#LocalNews
Published 30 March 2023
ထိုင်းနိုင်ငံသို့ လာရောက်ရန် ဗီဇာကြိုတင်လျှောက် ထားစရာမလိုပဲ ဝင်ရောက်ခွင့်Visa Free (၄၅) ရက်ပေးထားရာမှ ယခုဧပြီလ (၁) ရက်မှစ၍ အခမဲ့ဗီဇာ (Visa Free) (၁၄) ရက်သာနေထိုင်နိုင်မည်ဖြစ်ကြောင်း ဘန်ကောက်မြို့ရှိ မြန်မာသံရုံး၏ ထုတ်ပြန်ချက်အရ သိရသည်၊၊
ထုတ်ပြန်ချက်တွင် ထိုင်းနိုင်ငံသို့ ၂၀၂၂ ခုနှစ် ၊ အောက်တိုဘာလ ၁ ရက်နေ့မှ ၂၀၂၃ ခုနှစ် ၊ မတ်လ ၃၁ ရက်နေ့အတွင်း လာရောက်ကြသော နိုင်ငံအသီးသီးမှ နိုင်ငံသားများနှင့် ပတ်သက်၍ အခမဲ့ဗီဇာ (Visa Free) သဘောတူညီမှုရရှိထားသော နိုင်ငံသားများ (မြန်မာနိုင်ငံအပါအဝင်) သည် ၄၅ ရက်အထိ နေထိုင်နိုင်ပြီး ၊ ဆိုက်ရောက်ဗီဇာ (Visa on Arrival) ရရှိထားသော နိုင်ငံသားများသည် ၃၀ ရက်အထိ နေထိုင်ခွင့်ရရှိခဲ့ကြောင်း၊၊
၂၀၂၃ ခုနှစ်၊ ဧပြီလ ၁ ရက်နေ့မှစ၍ ယခင်အတိုင်း အခမဲ့ဗီဇာ (Visa Free) ဖြင့် ၁၄ ရက်သာ ခွင့်ပြုမည်ဖြစ်သောကြောင့် ရက်ရှည်နေထိုင်လိုသူများအနေဖြင့် ထိုင်းသံရုံး (ရန်ကုန်) ၌ ဗီဇာလျှောက်ထား၍ လာနိုင်ကြောင်း အသိပေးထားသည်၊၊
ymg/tthl
#ထိုင်းနိုင်ငံ #Visa Free
#YMG #Yangon_Media_Group
