#LocalNews
တာချီလိတ် မေ ၂၃
နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌဗိုလ်ချုပ်မှူးကြီးမင်းအောင်လှိုင်မှ ဖိတ်ခေါ်သည့် ငြိမ်းချမ်းရေးဆွေးနွေးပွဲသို့ တက်ရောက်ခဲ့သည့် ရှမ်းပြည်ပြန်လည်ထူထောင်ရေးကောင်စီ RCSS/SSA ဥက္ကဋ္ဌ ဗိုလ်ချုပ်ကြီးယွက်ဆစ်နှင့်အဖွဲ့ဝင်တွေဟာ ယနေ့ နေ့လည် ၁၂ နာရီအချိန်က နေပြည်တော်မှ တပ်မတော်လေယာဥ်ဖြင့် တာချီလိတ်လေဆိပ်သို့ပြန်လည်ရောက်ရှိလာခဲ့ကြောင်းသိရပါတယ်။
မေ ၂၀ ရက်နေ့တွင် ကျင်းပခဲ့သည့်ငြိမ်းချမ်းရေးဆွေးနွေးပွဲသို့တက်ရောက်ရန် မေ ၁၉ ရက်နေ့က တာချီလိတ်လေဆိပ်မှတဆင့် နေပြည်တော်သို့ထွက်ခွာသွားသော ဥက္ကဋ္ဌ ဗိုလ်ချုပ်ကြီးယွက်ဆစ်နှင့် အဖွဲ့ဝင်များ၏ ၅ ရက်ကြာခရီးစဥ်မှပြန်လည်ရောက်ရှိလာချိန်တွင် တာဝန်ရှိသူများနှင့် ရှမ်း၊ အာခါ၊ လားဟူ၊ ပအိုဝ့် တိုင်းရင်းသားများနှင့် ပြည်သူများက ငြိမ်းချမ်းရေးဆွေးနွေးပွဲကို ကြိုဆိုထောက်ခံသောအားဖြင့် ပန်းစည်းများနှင့် ဗီနှိုင်းပိုစတာများကိုင်ဆောင်ကာ လေဆိပ်မှသောင်းသောင်းဖျဖျ ကြိုဆိုခဲ့ကြပါတယ်။
ထို့နောက် ဗိုလ်ချုပ်ကြီး ယွက်ဆစ်နှင့်အဖွဲ့ဝင်တွေဟာ ဆေခမ်းရပ်ကွက်ရှိ ရာဇဌါန်
ဘုန်းတော်ကြီးကျောင်းသို့ဝင်ရောက်ဖူးမျှော်ခဲ့ပြီး ပလက်တီနမ် ဟိုတယ်၌ နေ့လည်စာသုံးဆောင်ခဲ့ကြပြီးနောက် နေ့လည် ၁ နာရီ ၄၀ မိနစ်အချိန်တွင် မြန်မာ-ထိုင်းချစ်ကြည်ရေးတံတား( ၂)မှတဆင့် ထိုင်းနိုင်ငံ မယ်ဆိုင်မြို့သို့ပြန်လည်ထွက်ခွာသွားခဲ့ကြောင်းသိရှိရပါတယ်။
ymg/ys-tcl
#Yangon_Media_Group
