#Local_News
Published - 14 July 2022
မြန်မာနိုင်ငံရင်းနှီးမြှုပ်နှံမှုကော်မရှင် (MIC) မှ ရင်းနှီးမြှုပ်နှံမှု လုပ်ငန်းသစ် (၁၉) ခုကိုခွင့်ပြုပေးခဲ့ပြီး ယင်းမှအလုပ်အကိုင်အခွင့်အလမ်း ၃၁၀၀ ကျော်ရရှိမည်ဖြစ်ကြောင်း သိရသည်။
MIC မှခွင့်ပြုထားသည့် လုပ်ငန်း ၁၉ ခုတွင် နေရောင်ခြည်စွမ်းအင်သုံးလျှပ်စစ်ဓာတ်အားထုတ်လုပ်မှုလုပ်ငန်း (၅) ခုပါဝင်ကြောင်း သိရသည်။
အဆိုပါ လုပ်ငန်းများကို မြန်မာနိုင်ငံရင်းနှီးမြှုပ်နှံမှုကော်မရှင်၏ (၃/ ၂ဝ၂၂) ကြိမ်မြောက်အစည်းအဝေးတွင် ခွင့်ပြုခဲ့ခြင်းဖြစ်သည်။
စက်မှုကဏ္ဍ၊ ဝန်ဆောင်မှုကဏ္ဍ၊ စိုက်ပျိုးမွေးမြူရေးကဏ္ဍနှင့် လျှပ်စစ်နှင့် စွမ်းအင်ကဏ္ဍတို့မှ ရင်းနှီးမြှုပ်နှံမှု လုပ်ငန်းသစ်(၁၉) ခု ကို ခွင့်ပြုပေးခဲ့ခြင်းဖြစ်သည်။
၂၀၂၂- ၂ဝ၂၃ ဘဏ္ဍာရေးနှစ်၏ ဇူလိုင်လတတိယပတ်အထိ မြန်မာနိုင်ငံရင်းနှီးမြှုပ်နှံမှု ဥပဒေအရ နိုင်ငံခြားရင်း နှီးမြှုပ်နှံမှု လုပ်ငန်း (၂ဝ) ခု စုစုပေါင်း အမေရိကန်ဒေါ်လာ (၈၂၉ ဒသမ ၁၄၆) သန်းဖြင့် လည်းကောင်း၊ မြန်မာနိုင်ငံသား ရင်းနှီးမြှုပ်နှံမှုလုပ်ငန်း (၂၁)ခုမှ စုစုပေါင်းငွေကျပ် ၃၅ဝ ဘီလျံကျော်ဖြင့်လည်းကောင်း ရင်းနှီးမြှုပ်နှံမှုများ ပြုလုပ်လျက်ရှိကြကြောင်း သိရသည်။ အဆိုပါလုပ်ငန်းများမှ အလုပ်အကိုင် အခွင့်အလမ်းပေါင်း (၁၃ဝဝဝ) ကျော်ကို ဖန်တီးပေးနိုင်ခဲ့ကြောင်း သိရသည်။
ymg/sth
#Yangon_Media_Group
