#Local_News
Published 22 May 2025

▪️ မန္တလေးတိုင်းဒေသကြီး၊ ကျောက်ဆည်မြို့နယ်၌ မီးလောင်ပြီး သက်ကြီးပိုင်းလေးဦး‌ေ-သဆုံးခဲ့ကြောင်း ဒေသခံများထံမှ သိရသည်။

▪️ မေလ ၂၂ ရက်နေ့၊ မနက် ၁ နာရီ ၅၀မိနစ် အချိန် က ၊ မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်၊ ဘောဂဝတီအုပ်စု၊ ဆီဆုံရပ်ကွက်တွင် မီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် ကျောက်ဆည်မြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၂)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာမနက် ၂ နာရီ၂၅ မိနစ်အချိန်တွင်  မီးငြိမ်းနိုင်ခဲ့ကြောင်း သိရသည်။

▪️ မီးလောင်မှုမှာ နေအိမ်အတွင်းအသုံးပြုသည့်  ဆိုလာဘက်ထရီကနေမှတဆင့် ရှော့ဖြစ်ပြီး မီးလောင်ခြင်းဖြစ်ကာယင်းဖြစ်စဉ်ကြောင့် မီးလောင်မှုကြောင့် သေဆုံးသူတွေက အသက် ၉၃ နှစ်အရွယ် ဒေါ်တင်အောင်၊ အသက် ၇၅ နှစ်အရွယ် ဒေါ်ထွေးထွေး( မြို့နယ်ပညာရေးမှူးအငြိမ်းစား)၊ အသက် ၆၆ နှစ်အရွယ် ဒေါ်နွယ်နွယ်ဦး (မြို့နယ်ပညာရေးမှူး(အငြိမ်းစား)၊ အသက် ၅၈ နှစ်အရွယ် ဒေါ်ခင်သူဇာ (အမက-ကျောင်းအုပ်- သပြေကုန်း ကျေးရွာ၊ ကျောက်ဆည်မြို့နယ်)တို့ သေဆုံးခဲ့ရာ ကျောက်ဆည်ဆေးရုံသို့ ပို့ဆောင်ခဲ့ကြောင်း သိရသည်။

#YMG/NN #Yangon_Times

#Local_News
Published 22 May 2025

▪️ လာမည့် ဇွန်လအတွင်းနိုင်ငံတကာ စိုက်ပျိုးရေး၊ မွေးမြူရေးနှင့် ရေလုပ်ငန်းဆိုင်ရာပြပွဲကို ရန်ကုန်မြို့တွင် (၉) ကြိမ်မြောက်အဖြစ်ကျင်းပသွားမည်ဖြစ်ကြောင်း သိရသည်။

▪️ အဆိုပါပြပွဲကို ဇွန်လ ၂၇ ရက်နေ့မှ ၂၉ ရက်နေ့အထိ Yangon Convention Center (YCC)တွင် Silver Sea International Co., Ltd မှ ကြီးမှူး၍ ကျင်းပသွားမည်ဖြစ်ကြောင်း၊ပြပွဲတွင် ခေတ်မီနည်းပညာများ၊ ပြည်တွင်း၊ ပြည်ပကုမ္ပဏီအသီးသီးမှ လယ်ယာသုံးစက်ကိရိယာများ၊ ဆန်စက်၊ ဆီစက်၊ အရောင်ခွဲစက်၊ အခြောက်ခံစက်၊ လယ်ထွန်စက်၊ ခြွေလှေ့စက်များအပြင်၊ စိုက်ပျိုးရေးဆေးများ၊ စိုက်ပျိုးရေးသုံးစက်ကိရိယာများ၊ မြေဆီ၊ မြေဩဇာများ၊ စိုက်ပျိုးရေးဆေးဝါးများနှင့် ခြံသုံးပစ္စည်းများ၊ မွေးမြူရေး ကဏ္ဍအတွက် အစာနှင့် ဖြည့်စွက်စာများ၊ အစာထုတ်လုပ်သည့် စက်များ၊ အအေးခန်းသုံး စက်ကိရိယာများ၊ ငါးကန်များ၊ နိုင်ငံတကာကုမ္ပဏီများမှ တင်သွင်းသည့် ငါးဖမ်းလှေများနှင့် ပတ်သက်သည့်အကြောင်းအရာများကို ခင်းကျင်းပြသမည်ဖြစ်ကြောင်း သိရသည်။

▪️ ထို့အပြင် အသေးစား၊ အလတ်စား လုပ်ငန်းများနှင့် လယ်ယာလုပ်ငန်းများအတွက် လိုအပ်သည့် ချေးငွေနှင့် ငွေကြေးဝန်ဆောင်မှုဆိုင်ရာ ကုမ္ပဏီများလည်း ပါဝင်မည်ဖြစ်ကာမွေးမြူရေးနှင့် အစာဆိုင်ရာဟောပြောပွဲများ၊ စိုက်ပျိုးသီးနှံနှင့် ဈေးကွက်ဆိုင်ရာ ဟောပြောပွဲများ၊ ငါး၊ ပုစွန် မွေးမြူရေးနှင့် ဈေးကွက်ဆိုင်ရာ ဟောပြောပွဲများ၊ ပြည်တွင်းတွင် ထုတ်လုပ်နိုင်သော သဘာဝမြေဩဇာများ၏ အကျိုးကျေးဇူးများနှင့် အော်ဂဲနစ်လယ်ယာများတည်ထောင်ခြင်း စသည်တို့ကိုပါ စိုက်ပျိုးရေး ပညာရှင်များ၊ ခြံပိုင်ရှင်များ မှ ဆွေးနွေးပေးမည့် အစီအစဉ်များလည်းပါဝင်မည်ဖြစ်ကြောင်း သိရသည်။

▪️ ပြပွဲသို့လဈေးကွက်ချဲ့ထွင်လိုသည့် ပြည်တွင်း၊ ပြည်ပ လုပ်ငန်းရှင်များကိုလည်း လာရောက် ရောင်းချရန် ဖိတ်ခေါ်ထားကြောင်း သိရသည်။

#YMG/SW #Yangon_Times

#Local_News
Published 22 May 2025

▪️ ယနေ့ နံနက်အစောပိုင်းက ရပ်ထားသည့်YBSခရီးသည်တင်ယာဉ်အား စားအုံးဆီပုံးများသယ်ဆောင်လာသည့်ကုန်ကားကြီးမှ အနောက်မှဝင်တိုက်မှုဖြစ်ပွါးခဲ့ကြောင်း သိရသည်။

▪️ မေလ၂၂ရက် နံနက် ၀၆ နာရီ၅၈ မိနစ်အချိန်ခန်.၊ ရန်ကုန်တိုင်းဒေသကြီး၊ အလုံမြို့နယ်၊ ကမ်းနားလမ်း၊ သခင်မြပန်းခြံအနီးတွင် ယာဉ်တိုက်မှုဖြစ်ပွားကြောင်း သတင်းရရှိသဖြင့် အလုံမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး ထွက်ခွါခဲ့ပြီး နံနက် ၀၇ နာရီ၂၀မိနစ်အချိန်တွင် ကျား(၁)ဦး ထိခုက်ဒဏ်ရာ(မစိုးရိမ်ရ)အား အလုံကြက်ခြေနီအသင်းမှ ယာဉ်ဖြင့် ရန်ကုန်ပြည်သူ့ဆေးရုံကြီးသို့ ကူညီပို့ဆောင်ပေးခဲ့ကြောင်း မြန်မာနိုင်ငံမီးသတ်တပ်ဖွဲ့က ထုတ်ပြန်ထားသည်။

▪️ အဆိုပါ ယာဉ်တိုက်မှုဖြစ်ပွါးရာသို့အနာဂတ်အလင်းတန်းပရဟိတအသင်း မှ No.4ရှာဖွေကယ်ဆယ်ရေးအထောက်ကူပြုယာဉ်တစ်စီးထွက်ခွါ၍ကူညီ အသင်းမှ Hydraulic Spreader အသုံးပြုကာလူနာအား အလုံမြို့နယ်မီးသတ်စခန်းနှင့်အတူပူးပေါင်း၍ကူညီကယ်ဆယ်ပေးနိုင်ခဲ့ကြောင်းသိရသည်။

#YMG/SW #Yangon_Times
Photo - FutureLightCharity

#Daily_News

Published 21 May 2025

၁။ ကိုဗစ်-၁၉ လူနာသစ်‌စတင်တွေ့ရှိ၊ လေဆိပ်နှင့်ဝင်ထွက်ပေါက်များအား ကြပ်မတ်စစ်ဆေး

၂။ MSME လုပ်ငန်းများ၌ လုပ်သားလေးသိန်းကျော်လုပ်ကိုင်နေ

၃။ တရုတ်ကော်ဖီပြပွဲတွင် ပူးပေါင်းပါဝင်ရန် မြန်မာနိုင်ငံမှ ကော်ဖီ လုပ်ငန်းရှင်များကို ဖိတ်ကြား

၄။ ပြည်ပရိုက်ခတ်မှုများမှကာကွယ်ရန် Made in Mexicoအစီအစဉ်ပြန်လည်အသက်သွင်းဖို့ မက္ကဆီကိုစီစဉ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published_21 May 2025

▪️ ငလျင်ကြောင့်အဖြေလွှာများမီးလောင်ပျက်စီးခဲ့ရသောကြောင့် တက္ကသိုလ် ဝင်တန်းစာမေးပွဲ ပြန်လည်ဖြေဆိုရမည့် ကျောင်းသား၊ ကျောင်းသူများနှင့် ကျောင်းအပ်နှံရေးရက်သတ္တပတ်အတွင်း လာရောက်အပ်နှံကြမည့် ကျောင်းသား၊ ကျောင်းသူများ၊ မိဘပြည်သူများ ဘေးကင်းလုံခြုံမှုရှိစေရေးအတွက် အထူးအလေးထားလုပ်ဆောင်နေကြောင်း နစက ကောင်စီတွဲဖက်အတွင်းရေးမှူး ဗိုလ်ချုပ်ကြီးရဲဝင်းဦးကပြောသည်။

▪️ မေလ ၂၁ ရက်က နေပြည်တော်၌ ပြုလုပ်သည့် နိုင်ငံတော်စီမံအုပ်ချုပ်ရေးကောင်စီအစိုးရအဖွဲ့လုပ်ငန်းညှိနှိုင်းအစည်းအဝေးဒုတိယနေ့တွင် ယင်းက ပြောကြားခြင်းလည်း ဖြစ်သည်။

▪️ နိုင်ငံတော်အနေဖြင့် ပညာရေးမြှင့်တင်မှုလုပ်ငန်းများ ဆောင်ရွက်နေချိန်တွင် အကြမ်းဖက်အဖျက်သမားများ အနေဖြင့် အဖျက်အမှောင့်လုပ်ရပ်များ လုပ်ဆောင်လျက်ရှိသဖြင့် အထက်ပါအတိုင်း လုပ်ဆောင်နေခြင်းဖြစ် ကြောင်း ယင်းကဆိုသည်။

▪️ အလားတူ နစက ဥက္ကဌက ယင်းအစည်းအဝေးတွင် မြန်မာနိုင်ငံရဲတပ်ဖွဲ့ဝင်များအရည်အသွေးပြည့်မီစေရေး လေ့ကျင့်ဆောင်ရွက်ပေးသွားရန် ၊ တပ်ဖွဲ့ဝင်များ၏ သက်သာချောင်ချိရေး၊ နေရေးထိုင်ရေးနှင့် ဝတ်စားဆင်ယင်မှုများနှင့် ပတ်သက်၍ ဖြည့်ဆည်းဆောင်ရွက်ပေးသွားရန် ၊ စည်းကမ်းစနစ်တကျဖြင့် နေထိုင်သွား လာစားသောက်မှုရှိစေရေး၊ လုံခြုံရေးအသိ၊ လုံခြုံရေးသတိအမြဲရှိစေရေးအတွက်လည်း ကြပ်မတ်ဆောင်ရွက် သွား ရမည်ဖြစ် ကြောင်း၊ လူထုနှင့် ထိတွေ့ဆက်ဆံနေရသည့် လုံခြုံရေးတပ်ဖွဲ့ဝင်များဖြစ်သဖြင့် ၎င်းတို့၏ သက်သာချောင် ချိရေးဆိုင်ရာကိစ္စရပ်များကို ကြည့်ရှုဆောင်ရွက်ပေးသွားရန် လမ်းညွှန်ထားသေးသည်။

#Yangon_Times/PP

#Local_News
Published_21 May 2025

▪️ ရွေးကောက်ပွဲကျင်းပပြီးစီးချိန် ၌ အနိုင်ရရှိသည့်ပါတီကို အာဏာလွှဲပြောင်းပေးအပ်ချိန်၌ စနစ်တကျဖြင့် လွှဲပြောင်း ပေးအပ်နိုင်ရေး ကြိုတင်ပြင်ဆင်ဆောင်ရွက်ထားရှိရန် နစက ဥက္ကဌ ပြောကြားလိုက်သည်။

▪️ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က နိုင်ငံတော်စီမံအုပ်ချုပ်ရေးကောင်စီအစိုးရအဖွဲ့ လုပ်ငန်းညှိနှိုင်းအစည်းအဝေးဒုတိယနေ့အဖြစ် ကျင်းပသော မေလ ၂၁ ရက်တွင် အစည်းအဝေးသို့ တက်ရောက်လာသည့် နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း၊ ကောင်စီအတွင်းရေးမှူး ဗိုလ်ချုပ်ကြီး အောင်လင်းဒွေး၊ တွဲဖက် အတွင်းရေးမှူး ဗိုလ်ချုပ်ကြီး ရဲဝင်းဦး၊ ကောင်စီအဖွဲ့ဝင်များ၊ ပြည်ထောင်စုအဆင့်ပုဂ္ဂိုလ်များ၊ ပြည်ထောင်စုဝန်ကြီးများ၊ နေပြည်တော်ကောင်စီဥက္ကဋ္ဌ၊ တိုင်းဒေသကြီးနှင့် ပြည်နယ်ဝန်ကြီးချုပ်များ၊ ဒုတိယဝန်ကြီးများအား အထက်ပါအတိုင်းပြောကြားလိုက်ခြင်းလည်း ဖြစ်သည်။

▪️ နိုင်ငံ့အရေးကိုဆောင်ရွက်ခြင်းဖြစ်သဖြင့် နစက အစိုးရတာဝန်ယူဆောင်ရွက်ချိန်မှစ၍ အာဏာရပါတီကို လွှဲပြောင်းချိန်အထိ ပြည်သူများအထင်အမြင်လွဲမှားမှုမရှိစေရေး မိမိတို့ကိုယ်တိုင်နှင့် မိမိတို့လက်အောက်ဝန်ထမ်း များအား စနစ်တကျဆောင်ရွက်စေရေး ကြပ်မတ်ဆောင်ရွက်သွားရန်လိုကြောင်း ပြောကြားခဲ့ခြင်း ဖြစ်သည်။

▪️ ယင်းအပြင် အကြောင်းအမျိုးမျိုးကြောင့် ခေတ္တနေရပ်စွန့်ခွာနေရသူများအနေဖြင့် တည်ငြိမ်အေးချမ်းသည့် အချိန်တွင်နေရပ်သို့ ပြန်လည်နေထိုင်နိုင်ရေး တာဝန်ရှိသူများအနေဖြင့်လည်း ဆောင်ရွက်ပေးရန် ပြောကြားခဲ့ကြောင်း သိရသည်။

▪️ လက်ရှိတွင်ပါတီစုံဒီမိုကရေစီအထွေထွေရွေးကောက်ပွဲ ကျင်းပမည့်ရက်ကို လျာထားသတ်မှတ်ပြီးဖြစ်ကြောင်း ပြည်ထောင်စုရွေးကောက်ပွဲကော်မရှင် (UEC) က မီဒီယာများကို ပြောကြားထားပြီး ဖြစ်သည်။

▪️ မြန်မာတစ်နိုင်ငံလုံးတွင် စည်းရုံးမည့် ပါတီ ၉ ပါတီရှိပြီး ယင်းအထဲမှ ပါတီ ၃ ပါတီအနေဖြင့် သတ်မှတ်ရုံးခန်းအရေအတွက် ဖွင့်လှစ်ထားနိုင်ပြီး ရုံးခန်းမဖွင့်လှစ်နိုင်သေးသည့် ပါတီ ၆ ပါတီရှိပြီးတိုင်းဒေသကြီး သို့မဟုတ် ပြည်နယ်တစ်ခုအတွင်း၌သာ စည်းရုံးမည့် ပါတီ ၄၅ ပါတီရှိသည့်အနက် ၁၉ ပါတီ တွင် သတ်မှတ်ရုံးခန်းအရေအ တွက် ဖွင့်လှစ်ထားနိုင်ပြီး ရုံးခန်းမဖွင့်လှစ်နိုင်သေးသည့် ပါတီ ၂၆ ပါတီရှိကြောင်း သိရသည်။

▪️ သတ်မှတ်ရုံးခန်း မဖွင့်လှစ်ရသေးသည့် ပါတီများအနေဖြင့် နိုင်ငံရေးပါတီများ မှတ်ပုံတင်ခြင်း ဥပဒေပါ သတ် မှတ်ချက်အတိုင်း ရွေးကောက်ပွဲကျင်းပမည့်နေ့ရက် မတိုင်မီ အနည်းဆုံး ရက်ပေါင်း ၉၀ ကြိုတင်၍ သတ်မှတ် ရုံးခန်း ပြည့်မီနိုင်ရေး ဆောင်ရွက်ရမည်ဖြစ်ကြောင်း UEC ၏ ထုတ်ပြန်ချက်အရ သိရသည်။

▪️ ပါတီစုံအထွေထွေရွေးကောက်ပွဲကို ယခုနှစ် နှစ်ကုန်ပိုင်းတွင် ပြုလုပ်ရန် လျာထားကြောင်းလည်း သိရသည်။

#Yangon_Times/PP