#Local_News
Published_ 24 October 2023
ရန်ကုန်တိုင်းဒေသကြီး မရမ်းကုန်းမြို့နယ်၊ မြစံပယ်လမ်းဘေးတွင် အချင်းတန်းလန်းဖြင့် စွန့်ပစ်ခဲ့သည့် မွေးကင်းစ ကလေးငယ်ကို မခိုင်နှင်းဝေက ခေါ်ယူစောင့်ရှောက်ခဲ့ကြောင်း မခိုင်နှင်းဝေ၏ လူမှုကွန်ယက်စာမျက်နှာတွင် ဖေါ်ပြချက်အရ သိရသည်။
အဆိုပါ ကလေးငယ်ကို အောက်တိုဘာ ၂၃ ရက် ည ၉နာရီ ခန့်က အချင်းတန်းလန်းဖြင့် မွေးကင်းစမိန်းကလေးငယ်တစ်ဦးစွန်ပစ်ခံခဲ့ရကြောင်း မြန်မာကြယ်ဖြူလူမှုကူညီရေးအသင်းထံကို ရပ်ကွက်မှအကြောင်းကြားခဲ့ပြီး ယင်းလူမှုကူညီရေးအသင်းက မခိုင်နှင်းဝေထံ ဖုန်းဆက်အကြောင်းကြားခဲ့ရာ မခိုင်နှင်းဝေမှ ညတွင်းချင်း သွားရောက်ပြီး ကလေးငယ်ကို ကျန်းမာရေးစောင့်ရှောက်မှုများ ပြုလုပ်ခဲ့ကြောင်း သိရသည်။
ခိုင်နှင်းဝေရင်သွေးလေးများ ဂေဟာတွင် မခိုင်နှင်းဝေ စောင့်ရှောက်ပေးထားသည့် ကလေးငယ် ၉၃ ယောက်ရှိပြီး ယခု ကလေးငယ်မှာ ၉၄ယောက် ကလေးငယ်ဖြစ်ကြောင်း သိရသည်။
#Local_News #စွန့်ပစ်မွေးကင်းစကလေးငယ် #YMG/LW #Yangon_Times
