၁၇ စက်တင်ဘာ ၂၀၂၃

တော်လှန်သူပုန်ထမှုများနှင့် ပြင်ပကျူးကျော်မှုများရှိလာပါက တစ်နိုင်ငံနှင့်တစ်နိုင်ငံ အပြန်အလှန်ကူညီရန် ကတိကဝတ်ပြုသည့် လုံခြုံရေးစာချုပ်တစ်ခုကို  အာဖရိကတိုက်မှ အာဏာသိမ်းထားသည့် မာလီ၊နိုင်ဂျာနှင့်ဘာကီနာဖာဆိုစစ်အစိုးရများက စနေနေ့တွင် လက်မှတ်ရေးထိုးလိုက်ကြပါတယ်။

လစ်တာကို- ဂေါ်မာ သဘောတူ ပဋိညာဉ်သည် ဆာဟေးလ်နိုင်ငံများမဟာမိတ်အဖွဲ့ Alliance of Sahel States (AES) ကို ဖန်တီးပေးလိမ့်မည်ဟု မာလီစစ်အစိုးရခေါင်းဆောင် အက်ဆီမီဂိုအီတာက အိတ်စ်(တွစ်တာ)တွင် ရေးသားသတင်းထုတ်ပြန်ပါတယ်။  “ ကျွန်တော်တို့ပြည်သူတွေရဲ့ အကျိုးအတွက် ကာကွယ်ရေးနှင့် အပြန်အလှန်ကူညီရေးဆိုင်ရာ စုပေါင်းဖွဲ့စည်းမှုတစ်ရပ်ကို တည်ထောင်ဖို့ ရည်ရွယ်တာဖြစ်တယ်လို့ သူကရေးသားပါတယ်။

ကုန်းတွင်းပိတ် ဆာဟေားနိုင်ငံ (၃)နိုင်ငံဟာ အယ်ကေးဒါးနှင့် အစ္စလမ်မစ်နိုင်ငံတော်(အိုင်အက်စ်)တို့ရဲ့ အစ္စလမ်မစ် သူပုန်ထတာတွေကို နှိမ်နှင်းနေကြရတဲ့အချိန်မှာ စစ်အာဏာသိမ်းမှုကြောင့် အိမ်နီးချင်းနိုင်ငံများ၊နိုင်ငံတကာမိမ်ဖက်များနှင့်ဆက်ဆံရေးယိုယွင်းလာနေတာ ဖြစ်ပါတယ်။

မကြာသေးမီက နိုင်ဂျာတွင် အာဏာသိမ်းမှုဖြစ်ပီဲးနောက် ဒေသဆိုင်ရာအဖွဲ့အစည်းတစ်ခုဖြစ်တဲ့ အနောက်အာဖရိကနိုင်ငံများ စီးပွားရေး အသိုက်အဝန်း(ECOWAS) က နိုင်ငံမှာ အခြေခံဥပဒေအရအုပ်ချူပ်မှုတစ်ရပ်ပြန်ပေါ်ထွန်းလာဖို့ အင်အားသုံးမယ်လို့ ခြိမ်းခြောက်ခဲ့ပါတယ်။ တိုက်ခိုက်မှုရှိလာရင် နိုင်ဂျာကိုအကူအညီပေးဖို့ မာလီနှင့် ဘာကီနာဖာဆိုတို့က ကတိပေးပြီးသားတော့ဖြစ်ပါတယ်၊

လစ်တာကို-ဂေါ်မာ ဒေသဟာ မာလီ၊ဘာကီနာဖူဆိုနှင့် နိုင်ဂျာနယ်စပ်တွေ ထိတွေ့နေတဲ့နေရာဖြစ်ပါတယ်။ ပြီးခဲ့တဲ့ နှစ်များက  အဲဒီဒေသဟာ ဂျီဟတ်ဝါဒီတွေရဲ့ဖျက်ဆီးတဲ့ဒဏ်ခံနေကြရပါတယ်။

“ ဒီမဟာမိတ်အဖွဲ့ဟာ နိုင်ငံ(၃)နိုင်ငံအကြား စစ်ရေးနှင့်စီးပွာ‌းရေးပေါင်းစည်းဆောင်ရွက်ကြမှာဖြစ်ပါတယ်” လို့ မာလီနိုင်ငံ ကာကွယ်ရေးဝန်ကြီး အက်ဒိုလာရေးဒီယော့က သတင်းစာဆရာတွေကိုပြောပါတယ်။ “ ကျွန်တော်တို့ရဲ့ ဦးစားပေးက နိုင်ငံ(၃)နိုင်ငံမှာရှိတဲ့ အကြမ်းဖက်မှုတွေကို တိုက်ခိုက်ဖို့ပဲဖြစ်တယ်” လို့ သူကပြောပါတယ်။

စာချုပ်အရ  တစ်နိုင်ငံဒါမှမဟုတ် ဒီထက်ပိုတဲ့နိုင်ငံတွေရဲ့ အချုပ်အခြာအာဏာနှင့် ပိုင်နက်တည်တံ့ခိုင်မြဲရေးကို တိုက်ခိုက်လာကြတဲ့မည်သူကိုမဆို အခြား နိုင်ငံတွေကလည်း ကျူးကျော်မှုလို့ ခံယူကြမှာဖြစ်ပါတယ်။ အဲဒီအခါ အခြားနိုင်ငံတွေက တစ်နိုင်ငံချင်းအရသော်လည်းကောင်း၊စုပေါင်း၍သော်လည်းကောင်း လက်နက်အင်အားအသုံးပြုခြင်းအပါအဝင် အကူအညီတွေ ပေးမယ် လို့လည်း ဖော်ပြထားပါတယ်

ယခု(၃) နိုင်ငံစလုံးဟာ ၂၀၁၇မှာဖွဲ့စည်းခဲ့တဲ့ ပြင်သစ်ကထောက်ခံအားပေးထားတဲ့ G5 Sahel alliance ဆာဟေးမဟာမိတ်(၅)နိုင်ငံ အဖွဲ့မှာ ချတ်ဒ်နှင့် မောရစ်တန်နီးယားတို့နှင့်အတူ အဖွဲ့ဝင်နိုင်ငံတွေဖြစ်နေကြပါတယ်။ ဒါပေမယ့် အာဏာသိမ်းမှုဖြစ်ပွားပြီးနောက် ပြင်သစ်နှင့် ယခု(၃)နိုင်ငံရဲ့ဆက်ဆံရေးဟာ ဆိုးရွားနေပါတယ်။

Source AFP/Reuters

#World_Health
Published 17 September 2023

အသက် ၆ လအရွယ် ဂျပန်လူမျိုး ယောက်ျားလေးတစ်ဦးဟာ ကိုရိုနာဗိုင်းရပ်စ်ရောဂါ ကုသမှုခံယူပြီးနောက် မျက်လုံးဟာ အပြာရောင်ပြောင်းသွားခဲ့ပါတယ်။

ကလေးဟာ အစက ချောင်းဆိုးဖျားနာ ဖြစ်နေခဲ့ကာ အန်တီဂျင်စစ်ဆေးပြီးနောက် ကိုရိုနာကူးစက်ကြောင်း တွေ့ရှိခဲ့ပါတယ်။

ဆရာဝန်တွေက တုပ်ကွေးကုသရာမှာ အသုံးပြုပြီး အေဗီဂန်လို့ ခေါ်ကြတဲ့ ဂျပန်ဆေးဝါး ဖေဗီပီရာဗီယာကို အသုံးပြုခိုင်းခဲ့ပါတယ်။

ဒီဆေးက ကိုရိုနာအစောပိုင်းအဆင့် လူနာတွေမှာ အကျိုးသက်ရောက်မှု နည်းပါးပေမယ့် အသက် ၆၀ အောက် ဆေးရုံတက်ကုသမှုခံယူရတဲ့ လူနာတွေမှာတော့ အကျိုးကျေးဇူးများစွာ ရရှိစေပါတယ်။

ထိုဆေးရဲ့ ဘေးထွက်ဆိုးကျိုးအနေနဲ့ အနည်းငယ်ဝမ်းလျှောခြင်း၊ သွေးထဲက ယူရစ်အက်ဆစ်မြင့်တက်ခြင်းတို့ အဖြစ်များပါတယ်။

ဒါပေမဲ့ ထိုကလေးကတော့ ဆေးကုသမှုခံယူပြီး ၁၈ နာရီအကြာမှာ မျက်လုံးတွေက အပြာရောင်တောက်တောက် ပြောင်းသွားပြီး အထူးသဖြင့် နေရောင်နဲ့ ထိတဲ့အခါ ပိုသိသာတာကို ကလေးအမေက သတိထားမိခဲ့ပါတယ်။  

ဒီလိုရှားပါး ဘေးထွက်ဆိုးကျိုးက အသက် ၂၀ အရွယ်လူနာတစ်ဦးမှာလည်း ဖြစ်ခဲ့ဖူးပြီး ထိုဖြစ်ရပ်နှစ်ခုစလုံးမှာ ဆေးကုသမှု ရပ်လိုက်တဲ့အခါ မျက်လုံးက သာမန်အရောင် ပြန်ပြောင်းသွားခဲ့ပါတယ်။

ဖေဗီပီရာဗီယာဆေးဟာ ဆံပင်နဲ့ လက်သည်းတွေ အရောင်ပြောင်းသွားနိုင်တယ်လို့လည်း ဖော်ပြထားဖူးပါတယ်။

ဒီလိုဖြစ်ရတာဟာ ဆေးမှာပါဝင်တဲ့ ဇီဝဖြစ်စဥ်အရာတွေနဲ့ တိုက်တေနီယမ်ဒိုင်အောက်ဆိုဒ်၊ ယဲလိုးအိုင်းယွန်းအောက်ဆိုဒ်တို့လို ပစ္စည်းတွေကြောင့် ဖြစ်နိုင်ပါတယ်။

ဆေးမှာပါဝင်တဲ့ ဇီဝဖြစ်စဥ်အရာတွေရဲ့ ပါဝင်မှုပမာဏနဲ့ ရောင်ခြယ်ထွက်ခြင်း ပမာဏတို့က တိုက်ရိုက်ဆက်စပ်နေတယ်လို့ လေ့လာချက်တွေမှာ တွေ့ရပါတယ်။

ဓာတ်ခွဲခန်း လေ့လာမှုများအရ ထိုဆေးဟာ မော်လီကျူးတစ်ခုမှ အလင်းထွက်ပေါ်လာအောင် လှုံ့ဆော်လိုက်တာ ဖြစ်ပါတယ်။

ဒါတွေနဲ့ ပတ်သက်ပြီး ကိုရိုနာရောဂါ ကုသမှုအတွက် ဖေဗီပီရာဗီယာရဲ့ ဘေးကင်းစိတ်ချရမှုကို စိုးရိမ်နေကြပါတယ်။

အဆိုပါ ဘေးထွက်ဆိုးကျိုးက ရှားပါးပေမယ့် နောက်ထပ်ကုသမှုတွေကို သေချာစောင့်ကြည့်သွားရမယ်လို့ ဆရာဝန်များက ဖော်ပြခဲ့ပါတယ်။

အဆိုပါ ဘေးထွက်ဆိုးကျိုးတွေ ကာကွယ်နိုင်ရန်နဲ့ မျက်ကြည်လွှာ ကျန်းမာရေးအပေါ် ရေရှည်သက်ရောက်နိုင်ချေတို့ကို သိရှိရန် နောက်ထပ်လေ့လာမှုတွေ ပြုလုပ်ဖို့ လိုအပ်တယ်လို့လည်း ပြောကြားသွားပါတယ်။

#World_Health #ကိုရိုနာဗိုင်းရပ်စ် #မျက်လုံးအပြာရောင်သို့ပြောင်းလဲ
Source: The Jerusalem Post

#World_Health
Published 17 September 2023

နေ့ခင်းပိုင်းတွေမှာ အားအင်မရှိသလို ဖြစ်နေပြီး ညဘက်ကျမှ မျက်လုံးကျယ်နေတတ်တာဟာ ဆီးချိုရောဂါ ဒုတိယအမျိုးအစား ဖြစ်နိုင်ချေနဲ့ ဆက်စပ်နေပြီး ကျန်းမာရေးနဲ့ မညီညွတ်တဲ့ စားသောက်နေထိုင်မှုပုံစံ ဖြစ်တယ်လို့ လေ့လာတွေ့ရှိထားပါတယ်။

ညဘက် စောစောမအိပ်တတ်တဲ့သူတွေဟာ ပုံမှန်အိပ်ချိန်နိုးချိန် ရှိသူတွေထက် ဆီးချိုရောဂါဖြစ်နိုင်ချေ ၁၉ ရာခိုင်နှုန်းပိုများကြောင်း Annals of Internal Medicine ဂျာနယ်မှာ ဖော်ပြထားပါတယ်။

ဒီလိုလူတွေဟာ ၈ နှစ်တာကာလအတွင်း ဆီးချိုရောဂါဖြစ်နိုင်ချေ ၇၂ ရာခိုင်နှုန်းအထိ မြင့်တက်လာနိုင်ကြောင်း ဘရစ်ဂမ်အမျိုးသမီးဆေးရုံနဲ့ ဟားဗတ်ဆေးတက္ကသိုလ်တို့မှ စာတမ်းပြုစုသူ ဆီနာကီဘာနာဆီက ပြောပြသွားပါတယ်။

လူတွေရဲ့ ခန္ဓာကိုယ်အတွင်းမှာ နေ့ညအချိန်မှန်လည်ပတ်နေတဲ့ ဇီဝဖြစ်စဥ်သံပတ်ရှိပြီး အိပ်စက်ခြင်းကို ဖြစ်စေတဲ့ မယ်လာတိုနင်ဟော်မုန်းကို ထုတ်လွှတ်ပေးပါတယ်။

မနက်ခင်းထွက်တဲ့ နေနဲ့အပြိုင် စောစီးစွာ အိပ်ရာထသူတွေကတော့ မနက်ခင်းပိုင်းမှာ နိုးကြားနေမှာ ဖြစ်ပါတယ်။

ညဘက် နောက်ကျမှ အိပ်သူတွေကတော့ မယ်လာတိုနင်က နောက်ပိုင်းမှထွက်ရှိကာ နေ့ခင်းပိုင်းမှာ နိုးနိုးကြားကြားမရှိဘဲ ညကျမှ အားအင်ထွက်လာတာ ဖြစ်ပါတယ်။

ခန္ဓာကိုယ်ထဲက နေ့ညလည်ပတ်မှုစနစ်အတိုင်း ဆဲလ်တွေဟာ ဆာလောင်ခြင်း၊ အူလမ်းကြောင်းလှုပ်ရှားခြင်း၊ လေ့ကျင့်ခန်းလုပ်နိုင်စွမ်း၊ ကိုယ်ခံအားစနစ်တို့ လှုပ်ရှားတာ ဖြစ်ပါတယ်။

ဒီလည်ပတ်စနစ်ကို အိပ်စက်ခြင်းကနေ နှောင့်ယှက်တဲ့အခါ ခန္ဓာကိုယ်ထဲမှာ ဗြောင်းဆန်ကုန်ပြီး ဟော်မုန်းထွက်ရှိမှု ပြောင်းလဲခြင်း၊ ကိုယ်အပူချိန် ထိန်းညှိမှုယိုယွင်းခြင်းတို့ ဖြစ်ပေါ်လာနိုင်ပါတယ်။

ဒါတွေကနေ ဆီးချိုရောဂါ သာမက နှလုံးသွေးကြောရောဂါများနဲ့ အခြားနာတာရှည်ရောဂါများပါ ဖြစ်နိုင်ချေ များလာစေမှာ ဖြစ်ပါတယ်။

ဒီလေ့လာချက်ကို သူနာပြုပေါင်း ၆ သောင်းနီးပါးကို ဆန်းစစ်ခဲ့တာ ဖြစ်ပါတယ်။

အံ့အားသင့်စွာပဲ ညပိုင်းအလုပ်လုပ်ရပြီး ညဘက်နောက်ကျမှ အိပ်ရတဲ့သူတွေမှာ ဒီလိုမျိုး ဆီးချိုရောဂါ ဖြစ်နိုင်ချေများတာမျိုးနဲ့ ဆက်စပ်မနေကြောင်း တွေ့ရှိခဲ့ပါတယ်။

#World_Health #ဆီးချိုရောဂါဖြစ်နိုင်
Source: India Today

ဗီယက်နမ်စစ်ပွဲအတွင်း အမေရိကန်စစ်တပ်မှ ကျန်ခဲ့တဲ့ ပေါက်ကွဲရေးပစ္စည်း အစအနတွေဟာ ဗီယက်နမ်လူမျိုးတွေရဲ့ အသက်အိုးအိမ်စည်းစိမ်တွေကို ရာစုနှစ်ဝက်ကျော်နီးပါး ကြာမြင့်တဲ့အထိ ခြိမ်းခြောက်နေဆဲ ဖြစ်ပါတယ်။

Published_ 16 September 2023
#World_History #ဗီယက်နမ်စစ်ပွဲ #ပြည်သူများကိုခြိမ်းခြောက်နေ #အမေရိကန်စစ်တပ်

#Daily_News
Published_ 16 September 2023

၁။ လာမည့်အောက်တိုဘာတွင် မန္တလေးရှိယဉ်ကျေးမှုဇုန်(၂)ခု၌ ဇုန်ဝင်ကြေးတိုးကောက်တော့မည်ဟုဆို

၂။ ရွှေတိဂုံရှိ X-Rayစက်များ စက်ချို့ယွင်းမှုများလာသဖြင့် X-Rayစက်အသစ်(၅)လုံးဝယ်ယူပြီးတပ်ဆင်သွားမည်ဟုဆို

၃။ ပြည်တွင်း ပြည်ပဝယ်လိုအားကြောင့် မြေပဲဈေးထက်ဝက်ခန့်ပိုမြင့်လာ

၄။ ဗီယက်နမ်စစ်ပွဲအတွင်းအမေရိကန်စစ်တပ်မှအသုံးပြုခဲ့သည့်ဗုံးအစအနများ ယနေ့ထက်တိုင်ဗီယက်နမ်ပြည်သူများကိုခြိမ်းခြောက်နေ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

#World_News
Published 16 September 2023

မြောက်ကိုရီးယားခေါင်းဆောင် ကင်မ်ဂျုံအန်းဟာ သောကြာနေ့က ရုရှားတိုက်လေယာဥ်စက်ရုံတစ်ခုသို့ သွားရောက်ကာ လျင်မြန်စွာ တိုးတက်နေတဲ့ ရုရှားလေကြာင်း နည်းပညာများကို လေးစားသဘောကျကြောင်း ထုတ်ဖော်ပြောကြားလိုက်ပြီး နိုင်ငံ့ပြင်ပမှ ခြိမ်းခြောက်လာနိုင်တဲ့ ရန်များကို အသာရနိုင်လိမ့်မယ်လို့ ပြောကြားလိုက်ကြောင်း KCNA သတင်းဌာနက စက်တင်ဘာ ၁၆ ရက်နေ့မှာ ဖော်ပြလိုက်ပါတယ်။

အနောက်တိုင်းမှ ဒဏ်ခတ်ပိတ်ဆို့မှုများ ချမှတ်ထားတဲ့ ရုရှားတိုက်လေယာဥ်စက်ရုံသို့ ကင်မ်ဂျုံအန်းက သောကြာနေ့မှာ သွားရောက်လေ့လာ ကြည့်ရှုခဲ့တာဖြစ်ပြီး  ဒီလိုလည်ပတ်ခြင်းက ယူကရိန်းစစ်ပွဲအတွင်း ရုရှားစစ်တပ် အင်အားတောင့်တင်းလာမှာနဲ့ မြောက်ကိုရီးယား ဒုံးကျည်စီမံကိန်း အားကောင်းလာမှာကို အမေရိကန်နဲ့ မဟာမိတ်များက စိုးရိမ်နေကြပါတယ်။

ဗုဒ္ဓဟူးနေ့တုန်းကလည်း ကင်မ်ဂျုံအန်းနဲ့ ရုရှားသမ္မတပူတင်တို့ဟာ စစ်ရေးစစ်ရာကိစ္စများ၊ ယူကရိန်းစစ်ပွဲအကြောင်းနဲ့ နက်ရှိုင်းစွာ ပူးပေါင်းဆောင်ရွက်ရေးတို့အကြောင်း တွေ့ဆုံဆွေးနွေးခဲ့ပါတယ်။

ကင်မ်ဂျုံအန်းဟာ စမ်းသပ်ရေးလေယာဥ်မှူးများနဲ့ တွေ့ဆုံကာ Su-57 လေယာဥ်ပေါ်တက်ပြီး ပဥ္စမမြောက်မျိုးဆက် တိုက်လေယာဥ်ရဲ့ ပျံသန်းမှုစွမ်းရည်နဲ့ နည်းပညာပိုင်း လုပ်ဆောင်ချက်များအကြောင်း အသေးစိတ်ရှင်းပြတာကို နားထောင်ခဲ့ပါတယ်။

စက်ရုံမှထုတ်လုပ်တဲ့ ခရီးသည်တင်လေယာဥ်ကြီးပေါ် တက်ရောက်ကာ ယင်းရဲ့စွမ်းဆောင်ရည်ကို လေ့လာမှတ်သားခဲ့ပြီး Su-35 တိုက်လေယာဥ် စမ်းသပ်ပျံသန်းမှုကို ကြည့်ရှုခဲ့ပါတယ်။

ကင်မ်ဂျုံအန်းဟာ ရုရှားမှာ စနေနေ့အထိ ဆက်ရှိနေဖွယ်ရှိပြီး ဗလာဒီဗိုစတော့မြို့နဲ့ ရေတပ်စခန်းတစ်ခုကို သွားရောက်လည်ပတ်ဖွယ် ရှိပါတယ်။

ကင်မ်ဂျုံအန်း ခရီးလည်ပတ်စဥ်အတွင်း ရုရှားနဲ့ မြောက်ကိုရီးယားတို့ကြား စစ်ရေးသဘောတူညီချက် တစ်စုံတစ်ရာ လက်မှတ်ရေးထိုးတာမျိုး မရှိဘူးလို့ ရုရှားအစိုးရက ပြောကြားလိုက်ပါတယ်။

မြောက်ကိုရီးယားနဲ့ ရုရှားတို့ကြား စစ်ရေးပူးပေါင်းဆောင်ရွက်ခြင်းဟာ မြောက်ကိုရီးယားအပေါ် ချမှတ်ထားတဲ့ ကုလသမဂ္ဂ အရေးယူပိတ်ဆို့မှုများကို ချိုးဖောက်ရာကျပြီး ဒီအတွက် တန်ဖိုးပေးဆပ်ရလိမ့်မယ်လို့ တောင်ကိုရီးယားနဲ့ အမေရိကန်တို့က သောကြာနေ့မှာ ပြောကြားလိုက်ပါတယ်။

မြောက်ကိုရီးယားဟာ ရုရှားကို လက်နက်များ ထောက်ပံ့နေတယ်လို့ အမေရိကန်က စွပ်စွဲထားပေမယ့် တကယ်တမ်း လက်နက်များ ပေးပို့ခြင်း ရှိမရှိကတော့ သေချာမသိရသေးပါဘူး။

#World_News #ရုရှားတိုက်လေယာဥ် #ရုရှားခရီးစဥ်အတွင်း #ကင်မ်ဂျုံအန်း
Source: CNA