#Local_News
Published_ 10 May 2023
တရုတ်-မြန်မာနိုင်ငံတကာ ရထားလမ်းကြောင်းတွင် အင်တာနက်လွှမ်းခြုံမှု စီမံကိန်းစတင်တည်ဆောက်လျက်ရှိကြောင်း မြန်မာနိုင်ငံဆိုင်ရာတရုတ်သံရုံးမှ သိရသည်၊၊
အင်တာနက်လွှမ်းခြုံမှုစီမံကိန်း တည်ဆောက်ပြီးစီးပြီးနောက် အဆိုပါလမ်းပိုင်း၌ ရထားပြေးဆွဲဝန်ဆောင်မှုအဆင့်အတန်းအားများစွာ မြှင့်တင်ပေးနိုင်မည်ဖြစ်သည်ဟု ထုတ်ပြန်ချက်တွင်ပါရှိသည်၊၊
သံရုံးထုတ်ပြန်ချက်တွင် တရုတ်နိုင်ငံ ယူနန်ပြည်နယ်ရှိ တာလီ-ရွှေလီရထားလမ်းသည် တရုတ်-မြန်မာနိုင်ငံတကာ ရထားလမ်းကြောင်း၏ အရေးပါဖွဲ့စည်းပုံအစိတ်အပိုင်းဖြစ်ကြောင်း၊ မေလ ၈ ရက်နေ့တွင် တာလီ-ရွှေလီရထားလမ်း၏ တာလီ-ပေါင်စန်းလမ်းပိုင်း အင်တာနက်လွှမ်းခြုံမှုစီမံကိန်းအတွက် ပထမဆုံးညဘက်လမ်းပိတ်တည်ဆောက်မှုလုပ်ငန်းကိုစတင်ခဲ့ကြောင်း၊
ဝန်ထမ်းဦးရေဆယ်ချီသည် လိုဏ်ခေါင်းအတွင်းဝင်ရောက်၍ လမ်းကြောင်းတိုင်းတာခြင်းနှင့် အပေါက်ဖောက်ခြင်းလုပ်ငန်းများ စတင်လုပ်ဆောင်ခဲ့ရာ တာလီ-ရွှေလီရထားလမ်း တာလီ-ပေါင်စန်းလမ်းပိုင်း အင်တာနက်လွှမ်းခြုံမှုစီမံကိန်းသည် ဘက်စုံစတင်ဖော်ဆောင်သည့်အဆင့်သို့ ဝင်ရောက်နေပြီဖြစ်ကြောင်း ဖော်ပြနေကြောင်း၊
အဆိုပါ စီမံကိန်းတွင် လိုဏ်ခေါင်း ၂၁ ခု စုစုပေါင်းအရှည် ၁၀၃.၆၈ ကီလိုမီတာရှိသည့် China Mobile ၊ China Unicom 4G/5G အင်တာနက် Signal လွှမ်းခြုံမှု၊ ၁၃၃.၆၆ ကီလိုမီတာရှိသည့် လမ်းကြောင်းတစ်လျှောက် ပို့ဆောင်ရေးစီမံကိန်းစသည်တို့ ပါဝင်ကြောင်းဖော်ပြပါရှိသည်၊၊
#ymg/tthl #Local_News #တရုတ်-မြန်မာ #အင်တာနက်လွှမ်းခြုံမှုစီမံကိန်း
#YMG #Yangon_Media_Group
