#Local_News
Published 2 May 2025
▪️ မန္တလေးမြို့ရှိ မြပါဝါဆီဆိုင်၌ စက်သုံးဆီကား မီးလောင်မူ တစ်ခု ယနေ့မနက်ပိုင်းက ဖြစ်ပွားခဲ့ကြောင်း သိရသည်။
▪️ 'မန္တလေး ၃၅လမ်းနဲ့ ၆၆လမ်းထောင့်မှာရှိတဲ့ မြပါဝါဆီဆိုင် မှာ စက်သုံးဆီကား မီးလောင်တာပါ၊ မိနစ်ပိုင်းအတွင်းမီးငြိမ်းပါတယ်'ဟု မန္တလေးမီးသတ်တပ်ဖွဲ့မှ တာဝန်ရှိသူတစ်ဦးက ပြောသည်။
▪️ ဖြစ်စဉ်မှာ မေလ၂ ရက်နေ့၊ မနက် ၇ နာရီ ၃၂ မိနစ်အချိန်ခန့်က မန္တလေးတိုင်းဒေသကြီး၊ မဟာအောင်မြေခရိုင်၊ ချမ်းအေးသာစံမြို့နယ်၊ ၃၅လမ်းနှင့် ၆၆ လမ်းထောင့်တွင် ဆီဆိုင်မီးလောင်မှုဖြစ်ပွားခဲ့ခြင်းဖြစ် ကြောင်း သိရသည်။
▪️ အဆိုပါ သတင်းရရှိသဖြင့် level 1 ယာဉ်အုပ်စုထွက်ခွာငြှိမ်းသတ်ခဲ့ရာ
မနက်၇ နာရီ၄၁မိနစ် အချိန် ၌ မီးထိန်းနိုင်ခဲ့ပြီး ၇နာရီ ၄၆မိနစ် အချိန် ၌ မီးငြိမ်းခဲ့ကြောင်း သိရသည်။
▪️ မီးလောင်မှုဖြစ်စဉ်နှင့်ဆုံးရှုံးမှုတန်ဖိုးများအား ဆက်လက်စုံစမ်းနေကြောင်း သိရသည်။
#YMG/NN #Yangon_Times
