#Local_News
Published 1 January 2025

▪️ ရေနံစိမ်းတန်ချိန်ငါးသိန်းချက်လုပ်နိုင်မည့် Modular Type စက်ရုံသစ်ကို သန်လျင်မြို့ရှိ အမှတ်(၁)ရေနံချက်စက်ရုံ (သန်လျင်)ဝန်းအတွင်း တည်ဆောက်သွားမည်ဖြစ်ကြောင်း သိရသည်။

▪️ အဆိုပါ စက်ရုံတည်‌ဆောက်ရန်အတွက် လက်ရှိရေနံချက်စက်ရုံ(ခ)မှ အသုံးပြုနိုင်သည့် စက်ပစ္စည်းများအား ပြန်လည်ဆယ်တင်ပြုပြင်မွမ်းမံဆောင်ရွက်လျက်ရှိကြောင်း၊ ပထမအဆင့်အနေဖြင့် ဆယ်တင်စက်ပစ္စည်းများ ထည့်သွင်းအသုံးပြု၍ တစ်နှစ်လျှင် ရေနံစိမ်းတန်ချိန်ငါးသိန်းချက်လုပ်နိုင်မည့် Modular Type စက်ရုံသစ်ကို တည်ဆောက်နိုင်ရေးဆက်လက်ဆောင်ရွက်သွားမည်ဖြစ်ကြောင်း သိရသည်။

▪️ စက်ရုံတည်ဆောက်ရေးနှင့် အမှတ်(၁)ရေနံချက်စက်ရုံ (သန်လျင်) လည်ပတ်ထုတ်လုပ်နိုင်ရေး လုပ်ငန်းဆောင်ရွက်နေမှုများကိုစွမ်းအင်ဝန်ကြီးဌာန ဒုတိယဝန်ကြီး ဦးသန့်စင်က ဒီဇင်ဘာလ ၃၁ရက်က သွားရောက် ကြည့်ရှုစစ်ဆေးခဲ့ပြီး လက်ရှိစက်ရုံမှ ပြန်လည်ဆယ်တင်အသုံးပြုနိုင်မည့် စက်ပစ္စည်းများ၊ ရှိရင်းစွဲအခြေခံအဆောက်အအုံများနှင့် အရင်းအမြစ် (Utilities) များကို အတတ်နိုင်ဆုံးပြုပြင်မွမ်းမံ၍ ပြန်လည်အသုံးချပြီး စက်ရုံသစ်အား သတ်မှတ်ကာလအတွင်း ပြီးစီးအောင် ဆောင်ရွက်ရန်၊ စက်ရုံသစ်တည်ဆောက်မည့် မြေနေရာရှင်းလင်းခြင်း၊ စက်ရုံ၏ဒီဇိုင်းနှင့် ပုံစံတို့အား အတည်ပြု၍ စက်ပစ္စည်းများထုတ်လုပ်ခြင်း၊ စက်ပစ္စည်းများ လုပ်ငန်းခွင်ဧရိယာသို့ ပို့ဆောင်ခြင်း၊ စက်ပစ္စည်းများ တပ်ဆင်ခြင်း၊ စမ်းသပ်လည်ပတ်ခြင်း၊ သိုလှောင်ကန်များနှင့် ပိုက်လိုင်းကွန်ရက်များ ပြုပြင်တည်ဆောက်ခြင်း၊ ကုန်ကြမ်းရေနံစိမ်းသယ်ယူမည့် ပိုက်လိုင်းတည်ဆောက်ခြင်း၊ စက်ရုံလည်ပတ်ရေးအတွက် လိုအပ်သော စက်ရုံသုံးရေ၊ သဘာဝဓာတ်ငွေ့ရယူခြင်းနှင့် လျှပ်စစ်ဓာတ်အား လိုင်းတည်ဆောက်ခြင်း စသည့် လုပ်ငန်းများကို သတ်မှတ်အချိန် ဇယားအတိုင်းပြီးစီးအောင် ဆောင်ရွက်ရန်တို့ကို မှာကြားခဲ့ကြောင်း သိရသည်။

#YMG/SW #Yangon_Times

#World_News
Published 01 January 2025

▪️ ၂၀၂၅ ခုနှစ်အရောက်မှာ ပစိဖိတ်ကို ဖြတ်ကျော်ပျံသန်းလာတဲ့ ခရီးသည်တွေဟာ အချိန်ဇုန် ၉ ခုနဲ့ နိုင်ငံတကာ ရက်စွဲမျဉ်းအမှတ်အသားကို ဖြတ်သန်းသွားရတဲ့ လမ်းကြောင်းကြောင့် ၂၀၂၄ ခုနှစ်သို့ ပြန်လည်ဆိုက်ရောက်ခဲ့ပါတယ်။

▪️ ၂၀၂၅ ဇန်နဝါရီ ၁ ရက်နေ့ ဟောင်ကောင်မှာ နှစ်သစ်ကူးသွားပြီးနောက် Cathay Pacific လေကြောင်းလိုင်းရဲ့ Flight 880 ခရီးစဉ်ဟာ ဟောင်ကောင်ကနေ ထွက်ခွာလာပါတယ်။

▪️ ကောင်းကင်မှာ ၁၄ နာရီနီးပါး ပျံသန်းပြီး လော့စ်အိန်ဂျလိစ်သို့ ၂၀၂၄ ဒီဇင်ဘာ ၃၁ ရက်နေ့ ည ၁၀ နာရီလောက်မှာ ဆိုက်ရောက်ခဲ့သဖြင့် ခရီးသည်တွေအဖို့ အချိန်နောက်ပြန်ရောက်သွားပါတယ်။

▪️ ပစိဖိတ်သမုဒ္ဒရာပေါ်က နိုင်ငံတကာရက်စွဲမျဉ်း အမှတ်အသားကို ဖြတ်သန်းသွားချိန်မှာ ၂၀၂၄ သို့ ပြန်ရောက်သွားတာ ဖြစ်ပါတယ်။

▪️ အချိန်နောက်ပြန် ပျံသန်းခဲ့တာ Flight 880 တစ်စင်းတည်း မဟုတ်ပါဘူး။

▪️ နှစ်သစ်ကူး အခိုက်အတန့်ကို နှစ်ခါပြန်ဂုဏ်ပြုချင်တဲ့ လူတွေက နှစ်သစ်ကူးအကြိုနေ့မှာ ပစိဖိတ်ဖြတ်သန်းမယ့် ခရီးစဉ်တွေမှာ ဘွတ်ကင်ယူထားကြပါတယ်။

▪️ ဒါပေမဲ့ အချိန်ခရီးသွားခြင်း အန္တရာယ်တွေလည်းရှိပြီး စီစဉ်ထားတဲ့အတိုင်း ဖြစ်မလာတာလည်း ရှိပါတယ်။

▪️ ယမန်နှစ်ကဆိုရင် နှစ်ကူးကို မြေပြင်မှာ နှစ်ခါပြုလုပ်ချင်တဲ့ ခရီးသည်တွေက ဂူအမ်ကနေ ဟာဝိုင်အီသို့ United Airlinesမှ flight 200 ခရီးစဉ်ဖြင့် ပျံသန်းဖို့ စိတ်လှုပ်ရှားနေခဲ့ပါတယ်။

▪️ ဒါပေမဲ့ လေယာဉ်ထွက်ခွာချိန် ၆ နာရီကျော်ကြာ နှောင့်နှေးခဲ့တာကြောင့် ကမောက်ကမတွေ ဖြစ်ကုန်ပြီး နောက်တစ်ခေါက် နှစ်ကူးချိန်မှာ လေထဲရောက်နေတာကြောင့် နှစ်ခါပြန်အခွင့်အရေးနဲ့ လွဲခဲ့ပါတယ်။

▪️ အချို့ကတော့ အချိန်ရှေ့တိုးသွားကာ နှစ်သစ်ကူးလွဲချော်တာလည်း ရှိပါတယ်။

▪️ ၃၁ ရက်နေ့ ညနေပိုင်းက Air New Zealandမှ Flight 27 ဟာ ဆန်ဖရန်ဆစ္စကိုကနေ ထွက်ခွာလာပြီး လေထဲမှာ ၁၂ နာရီကျော်ကြာမြင့်ပြီးနောက် ဇန်နဝါရီ ၂ ရက်နေ့ အစောပိုင်းအချိန်မှာမှ အော့က်လန်သို့ ဆိုက်ရောက်မှာဖြစ်ပါတယ်။

#Source: New York Post

#World_Health
Published 1 January 2025

▪️ တစ်နေ့ကို ပန်းသီးတစ်လုံးစားရင် ဆေးခန်းသွားစရာမလိုဘူးလို့ ပြောနေကြသလို သိပ္ပံပညာရှင်တွေကလည်း ပန်းသီးစားခြင်းနဲ့ ကျန်းမာရေးတို့ကြား ညီမျှခြေတစ်ခုကို တွေ့ရှိခဲ့ပါတယ်။

▪️ တရုတ်ပြည် ကျင်ကျိုးရှိ ယန်ဇီဆေးရုံမှ သုတေသီတွေက သွေးတိုးရှိတဲ့ သက်လတ်ပိုင်းလူပေါင်း ၂၁၈၄ ဦးကို ဆယ်စုနှစ်တစ်ခုကြာအောင် စောင့်ကြည့်ခဲ့ကြပါတယ်။

▪️ တစ်ပတ်အတွင်း ပန်းသမီး ၃ လုံးမှ ၄ လုံးစားတဲ့သူတွေဟာ မစားတဲ့သူတွေထက် အသက်သေဆုံးနိုင်ခြေ ၃၉ ရာခိုင်နှုန်း ပိုနည်းနေတာကို တွေ့ခဲ့ကြပါတယ်။

▪️ တစ်ပတ်ကို ကစီပါတဲ့အသီး ၃ ကြိမ်မှ ၆ ကြိမ်စားတဲ့သူတွေက အရွယ်မတိုင်ခင် စောစီးစွာသေဆုံးနိုင်ခြေ ၃၀ ရာခိုင်နှုန်းနီးပါး လျှော့ချနိုင်ပါတယ်။

▪️ နှစ်မျိုးစလုံးစားရင်တော့ အသက်သေဆုံးနိုင်ခြေကို ၅၀ ရာခိုင်နှုန်းနီးပါးအထိ လျှော့ချနိုင်ပါတယ်။

▪️ ပန်းသီးဟာ အမျှင်ဓာတ် ကြွယ်ဝစွာပါဝင်ပြီး အပင်အခြေပြု ဖိုင်တိုဓာတုဒြပ်ပေါင်းများက နာတာရှည်ရောဂါများမှ ကာကွယ်ပေးတယ်လို့ အစာအိမ်အူလမ်းကြောင်းဆရာဝန် ဝီလ်ဘူလ်ဆွစ်ဇ်က ပြောသွားပါတယ်။

▪️ အရောင်ရင့်တဲ့ ပန်းသီးတွေဆိုရင် အရောင်ဖျော့တဲ့ ပန်းသီးတွေထက် ဓာတ်တိုးဆန့်ကျင်ပစ္စည်း ပမာဏ ပိုများပါတယ်။

▪️ ဒါ့အပြင် တစ်နေ့ကို ပန်းသီးတစ်လုံးနဲ့အထက် စားတဲ့သူတွေဟာ ဆီးချိုရောဂါဖြစ်နိုင်ခြေ ၂၈ ရာခိုင်နှုန်း ပိုနည်းပါတယ်။

▪️ ကစီပါတဲ့ ငှက်ပျောသီးဆိုရင် သွေးဖိအားနဲ့ သွေးတိုးတို့ကို လျော့နည်းစေကာ အိုမင်းရင့်ရော်ခြင်း ဖြစ်စေတဲ့ ဓာတ်တိုးခြင်းမှလည်း ကာကွယ်ပေးပါတယ်။

#Source: New York Post

#World_Health
Published 2 January 2025

▪️ ကျွန်ုပ်တို့အများစုက အအေးမိတဲ့အခါ နှာရည်ကို အလိုလိုညှစ်ထုတ်တတ်ကြပြီး ဒါဟာ နှာရည်တွေ ချွဲတွေ ရှင်းလင်းစေကာ အသက်ရှူရလွယ်ကူတယ်လို့ ယူဆထားကြပါတယ်။

▪️ လူသားတွေရဲ့ နှာခေါင်းဟာ နေ့စဉ် ချွဲသလိပ် ၁-၂ လီတာခန့် ထုတ်လုပ်ကြပြီး ဖျားနာတဲ့အချိန်မှာ ဗိုင်းရပ်စ်တွေကို ပိတ်ဆို့ထားဖို့ ထူထဲလာပါတယ်။

▪️ နှာခေါင်းညှစ်ထုတ်တာက ထူထပ်နေတဲ့ နှာရည်တွေကို ရှင်းလင်းစေပြီး ယာယီသက်သာမှု ပေးနိုင်ပါတယ်။

▪️ ဒါပေမဲ့ နှာရည်ညှစ်တဲ့အခါ ပုံစံမမှန်ပါက ရောဂါလက္ခဏာ ပိုဆိုးလာတတ်ပြီး ဘေးထွက်ဆိုးကျိုးတွေပင် ဖြစ်နိုင်တယ်လို့ ကျွမ်းကျင်သူများ သတိပေးလာပါတယ်။

▪️ နှာရည်ကို ပြင်းပြင်းထန်ထန် ညှစ်ထုတ်တဲ့အခါ နှာခေါင်းထဲက သဘာဝအတိုင်း သန့်စင်ရေးလုပ်ငန်းစဉ်ကို ထိခိုက်စေပြီး နှာရည်သလိပ်တွေဟာ နှာခေါင်းနက်နဲတဲ့နေရာနဲ့ နားအတွင်းပိုင်းအထိပါ ရောက်သွားနိုင်တယ်လို့ Asian Institute of Medical Sciencesမှ နားနှာခေါင်းလည်ချောင်း အကြီးအကဲ ဒေါက်တာ ဆပ်နီလ်ဘရက်ပူရီယာက ရှင်းပြပါတယ်။

▪️ နှာခေါင်းပေါက် ရောဂါပိုးဝင်ခြင်း၊ နားကိုက်ခဲခြင်း၊ ပြင်းထန်တဲ့အခြေအနေမှာ နားစည်ပေါက်ခြင်းတို့ပင် ဖြစ်နိုင်ပါတယ်။

▪️ အားနဲ့ညှစ်ထုတ်လိုက်တဲ့အခါ နှာခေါင်းလမ်းကြောင်းမှာ ဖိအားတင်းစေပြီးတော့ နှာရည်များ လမ်းကြောင်းပြောင်းပြီးတော့ မရောက်သင့်တဲ့ နေရာတွေ ရောက်နိုင်ကာ ဖျားနာချိန် ကြာမြင့်စေနိုင်ပါတယ်။

▪️ နှာရည်ညှစ်တဲ့အခါ ပိုမိုစိတ်ချရအောင် ပြုလုပ်သင့်တဲ့ ပုံစံတွေကတော့..
- နှာခေါင်းပေါက်တစ်ဖက်ကို လက်ချောင်းဖြင့် ညှင်သာစွာဖိပါ။

- တခြားတစ်ဖက်ကို ညင်သာစွာညှစ်ပါ။

- နှာခေါင်းအရမ်းပိတ်နေတယ်လို့ ခံစားရရင် နှာရည်ကျဲသွားစေရန် ဆေလိုင်းရည်ဖျန်းခြင်း၊ ရေနွေးငွေ့ရှူခြင်း ပြုလုပ်ပါ။

▪️ လက်ဖြင့်ညှစ်တဲ့အခါ ရှားစောင်းလတ်ပတ်၊ မန်သောလ်တို့လို ပစ္စည်းများ သုံးပေးပါက အရေပြားခြောက်သွေ့ခြင်းမှ ကာကွယ်နိုင်ပါတယ်။

▪️ နှာရည်သလိပ်တွေဟာ အသက်ရှူလမ်းကြောင်းမှာ ပထမဆုံးကာကွယ်ရေးနေရာဖြစ်ပြီး ရောဂါပိုးမွှားတွေ ဝင်မလာနိုင်အောင် ပိတ်ဆို့ထားကြောင်းကို နားလည်သင့်တယ်လို့ ရှင်းပြပါတယ်။

▪️ နှာရည်ညှစ်တဲ့အခါ နည်းလမ်းမမှန်ပါက ကာကွယ်ရေးလုပ်ငန်းစဉ်ကို ထိခိုက်ကာ နောက်ထပ်ဆိုးကျိုးများပါ ဝင်လာနိုင်ပါတယ်။

#Source: India Today

၂၀၂၅ခုနှစ် နှစ်သစ်အခါသမယတွင် မြန်မာနိုင်ငံသူ နိုင်ငံသားအားလုံး ကိုယ်စိတ်နှစ်ဖြာ အေးချမ်းသာ၍ လိုရာ ဆန္ဒပြည့်ဝကြပါစေ။ ကြံတိုင်းအောင်၍ ဆောင်တိုင်းမြောက်ကြပါစေ၊

ရန်ကုန်မီဒီယာဂရု(ပ်) မိသားစု

၂၀၂၄မှာ ဒေဝါလီခံရတဲ့ ဂျပန်လုပ်ငန်းအရေအတွက် ၁ သောင်းကျော်နိုင်တယ်လို့ ခန့်မှန်းလိုက်ကာ ဒါဟာ ၂၀၁၃ နောက်ပိုင်းအမြင့်ဆုံး အခြေအနေဖြစ်တယ်လို့ စစ်တမ်းအချက်အလက်တစ်ခု စနေနေ့က ထုတ်ပြန်လိုက်ပါတယ်။
#World_Business
Published 31 December 2024
#ဂျပန်စီးပွားရေးလုပ်ငန်းပေါင်း #ဒေဝါလီခံ
#YMG #Yangon_Times #Yangon_Media_Group

#Daily_News
Published 31 December 2024

၁။ စားအုန်းဆီ‌စျေးနှစ်ပတ်ဆက်တိုက် တည်ငြိမ်နေ

၂။ အာလိန်ငါးဆင့်ဘုရား ဈေးပွဲတော်ကျင်းပမည်

၃။ ဝါးနက်ဆင်စခန်း၌ ဒုတိယမြောက်ဆင်ကလေးငယ်မွေးဖွား

၄။ (၂၀၂၄)ပထမ(၁၁)လအတွင်း ဒေဝါလီခံရသည့် ဂျပန်စီးပွားရေးလုပ်ငန်းပေါင်းတစ်သောင်းကျော်နိုင်သည်ဟုခန့်မှန်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 31 December 2024

▪️ ရန်ကုန်တိုင်းဒေသကြီးအစိုးရအဖွဲ့မှ ကြီးမှူးပြီး ပြည်သူ့ရင်ပြင်တွင် ယနေ့ပြုလုပ်မည့် Yangon 2025 Countdown Festival နှစ်သစ်ကူးပွဲတော်အတွက် လာရောက်ဆင်နွဲကြမည့် ပြည်သူများအပြန်ခရီးအဆင်ပြေစေရန် အတွက် YBS ယာဉ်လိုင်း ၇လိုင်းပြေးဆွဲ‌ပေးမည်ဖြစ်ကြောင်း သိရသည်။

▪️ အဆိုပါ YBS ယာဉ်လိုင်း ၇လိုင်းပြေးဆွဲနိုင်ရန်YRTC မှ စီစဉ်ဆောင်ရွက်ပေးသွားမည်ဖြစ်ကြောင်း ၊ ပွဲတော်သို့ လာရောက်သူများအတွက် YBS (21) ၊ YBS (61) ၊ YBS (37) ၊ YBS (115) ၊ YBS (62) ၊ YBS (7) နှင့် YBS (8)စသည့် ယာဉ်လိုင်း (၇)လိုင်းတို့ကို ဒီဇင်ဘာလ ၃၁ ရက်၊ ည (၉)နာရီမှ ည (၁၂)နာရီအထိ ပြေးဆွဲပေးသွားမည်ဖြစ်ကြောင်း သိရသည်။

▪️ ထို့ပြင် ရန်ကုန်တိုင်းဒေသကြီးအစိုးရအဖွဲ့အ‌နေဖြင့် 2025 Yangon New Year Countdown ပွဲတော်သို့ပြည်သူအများ လာရောက်လည်ပတ်နိုင်ရန်အတွက် ညမထွက်ရအမိန့်ကိုလည်း တစ်ညတာဆိုင်းငံ့ပေးထားကြောင်း သိရသည်။

#YMG/SW #Yangon_Times

ဆောင်းဒါးရက်ကန်းနှင့် အသက်မွေးပညာသိပ္ပံမှာ ချည်မျှင်နှင့်အထည်အလိပ်ဒီပလိုမာသင်တန်းတက်ရောက်သူတွေကို ပညာသင်ထောက်ပံ့ကြေးတွေပေးအပ်သွားမယ်လို့ သိရပါတယ်။
#Local_News
Published 31 December 2024
#ဆောင်းဒါးရက်ကန်း #အသက်မွေးပညာသိပ္ပံ
#YMG/SW #Yangon_Times

၃၁ ဒီဇင်ဘာ ၂၀၂၄

မြန်မာနိုင်ငံမြောက်ပိုင်းက အဓိက ရာဇဝတ်ဂိုဏ်းသား ၃၉ ဦးကို တရုတ်နိုင်ငံက ဒီဇင်ဘာ ၃၀ရက် တနင်္လာနေ့မှာ စတင်တရားစွဲဆိုလိုက်ပါတယ်။သူတို့ဟာ တရုတ်နိုင်ငံအရပ်သားတွေကို ပစ်မှတ်ထားပြီး ကျားဖျန့်လို့ခေါ်တဲ့ အွန်လိုင်းလိမ်လည်မှုနှင့် ရာဇဝတ်မှုတွေကျူးလွန်ခဲ့ကြလို့ တရားစွဲဆိုတာလို့CCTV ကသတင်း ထုတ်ပြန်ပါတယ်။

Source CCTV+

မန္တလေးတိုင်းဒေသကြီး၊ ပြင်ဦးလွင်မြို့နယ်ရှိ ဝါးနက်ဆင်စခန်းမှာ ဒုတိယမြောက်ဆင်ကလေးငယ်မွေးဖွားခဲ့တယ်လို့ ဆင်စခန်းတာဝန်ခံဆီက သိရပါတယ်။
#Local_News
Published 31 December 2024
#ဝါးနက်ဆင်စခန်း #ဆင်ကလေးငယ်မွေးဖွား
#YMG/NN #Yangon_Times

လွတ်လပ်ရေးနေ့အောင်ပွဲအတွက်ဈေးပွဲတော်ကို အာလိန်ငါးဆင့်ဘုရား၊ မဟာဆေးဝင်္ကဘာကျောင်းတိုက်ရှေ့မှာ ဇန်နဝါရီလအတွင်းကျင်းပသွားမယ်လို့ ပွဲဖြစ်မြောက်ရေးကော်မတီက သိရပါတယ်။
#Local_News
Published 31 December 2024
#အာလိန်ငါးဆင့်ဘုရား #ဈေးပွဲတော်ကျင်းပ
#YMG/NN #Yangon_Times