#Local_News
Published_ 12 January 2023
ကိုဗစ်-၁၉ ရောဂါကြောင့် ၃ နှစ်ခန့်ကြာပိတ်ထားခဲ့ရသော ထိုင်း-မြန်မာ နယ်စပ်ရှိ မြဝတီ-မဲဆောက် အမှတ်(၁) တံတားကို ယနေ့ ဇန်နဝါရီလ ၁၂ ရက်တွင် ပြန်လည်ဖွင့်လှစ်ခဲ့ပြီဖြစ်ကြောင်း သိရသည်။
"မဲဆောက် - မြဝတီ ချစ်ကြည်ရေးအမှတ် ၁ တံတား ပြန်လည်ဖွင့်လှစ်နိုင်ဖို့အတွက် ထိုင်းနဲ့ မြန်မာတာဝန်ရှိသူတွေပြီးခဲ့တဲ့ ၂၀၂၂ ခုနှစ်ကပဲ ဆွေးနွေးခဲ့တာ။ ဟိုနေ့ဖွင့်မယ်၊ ဒီနေ့ဖွင့်မယ်နဲ့ တော်တော့ကို ကြာခဲ့ပါတယ်။ ဒီနေ့ကတော့ ဖွင့်ပါပြီ။ မဲဆောက်ကို သွားမယ့်သူတွေ အနေနဲ့ ကတ်လုပ်ပြီးတာနဲ့ သွားလို့ရပါပြီ"ဟု တံတားဖွင့်လှစ်ရေး တာဝန်ရှိသူကပြောသည်။
မြန်မာ - ထိုင်း အမှတ် (၁) ချစ်ကြည်ရေးတံတားသည် မြန်မာနိုင်ငံ မြဝတီမြို့နှင့် ထိုင်းနိုင်ငံ မဲဆောက်မြို့တို့ကို ဆက်သွယ်ရန် သောင်ရင်းမြစ်ပေါ်၌ ဆောက်လုပ်ထားသော တံတားဖြစ်သည်။ ၁၉၉၇ခုနှစ်တွင် စတင်တည်ဆောက်ခဲ့ပြီး ၄၂၀မီတာ (၁,၃၈၀ ပေ) ရှည်လျားကာ ၁၃မီတာ (၄၂ပေ ၈လက်မ) ကျယ်ဝန်းပြီး အရေးပါသော တံတားတစ်စင်းဖြစ်သည်။လွန်ခဲ့သော ၂၀၁၉ခုနှစ်က အမှတ် (၂)တံတားကို ဖွင့်လှစ်ခဲ့ပြီးနောက် အမှတ် (၁)တံတားမှ လူနှင့် ယာဉ်ငယ်များသာ ဖြတ်သန်းခွင့်ပေးတော့ကြောင်း သိရသည်။
#ymg/mt
#Yangon_Media_Group
