#Local_News
Published_ 18 March 2023
ပြည်ပပို့ကုန် မတ်ပဲ တစ်တန်လျင် ကျပ်သိန်း ၂၀ ကျော်အထိ ဈေးနှုန်း မြင့်တက်လာကြောင်း ရန်ကုန်ဘုရင့်နောင်ကုန်စည်ဒိုင်ဈေးနှုန်းအရ သိရသည်။
မတ်လဆန်းပိုင်းမှာ မတ်ပဲတစ်တန်ကို ကျပ် ၁၈ သိန်းကျော် ဈေးသာရှိခဲ့ပြီး မတ်လ ၁၆ ရက်မှာ မတ်ပဲတစ်တန် ကျပ် ၁၉၈၅၀၀၀၊ ယနေ့မတ်ပဲတစ်တန်လျင် ၂၂၉၃၀၀၀ ကျပ်ထိရှိကာ နှစ်ပတ်ကျော်ကာလအတွင်း ကျပ်တစ်သိန်းခွဲကျော် ဈေးနှုန်း မြင့်တက်လာခဲ့ခြင်းဖြစ်သည်။
အိန္ဒိယကို အဓိကတင်ပို့နေတဲ့ မတ်ပဲ၊ ပဲစဉ်းငုံနဲ့ ပဲတီစိမ်းဈေးနှုန်းတွေက အရင်နှစ်ကာလတူနဲ့ နှိုင်းယှဉ်ပါက ဈေးကောင်းရနေပြီး ယခင်နှစ်ကာလတူ အချိန်တွင် ပဲစဉ်းငုံနဲ့ မတ်ပဲ တစ်အိတ်ကို ကျပ်ငါးသောင်းဝန်းကျင်သာဈေးရသော်လည်း အခုနှစ်မှာ တစ်အိတ်ကိုကျပ် ခြောက်သောင်းကျော် ဝန်းကျင်ဈေးရလာကြောင်း သိရသည်။
အိန္ဒိယနိုင်ငံမှာ အခုနှစ်ပဲအထွက်နှုန်း လျော့ကျတဲ့အတွက် မြန်မာ့ပဲမျိုးစုံဝယ်ယူမှုက မြင့်တက်နေသလို ပြည်တွင်းပဲလက်ကျန်နည်းပါးမှု၊ ပဲအသစ်ထွက်ရှိမှုနှုန်းလျော့ကျမှုတို့ကြောင့်လည်း ဈေးပိုရနေကြောင်း သိရသည်။
#ymg/ppk #Local_News #မတ်ပဲ #Price
#YMG #Yangon_Media_Group
