၁၈ ဩဂုတ် ၂၀၂၅
▪️သိက္ခာရှိသည့်ရွေးကောက်ပွဲ၊ သိက္ခာရှိသည့် လွှတ်တော်ဖြစ်စေရေး ဝိုင်းဝန်းဆောင်ရွက်ရမယ်လို့ နိုင်ငံ တော်လုံခြုံရေးနှင့် အေးချမ်းသာယာရေးကော်မရှင် (နလအက) ဥက္ကဋ္ဌဗိုလ်ချုပ်မှူးကြီး မင်းအောင်လှိုင် က ပြောပါတယ်။
▪️မကွေးမြို့ရှိ ဌာနဆိုင်ရာတာဝန်ရှိသူများ၊ အသေးစား၊ အငယ်စားနှင့်အလတ်စားစီးပွားရေး (MSME) လုပ်ငန်းရှင်များနှင့် ယနေ့ ဩဂုတ်၁၈ ရက်က တွေ့ဆုံ၍ဒေသဖွံ့ဖြိုးတိုးတက်ရေးအတွက် ဆွေးနွေးပြော ကြားရာတွင် နလအက ဥက္ကဋ္ဌက ယင်းကဲ့သို့ပြောကြားခဲ့ခြင်းဖြစ်ပါတယ်။
▪️ယင်းသို့ဖြစ်စေရန်အတွက် ဆန္ဒမဲပေးပိုင်ခွင့်ရှိသူများအားလုံးဆန္ဒမဲများပေးနိုင်ရေး နိုင်ငံတော်မှ ဆောင် ရွက်ပေးသွားမယ်လို့ ဗိုလ်ချုပ်မှူးကြီးက ဖြည့်စွက်ပြောကြားပါတယ်။
▪️တိုင်းရင်းသားများနှင့် လူထုလူတန်းစားအလွှာများကို ကိုယ်စားပြုသူများ လွှတ်တော်အတွင်း ကျယ်ကျယ်ပြန့်ပြန့် ပါဝင်လာစေရေးအတွက် ယခုကျင်းပမည့် ရွေးကောက်ပွဲတွင် ပြည်သူ့လွှတ်တော်ကို FPTP စနစ်၊အမျိုးသားလွှတ်တော်နှင့် တိုင်းဒေသကြီး/ပြည်နယ် လွှတ်တော်ကို ရောနှောထားသော ကိုယ်စားလှယ် အချိုးကျစနစ်(MMP- Mixed Member Proportion System)ကိုအသုံးပြုဆောင်ရွက်တာ ဖြစ်တယ်လို့ ဗိုလ်ချုပ်မှူးကြီးက ရှင်းလင်းပြောဆိုပါတယ်။
▪️ရွေးကောက်ပွဲကို ပြည်ပနိုင်ငံများမှလည်း ထောက်ခံအားပေးမှုများရှိကြောင်းနှင့် လွတ်လပ်၍တရား မျှတသည့်ရွေးကောက်ပွဲ တစ်ရပ်ဖြစ်စေရေး၊ မသမာမှုကင်းရှင်းသည့် ရွေးကောက်ပွဲဖြစ်စေရေး ဆောင်ရွက်သွားရမည်ဖြစ်လို့ မြန်မာအီလက်ထရောနစ်မဲပေးစက်(MEVM)များဖြင့် မဲပေးနိုင်ရေးစီမံ ဆောင်ရွက်လျက်ရှိတယ်လို့လည်း ဗိုလ်ချုပ်မှူးကြီးက အလေးပေးပြောဆိုပါတယ်။
▪️၂၀၂၅ ခုနှစ် ဒီဇင်ဘာ ၂၈ ရက်နေ့တွင် ပါတီစုံဒီမိုကရေစီအထွေထွေရွေးကောက်ပွဲ အပိုင်း၁ ကို စတင် ကျင်းပသွားမယ်လို့ ပြည်ထောင်စုရွေးကောက်ပွဲကော်မရှင်က ယနေ့ဩဂုတ် ၁၈ ရက်မနက်က ကြေညာ ခဲ့ပါတယ်။ဆက်လက်ကျင်းပမည့်အပိုင်းလိုက်နေ့ရက်များကိုထုတ်ပြန်ပေးသွားမယ်လို့လည်းရွေးကောက်ပွဲ ကော်မရှင်က ကြေညာခဲ့ပါတယ်။
▪️ဗိုလ်ချုပ်မှူးကြီးသည် မကွေးတိုင်းဒေသကြီးအတွင်း အသေး စား၊ အငယ်စားနှင့်အလတ်စားစီးပွားရေး (MSME)များ၊ စိုက်ပျိုးရေးနှင့်မွေးမြူရေးလုပ်ငန်းများ၊ ပညာရေးနှင့်ဒေသဖွံ့ဖြိုးရေးလုပ်ငန်းများကိုလည်း တက်ရောက်လာသည့် ဒေသခံများ၊ စီးပွားရေးလုပ်ငန်းရှင်များနှင့် ဆွေးနွေးမှုများပြုလုပ်ခဲ့တယ်လို့ အစိုးရရဲ့သတင်းထုတ်ပြန်ချက်အရသိရပါတယ်။
▪️အဆိုပါ တွေ့ဆုံပွဲသို့ နလအက ဥက္ကဋ္ဌနှင့်အတူ ကော်မရှင်အတွင်းရေးမှူး တွဲဖက်အမှုဆောင်ချုပ် ဗိုလ်ချုပ် ကြီးရဲဝင်းဦး၊ပြည်ထောင်စုဝန်ကြီးများ၊မကွေးတိုင်းဒေသကြီးဝန်ကြီးချုပ်၊အဆင့်မြင့်တပ်မတော် အရာရှိ ကြီးများ၊ အသေးစား၊ အငယ်စားနှင့် အလတ်စား စီးပွားရေး (MSME)လုပ်ငန်းရှင်များ တက်ရောက်ခဲ့ကြပါတယ်။
#ymg/knl
