#Local_News
Published_ 7 January 2023
ရန်ကုန်စီးပွားရေးတက္ကသိုလ်၏အာမခံလုပ်ငန်းဆိုင်ရာမဟာဘွဲ့(Master of Insurance)သင်တန်းအတွက်ဝင်ခွင့်လျှောက်လွှာများခေါ်ယူနေကြောင်း အဆိုပါတက္ကသိုလ်မှထုတ်ပြန်လိုက်သည်၊၊
(၂၀၂၃-၂၀၂၄)ပညာသင်နှစ်အတွက် အဆိုပါ မဟာဘွဲ့သင်တန်းကိုခေါ်ယူထားခြင်းဖြစ်ပြီး ဇန်နဝါရီလ(၁၀) ရက်မှ(၂၄)ရက်အတွင်း လျှောက်လွှာများကို ရန်ကုန်စီးပွားရေးတက္ကသိုလ်(ကမာရွတ်နယ်မြေ)တွင် လျှောက်ထားနိုင်မည်ဖြစ်သည်၊၊
အာမခံလုပ်ငန်းဆိုင်ရာ မဟာဘွဲ့(Master of Insurance)သင်တန်းတက်လိုသူများအနေဖြင့် တက္ကသိုလ်တစ်ခုခုမှဘွဲ့ရများ၊ သင်တန်းအတွက် အာမခံလုပ်ငန်း၊ ဘဏ်လုပ်ငန်း၊ ဘဏ္ဍာရေးဆိုင်ရာလုပ်ငန်းတစ်ခုခုတွင် လုပ်ငန်းခွင်အတွေ့အကြုံအနည်းဆုံးလုပ်သက်(၂)နှစ်ရှိပြီးအခြားသော သင်တန်းများတက်ရောက်နေသူများ မဖြစ်ရဟု သတ်မှတ်ထားသည်၊၊
သင်တန်းအတွက် ရေးဖြေစာမေးပွဲကို ဇန်နဝါရီ(၂၉) ရက်တွင် ရန်ကုန်စီးပွားရေးတက္ကသိုလ်(ကမာရွတ်နယ်မြေ)၌ ကျင်းပမည်ဖြစ်ပြီး ရေးဖြေဝင်ခွင့်ရသူများ လူတွေ့စစ်ဆေးရွေးချယ်သွားမည်ဖြစ်ကြောင်း သိရသည်၊၊
#ymg/tthl
#Yangon_Media_Group
