတာတွေကို အမှန်အတိုင်း မြင်နေရဲ့လား၊ အသိစိတ်ဝင်နေတာဟာ ဦးနှောက်က သတင်းပေးပို့နေလို့လား၊ အာရုံကြောသိပ္ပံပညာမှာ လက်ရှိဆိုတာ ဘာသဘောလဲဆိုတဲ့ မေးခွန်းတွေ ရှိလာနိုင်ပါတယ်။

#Source: Time of India

ဘင်္ဂလားဒေ့ရှ်တောင်ပိုင်း ဖီနီခရိုင် ဒေသအများအပြားမှာ ရက်နဲ့ကြာအောင် မိုးကြီးနေသဖြင့် ရေကြီးရေလျှံဖြစ်လာကာ အရေးပေါ်ဆောင်ရွက်လာရပါတယ်။
#World_Crisis
Published 15 July 2025
‎#ဘင်္ဂလားဒေ့ရှ်ရေကြီး ‎#အရေးပေါ်လုပ်ဆောင်ချက်များစတင်
#YMG #Yangon_Times #Yangon_Media_Group