#Local_News
Published 18 May 2026

■ နေပြည်တော်၊ဇမ္ဗူသီရိမြို့နယ်တွင် တည်ဆောက်လျက်ရှိသည့် သုခတော်ဝင်အိမ်ရာအပိုင်း(၂) ရှိ မြေညီထပ်၊ ပထမထပ်၊ ဒုတိယထပ်နှင့် တတိယထပ်တို့အား သတ်မှတ်ဈေးနှုန်းများအတိုင်း မည်သူမဆို လွတ်လပ်စွာဝယ်ယူနိုင်ရန်ရောင်းချပေးသွားမည်ဖြစ်ကြောင်း သုခတော်ဝင်အိမ်ရာစိစစ်နေရာချထားရေးဆပ်ကော်မတီမှသိရသည်။

■ အဆိုပါ ဇမ္ဗူသီရိမြို့နယ်၊ သုခသိဒ္ဓိရပ်ကွက် “သုခတော်ဝင်အိမ်ရာအပိုင်း(၂)" တွင် (၄)ခန်းတွဲ (၄)ထပ်၊ တိုက်ခန်း(၁) ခန်းလျှင် အိပ်ခန်း(၃)ခန်းပါ (၁ဝ၉၂)စတုရန်းပေနှင့် တိုက်ခန်း(၁)ခန်းလျှင် အိပ်ခန်း(၂)ခန်းပါ (၇၃၂)စတုရန်းပေရှိ တိုက်ခန်းများတည်ဆောက်လျက်ရှိခြင်းဖြစ်သည်။

■ ယင်းတိုက်ခန်းဝယ်ယူလိုသူများသည် နေပြည်တော်ဖွံ့ဖြိုးရေးဘဏ်လီမိတက်တွင် မိမိဝယ်ယူလိုသည့် တိုက်ခန်းအထပ် အလိုက် (3Bed) ငွေကျပ် (၂၃၀)သိန်းနှင့် (2Bed) ငွေကျပ် (၁၅၀)သိန်းအား အာမခံစပေါ်ငွေ အဖြစ်ပေးသွင်းထားသည့် PO Cheque (မူရင်း)ဖြင့် သုခတော်ဝင်အိမ်ရာစိစစ်နေရာချထားရေးဆပ်ကော်မတီမှ သတ်မှတ်ထားသော လျှောက်လွှာပုံစံတွင် ပူးတွဲတင်ပြ၍ စီမံရေးရာဌာန၊ နေပြည်တော်စည်ပင်သာယာရေး ကော်မတီသို့ လာရောက်လျှောက်ထားနိုင်ကြောင်း ၊လျှောက်လွှာတင်သည့် အရေအတွက်ပေါ်မူတည်၍ တိုက်ခန်းများကို မဲနှိုက်နေရာချထားပေးမည် ဖြစ်ပြီး ဝယ်ယူခွင့်မဲပေါက်သူများအနေဖြင့် မဲနှိုက်ပြီး(၂)ပတ်အတွင်း တိုက်ခန်းတန်ဖိုး၏ ကနဦး(၄၀%)အား ပေးသွင်း၍ ကျန်ငွေ(၆၀%)အား ငွေပေးချေမှုစနစ်ဖြင့် လက်ငင်းအကျေစနစ်ဖြင့် ပေးသွင်းလိုသူများအား မဲနှိုက်ပြီး(၁)လအတွင်း ပေးသွင်းစေခြင်း၊ အရစ်ကျစနစ်ဖြင့်ပေးသွင်းလိုသူများအား (၆)လ(၆)ရစ်ဖြင့် (၁၀%)စီပေးသွင်းစေခြင်း၊ဘဏ်ချေးငွေစနစ်ဖြင့် ပေးသွင်းလိုသူများအား နေပြည်တော်ဖွံ့ဖြိုးရေးဘဏ်နှင့် (၁)လအတွင်း ဆက်သွယ်၍ ချေးငွေသက်တမ်း(၃နှစ်)ဖြင့် ပေးသွင်းစေခြင်းတို့ဖြင့်ဝယ်ယူနိုင်ကြောင်း သိရသည်။

■ ယင်းတိုက်ခန်းများ၏ ဈေးနှုန်းများမှာ (၁၀၉၂) စတုရန်းပေ(3 Bed)ရှိသည့်
မြေညီထပ်တစ်ခန်းလျှင် ကျပ်သိန်း (၂၅ဝဝ) နှင့် (၇၃၂)စတုရန်းပေ(2 Bed)လျှင် ကျပ်သိန်း (၁၇၅ဝ)၊ (၁၀၉၂) စတုရန်းပေ(3 Bed) ရှသည့် ပထမထပ်ဈေးနှုန်းမှာ ကျပ်သိန်း (၂၄ဝဝ) နှင့် (၇၃၂)စတုရန်းပေ(2 Bed)လျှင် ကျပ်သိန်း (၁၆ဝဝ)၊ ဒုတိယထပ်ဈေးနှုန်းများမှာ (၁၀၉၂) စတုရန်းပေ(3 Bed)လျှင် ကျပ်သိန်း (၂၂ဝဝ) ၊ (၇၃၂)စတုရန်းပေ(2 Bed)လျှင် ကျပ်သိန်း (၁၄၀ဝ)၊ တတိယထပ်ဈေးနှုန်း များမှာ (၁၀၉၂) စတုရန်းပေ(3 Bed)လျှင် ကျပ်သိန်း (၁၈၅ဝ) ၊ (၇၃၂)စတုရန်းပေ(2 Bed)လျှင် ကျပ်သိန်း (၁၃ဝဝ)တို့ ဖြစ်ကြောင်း သိရသည်။

■ ထို့ကြောင့် လျှောက်ထားလိုသူများအနေဖြင့် လာမည့် ဇွန်လ ၁၈ ရက်နေ့ နောက်ဆုံးထား၍ (၁) လအတွင်း လျှောက်ထားနိုင်ကာ ပြည်ထောင်စုမြန်မာနိုင်ငံသားမည်သူမဆို လွတ်လပ်စွာဝယ်ယူနိုင်ပြီး အသေးစိတ်သိရှိလိုပါက နေပြည်တော်စည်ပင်သာယာရေးကော်မတီသို့ ဆက်သွယ်စုံစမ်းနိုင်ကြောင်း သိရသည်။

#YMG/NN #Yangon_Times

#Local_News

Published 18 May 2026

■ Myanmar Airways International သည်  မေလ ၁၈ ရက်မှ ၂၂ ရက်အထိလေယာဉ်အချိန်ပြောင်းလဲမည်ဖြစ်ကြောင်း အသိပေးထုတ်ပြန်ထားသည်။

■ လုပ်ငန်းဆိုင်ရာလိုအပ်ချက်များကြောင့် MAI သည် ၂၀၂၆ မေလ ၁၈ ရက်မှ ၂၀ ရက်အထိနှင့် ၂၂ ရက်နေ့တွင် ပြေးဆွဲမည့် လေယာဉ်ခရီးစဉ်အချို့၏ အချိန်ဇယားကို ပြောင်းလဲသတ်မှတ်မည်ဖြစ်သည်။

■ ရန်ကုန်-ဒွန်မောင်း-ရန်ကုန်၊ ရန်ကုန်-ဒေလီ-ရန်ကုန်၊ ရန်ကုန်-Gusngzhou-ရန်ကုန်၊ ဒွန်မောင်း-မန္တလေး-ဒွန်မောင်း၊ ရန်ကုန်-ချင်းမိုင်-ရန်ကုန်၊ ရန်ကုန်-ဟိုချီမင်း- ရန်ကုန်၊ ရန်ကုန်-Phnom Penh-ရန်ကုန်၊ ရန်ကုန်-ကွာလာလမ်ပူ-ရန်ကုန် ခရီးစဥ်များကို MAI ၏ လုပ်ငန်းလည်ပတ်မှုဆိုင်ရာလိုအပ်ချက်အရ ပျံသန်းပြေးဆွဲချိန်ပြောင်းလဲခဲ့ရခြင်းဖြစ်သည်ဟု အသိပေးခဲ့သည်။

■ ထို့ကြောင့် ခရီးသည်များအနေဖြင့် ပြင်ဆင်ထားသော လေယာဉ်ခရီးစဉ်အချိန်ဇယားကို စစ်ဆေးပေးကြပါရန်နှင့် လေဆိပ်သွားလာရေး၊ ဆက်လက်ခရီးစဉ်များအတွက် လိုအပ်သောအစီအစဉ်များကို ကြိုတင်ပြုလုပ်ထားကြပါရန် မေတ္တာရပ်ခံထားသည်။

■ ထို့အပြင် အကူအညီလိုအပ်သူများအနေဖြင့် MAI ၏ ခရီးသည်ဝန်ဆောင်မှုစင်တာဖုန်း 9787 (သို့) +959 880 443 787 ၊ MAI လူမှုကွန်ယက်စာမျက်နှာများ၏ Messenger, Instagram, Viber, LINE, Telegram နှင့် ဝဘ်ဆိုက်များ၊ လက်မှတ်ဝယ်ယူခဲ့သည့် သက်ဆိုင်ရာခရီးသွားကိုယ်စားလှယ်ရုံးများသို့ ဆက်သွယ်နိုင်ကာ ပျံသန်းပြေးဆွဲချိန်ပြောင်းလဲမှုကြောင့် လိုက်ပါစီးနင်းမည့်သူများ စိတ်အနှောင့်အယှက်ဖြစ်ရခြင်းကို လှိုက်လှိုက်လှဲလှဲတောင်းပန်ကြောင်းလည်း  MAI ကအသိပေးထား‌ကြောင်း သိရသည်။

#YMG/NN #Yangon_Times

#Local_News
Published 18 May 2026

■ ကျောက်သဲကျင်းပြိုကျမှုကြောင့် အမျိုးသား၂ဦး ‌ေ-သဆုံးမှု ရွာငံမြို့နယ်တွင် ဖြစ်ပွားခဲ့ကြောင်း သိရသည်။

■ ဖြစ်စဉ်မှာ ၁၇.၅.၂၀၂၆ ရက်နေ့ ၊ နံနက်၁၁ နာရီ၃၀မိနစ် အချိန်၊ ရှမ်းပြည်နယ်၊ ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံမြို့နယ်၊ ယကြီးကျေးရွာအနီးရှိ ကျောက်သဲကျင်းပြိုကျမှုဖြစ်ပွားပြီး ကျောက်သဲတူးနေသူ အမျိုးသား(၃)ဦး ပိမိနေကြောင်း သတင်းရရှိသဖြင့် ရွာငံမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့‌ကြောင်း သိရသည်။

■ အဆိုပါဖြစ်စဉ်ကြောင့် ကျား(၂)ဦး( ‌ေ-သဆုံး)တို့အား မြန်မာနိုင်ငံလူမှုကယ်ဆယ်ရေးအဖွဲ့ပိုင်ယာဉ်ဖြင့် မြိုင်ကျေးရွာတိုက်နယ်ဆေးရုံနှင့် ကျား(၁)ဦး ထိခိုက်ဒဏ်ရာရ(မစိုးရိမ်ရ)အား ယကြီးဘုန်းကြီးကျောင်းပိုင်ယာဉ်ဖြင့် ပင်းတယပြည်သူ့ဆေးရုံသို့ ကူညီပို့ဆောင်ပေးခဲ့‌ကြောင်း သိရသည်။

#YMG/SW #Yangon_Times

#Local_News
Published 18 May 2026

■ ယနေ့ မေလ ၁၈ရက် နံနက်ပိုင်းကရန်ကုန်မြို့အနီးပမာဏ ၅.၂(M) အဆင့်ရှိ ငလျင်တစ်ခုလှုပ်ခတ်ခဲ့ကြောင်း သိရသည်။

■ မိုးလေဝသနှင့် ဇလဗေဒညွန်ကြားမှုဦးစီးဌာန၏ ထုတ်ပြန်ချက်အရ မေလ ၁၈ ရက်နေ့၊ မြန်မာစံတော်ချိန် (၀၈) နာရီ၊ (၃၅) မိနစ်၊ (၂၆) စက္ကန့် အချိန်တွင် ကမ္ဘာအေးမြေငလျင်စခန်းမှ တောင်-အရှေ့တောင်ဘက် (၂၇) မိုင်ခန့်ကွာဝေး သော မြန်မာနိုင်ငံပြည်တွင်း (ကျောက်တန်းမြို့နယ်၏ တောင်ဘက် (၉) မိုင်ခန့်အကွာ)၊ မြောက်လတ္တီတွဒ် (၁၆.၅၁) ဒီဂရီ၊ အရှေ့လောင်ဂျီတွဒ် (၉၆.၃၄) ဒီဂရီ၊ အနက် (၄၀) ကီလိုမီတာကို ဗဟိုပြု၍ ပမာဏ ၅.၂(M) အဆင့်ရှိ အင်အားအတင့်အသင့်ရှိသော မြေငလျင်တစ်ခု လှုပ်ရှားသွားသည်ကို တိုင်းထွာရရှိ‌ကြောင်း သိရသည်။

■ အဆိုပါ ငလျင်လှုပ်ခတ်မှုအား ရန်ကုန်မြို့နေပြည်သူများသိသိသာသာသိရှိခံစားခဲ့ရကြောင်း သိရသည်။

#YMG/SW #Yangon_Times

ယခုမေလဆန်းပိုင်းမှစ၍ ကြက်သွန်ဖြူဈေးနှုန်းများ ဆက်တိုက်မြင့်တက်လာတယ်လို့ဘုရင့်နောင်ကုန်စည်ဒိုင်မှသိရပါတယ်။

#Local_News
Published 17 May 2026
# ကြက်သွန်ဖြူ
#YMG/SW #Yangon_Times

#Daily_News
Published 16 May 2026

၁။‌ အိုလံပစ်နေ့အထိမ်းအမှတ် နိုင်ငံတကာမြင်းစီးအားကစားပြိုင်ပွဲ ကျင်းပမည်

၂။ ‌ပြည်သူ့အတွက်ရက်(၁၀၀)စီမံချက်တွင် ပျားရည်‌‌ပေါင်(၁၀၀၀)ကိုထုတ်လုပ်ပေးသွားမည်

‎၃။‌‌‎ ပဲတီစိမ်းစိုက်ဧက(၁,၀၀၀)ခန့်ကို မြန်မာGAP အသိအမှတ်ပြုလက်မှတ်များပေးအပ်

၄။‎ အီရန်ခေါင်းဆောင်ကြီးနှင့်အချိန်ကြာမြင့်စွာဆွေးနွေးပြောဆိုခဲ့သည်ဟု အီရန်သမ္မတပြော... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group