#LocalNews
Published _29 January 2023
ထိုင်းနိုင်ငံတောင်ပိုင်း ရနောင်း လဝကအချုပ်ခန်း၌ အကျဉ်းကျခံပြီး ပြည်တော်ပြန်ရန်စောင့်နေသည့်မြန်မာလုပ်သား ၆၅၅ ဦး ဆန္ဒပြမှု ဇန်နဝါရီလ ၂၈ ရက်တွင်ဖြစ်ပွားခဲ့ကြောင်း သိရသည်။
"သူတို့က အကြောင်းအမျိုးမျိုးကြောင့် ပြစ်ဒဏ်ကျခံရပြီးပြီ။ဒါပေမဲ့ အခုထိ မြန်မာနိုင်ငံကို မပြန်ရသေးဘူး။ဒါကြောင့် ပြန်ခွင့်ရဖို့ တောင်းဆိုပြီးဆန္ဒပြကြတာလို့ သိရပါတယ်"ဟု ရနောင်းတွင် နေထိုင်းသည့် မြန်မာရွှေ့ပြောင်းလုပ်သားများအရေး ဆောင်ရွက်နေသူတစ်ဦးကပြောသည်။
အဆိုပါ ဆန္ဒပြမှုကြောင့် ထိုင်းနှင့် မြန်မာ နှစ်နိုင်ငံ တာဝန်ရှိသူများက ဆွေးနွေးနေကြကြောင်း၊သို့သော်လည်း ဆွေးနွေးမှုအကြောင်းအရာကို မသိရသေးကြောင်း ၎င်းက ဆိုသည်။
ပြီးခဲ့သည့် ၂၀၂၀ ပြည့်နှစ် နှစ်ဆန်းပိုင်းက ကိုဗစ်ကပ်ရောဂါဖြစ်ပွားချိန်မှ စ၍ ယခု ၂၀၂၃ ခုနှစ် ဇန်နဝါရီလ လကုန်ထိ အဆိုပါ အချုပ်တွင် ဆန္ဒပြမှုဖြစ်ပွားသည်မှာ နှစ်ကြိမ်ထက် မနည်းရှိနေပြီ ဖြစ်ကြောင်း သိရသည်။
ymg/mt
#Yangon_Media_Group
