Published_ 2 June 2022
တယ်လီနောမြန်မာ က ၎င်းတို၏ အမှတ်တံဆိပ်အား အက်တမ်(Atom)မြန်မာလို့ အမည် ပြောင်းလဲသွားမှာဖြစ်ကြောင်း ထုတ်ပြန်ထားပါတယ်။
တယ်လီနောမြန်မာက မတ်လတွင် လက်ဘနွန်နိုင်ငံမှ M1 Group သို့ အမေရိကန် ဒေါ်လာ ၁၀၅ သန်းဖြင့် ရောင်းချခဲ့တာဖြစ်ပြီး ယခုအခါ M1 Group နှင့် ၎င်း၏ ပြည်တွင်း မိတ်ဖက်ကုမ္ပဏီဖြစ်သည့် ရွှေဗျိုင်းဖြူကုမ္ပဏီက ၄၉ ရာခိုင်နှုန်းဖြင့် ပူးပေါင်းထားသော Investcom ပိုင်ဆိုင်မှာဖြစ်ပါတယ်။
စစ်တမ်းများအရသုံးစွဲသူ ၁၈ သန်းရှိနေသည့် တယ်လီနောကုမ္ပဏီအား ကုမ္ပဏီ အမည်ပြောင်းလဲခြင်းကြောင့် ထုတ်ကုန်နှင့်ဝန်ဆောင်မှုများတွင် အကျိုးသက်ရောက်မှု ရှိမည်မဟုတ်ဘဲ ကတိကဝတ်များနှင့် ကိုယ်စားပြုမှုများသည် သုံးစွဲသူများနှင့်မိတ်ဖက် များအတွက် မပြောင်းလဲဘဲ ဆက်လက်ရှိသွားမည်ဟုလည်း ထုတ်ပြန်ချက်မှာ ဖော်ပြထား ပါတယ်။
ကုမ္ပဏီအမည်ပြောင်းလဲမှုအား ၂၀၂၂ မေ ၃၀ ရက်က ဆောင်ရွက်ခဲ့ခြင်းဖြစ်ကာ အဆိုပါအမည်ပြောင်းလဲမှုနှင့်အတူ ကြီးမားသောဈေးကွက်အတွင်းသို့ ပံ့ပိုးလုပ်ဆောင် နိုင်မှုများကို မြှင့်တင်သွားမယ်လို့ ဆိုပါတယ်။
