#Local_News
Published_ 13 April 2023
ရှမ်းပြည်နယ်မြောက်ပိုင်း ၊ လားရှိုးဂိတ်အဝင် ရန်တိုင်းအောင်ဘုရားစတုဒီသာမဏ္ဍပ်ကို ယနေ့ သင်္ကြန်အကြိုနေ့ ဧပြီလ ၁၃ ရက် နံနက် ၁၁ နာရီ ၄၅ မိနစ်ခန့်က အမည်မသိ တစ်ဖွဲ့က ဗုံးခွဲခဲ့၍ လူအသေအပျောက် ရှိကြောင်း ကနဦး သတင်းရရှိသည်။
"ဗုံးကွဲတာ ဟုတ်တယ်။လူတွေ အသေအပျောက် ရှိတယ်လို့ ပြောနေကြတယ်။ဒဏ်ရာတော့ရတယ်တဲ့။ဒါပေမဲ့လည်း ကျွန်တော်တို့အနေနဲ့ မျက်မြင်မဟုတ်ပါဘူး။သေသူကို မမြင်မိဘူး။
ဗုံးပေါက်တာ ဟုတ်တယ်။ကယ်ဆယ်ရေး ကားတွေ သွားနေကြတယ်၊ဒဏ်ရာ ရတဲ့သူ ဘယ်လောက် ရှိလဲတော့ မသိရသေးဘူး"ဟု လာရှိုးမြို့ခံတစ်ဦးကပြောသည်။
ယင်းဖြစ်စဉ်နှင့် ပတ်သက်၍ နစက သတင်းထုတ်ပြန်ရေးအဖွဲ့ကို ဆက်သွယ်မေးမြန်းနေကြဆဲ ဖြစ်သည်။
ymg/mt
#Local_News #လားရှိုးဂိတ် #ရန်တိုင်းအောင်ဘုရားစတုဒီသာမဏ္ဍပ် # ဗုံးခွဲခံရ
#YMG #Yangon_Media_Group
