#Local_News
Published 22 July 2025

▪️ အငြိမ်းစားနိုင်ငံ့ဝန်ထမ်းများအား လစဉ်ကျန်းမာရေးစောင့်ရှောက်မှုပေးလျှက်ရှိရာ (၃၂)ကြိမ်မြောက် အဖြစ်ယမန်နေ့က ဆောင်ရွက်ပေးခဲ့ကြောင်း သိရသည်။

▪️ အဆိုပါအငြိမ်းစားနိုင်ငံ့ဝန်ထမ်းများအား ကျန်းမာရေးစောင့်ရှောက်ပေးမှုကိုပဲခူးမြို့၊ အထွေထွေရောဂါကုဆေးရုံကြီးတွင် ဆောင်ရွက်ပေးလျှက်ရှိရာပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်းနှင့် အစိုးရအဖွဲ့တာဝန်ရှိသူများ၊ ဌာနဆိုင်ရာများက သွားရောက်ကြည့်ရှုအားပေးခဲ့‌ကြောင်း သိရသည်။

▪️ ဝန်ကြီးချုပ်ကပဲခူးမြို့၊ ခုတင်(၅၀၀)ဆံ့ အထွေထွေရောဂါကုဆေးရုံကြီးတွင် ကျန်းမာရေးစောင့်ရှောက်မှု လာရောက်ခံယူကြသည့် အငြိမ်းစားနိုင်ငံ့ဝန်ထမ်းများအား ကျန်းမာရေးဝန်ထမ်းများက စမ်းသပ်စစ်ဆေးကုသပေးနေမှု၊ ဌာနဆိုင်ရာများ၊ မြို့မိမြို့ဖများ၊ လူမှုရေးအသင်းအဖွဲ့အများနှင့် ပရဟိတအဖွဲ့အစည်းများမှ ပူးပေါင်းပါဝင်ကူညီဆောင်ရွက်ပေးနေမှုနှင့် ရေသန့်နှင့်ကော်ဖီများ အခမဲ့တိုက်ကျွေးနေမှုများအား လိုက်လံကြည့်ရှုခဲ့ပြီး ကျန်းမာရေးစောင့်ရှောက်မှု လာရောက်ခံယူကြသည့် အငြိမ်းစားနိုင်ငံ့ဝန်ထမ်းများအား ရင်းရင်းနှီးနှီး လိုက်လံနှုတ်ဆက်အားပေးစကားပြောကြားပြီး လစဉ်အငြိမ်းစားနိုင်ငံ့ဝန်ထမ်းများအား စဉ်ဆက်မပြတ် ကျန်းမာရေးစောင့်ရှောက်မှုပေးနိုင်ရေးနှင့် ဆေးဝါးလိုအပ်ချက်မရှိစေရေး ဖြည့်ဆည်းဆောင်ရွက်ပေးခဲ့‌ကြောင်း သိရသည်။

▪️ ပဲခူးတိုင်းဒေသကြီးအတွင်းရှိ ဌာနဆိုင်ရာလုပ်ငန်းနယ်ပယ်အသီးသီးတွင် တာဝန်ထမ်းဆောင်ခဲ့ကြသည့် နိုင်ငံ့ဝန်ထမ်းများအနေဖြင့် အငြိမ်းစားယူပြီနောက် ကျန်းမာပျော်ရွှင် အသက်ရှည်စွာနေထိုင်ရေးအတွက် ပဲခူးတိုင်းဒေသကြီးအစိုးရအဖွဲ့၏ ဦးဆောင်စီစဉ်မှု လစဉ်တိုင်းဒေသကြီးအတွင်း မြို့နယ်(၂၈)မြို့နယ်ရှိ ပြည်သူ့ဆေးရုံကြီးများ၌ ကျန်းမာရေးစောင့်ရှောက်မှုစစ်ဆေးပေးခြင်း၊ လူနာတစ်ဦးလျှင်အခမဲ့ဆေးဝါး(၁)လစာ လစဉ်ထောက်ပံ့ပေးခြင်း၊ ကာကွယ်ဆေးထိုပေးခြင်း၊ အခြေခံစားသောက်ကုန်များအား သက်သာသောနှုန်းထားဖြင့် ရောင်းချပေးခြင်းများ ဆောင်ရွက်ပေးလျက်ရှိကြောင်း သိရသည်။

#YMG/SW #Yangon_Times

ကမ်းဝေးကမ်းနီး ငါးဖမ်းစက်လှေများအတွက် ရာသီဥတုဆိုးရွားလာပါက အနီးဆုံးကျွန်းတွေမှာ ရပ်နားနိုင်ဖို့ နေရာတွေကို နှစ်စဉ်သတ်မှတ်ထုတ်ပြန်ပေးထားတယ်လို့ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ ငါးလုပ်ငန်းဦးစီးဌာနမှ သိရပါတယ်။
#Local_News
Published 22 July 2025
#ငါးဖမ်းစက်လှေ‎ #‎နားခိုနိုင်ရန်နေရာများသတ်မှတ်ပေး
#YMG/SW #Yangon_Times

စစ်ကိုင်းတိုင်းဒေသကြီးအတွင်းရှိ ငလျင်ဘေးသင့်ပြည်သူများ အတွက် ကန့်သတ်ချက်မဲ့ငွေသားထောက်ပံ့မှုတွေ ပေးအပ်သွားမယ်လို့ မြန်မာနိုင်ငံကြက်ခြေနီအသင်းမှ သိရပါတယ်။
#Local_News
Published 22 July 2025
#ငလျင်ဘေးသင့်ပြည်သူ #ငွေသားထောက်ပံ့
#YMG/SW #Yangon_Times

ပို့ကုန်သွင်းကုန်လုပ်ငန်းရှင်တွေအနေနဲ့ မှတ်ပုံတင်ကြေးတွေကို သတ်မှတ်ကာလအတွင်းပေးသွင်းရမှာဖြစ်ပြီး ရက်ကျော်ပါကဒဏ်ကြေးပေးဆောင်ရမယ်လို့ ကုန်သွယ်ရေးဦးစီးဌာနက အသိပေးထားပါတယ်။
#Local_News
Published 22 July 2025
#ရက်ကျော်ပါကဒဏ်ကြေးပေးဆောင်ရ #ပို့ကုန်သွင်းကုန်လုပ်ငန်းရှင်
#YMG/NN #Yangon_Times

ရွှေဝယ်ယူသူ‌တွေ အဆင်ပြေစေဖို့ အရည်အသွေးအရပြည့်စုံမှု ရှိမရှိ စစ်ဆေးပေးမယ့် XRF machine X.ray ဖန်ချောင်းစက်နဲ့ မကြာမီစစ်ဆေး ပေးသွားမယ်လို့ မြန်မာနိုင်ငံရွှေလုပ်ငန်းရှင်များအသင်းချုပ်က သိရပါတယ်။
#Local_News
Published 22 July 2025
#‎XRF_machine_X.ray #မြန်မာနိုင်ငံရွှေလုပ်ငန်းရှင်များအသင်းချုပ်
#YMG/NN #Yangon_Times

#Local_News
Published 22 June  2025

▪️ ဒဂုံဆိပ်ကမ်းမြို့နယ် YBS ယာဉ်နှင့် ရေသန့်ယာဉ်တို့ တိုက်မိပြီးယာဉ်မောင်းဆေးရုံရောက်ခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဇူလိုင် ၂၁ရက်နေ့၊ နေ့လယ် ၁နာရီ  ၁၉ မိနစ်အချိန်ခန့်က  ရန်ကုန်တိုင်းဒေသကြီး၊ ဒဂုံဆိပ်ကမ်းမြို့နယ်၊ ၆၁ ရပ်ကွက်၊ ရတနာလမ်းတွင် YBS ယာဉ်နှင့် ရေသန့်ယာဉ်တို့ တိုက်မိမှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် ဒဂုံဆိပ်ကမ်းမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်ခဲ့ရာ ရေသန့်ယာဉ်ပေါ်ရှိ ညပ်နေသူယာဉ်မောင်းအား ၁နာရီ  ၃၃မိနစ် အချိန်တွင် ကယ်ထုတ်နိုင်ခဲ့ပြီး သွေးဒါနမျိုးဆက်ပရဟိတအသင်းယာဉ်ဖြင့် စံပြပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

#YMG/NN #Yangon_Times