#Local _News
Published _ 21 November 2022
မန္တလေးမြို့၊ ပြည်ကြီးတံခွန်မြို့နယ် စက်မှုပန်းခြံအနီးတွင် အသက် ၇၈နှစ်အရွယ်ရှိ အဖိုးအိုတစ်ဦးဟာ အိမ်ကနေထွက်လာပြီး မျက်စိ
လည်ကာ ကားတစ်စီးရဲ့နောက်ကိုပြေးလိုက်ရင်း ကတ္တရာလမ်းမပေါ် လဲကျသွားကြောင်း သတင်းရရှိသဖြင့် ရွှေမဉ္ဇူပရိဟိတကူညီရေးအ သင်းရုံးသို့ ရပ်ကွက်နေပြည်သူများမှ လာရောက်အကူညီတောင်းခံခဲ့ကြောင်း သိရသည်။
ဖြစ်စဉ်မှာ ယနေ့ နိုဝင်ဘာလ ၂၁ရက် နံနက် ၁၁နာရီအချိန်တွင် ယင်းအဖိုးအိုသည် နေအိမ်ကနေလမ်းပျောက်နေပြီး အရှိန်ဖြင့်မောင်းနှင်လာသည့် ကားတစ်စီးရဲ့ အနောက်ကိုပြေးလိုက်ခဲ့သဖြင့် ချော်လဲကာ နှာခေါင်းကွဲဒဏ်ရာရရှိခဲ့ကြောင်း အသင်းမှ တာဝန်ရှိသူက YMG ကို ပြောခဲ့သည်။
"အဘကို ဒဏ်ရာရရှိတဲ့ နေရာတွေမှာ ရှေးဦးသူနာပြုစုနည်းတွေနဲ့ ပြုလုပ်ပေးပြီး အသင်းရုံးမှာခေါ်ယူစောင့်ရှောက်ထားပါတယ်။ အဘက စကား အမေးအမြန်းသိပ်မရတာကြောင့် မိသားစုနဲ့နေတဲ့နေရာကိုတော့ မသိရသေးဘူး။ အဘက ကျန်းမာရေးလဲ သိပ်မကောင်းတဲ့ပုံပေါက်နေပါတယ်။ မေးလို့ရသလောက်ကတော့ သူ့နာမ်မည်က ဦးမျိုးညွှန့်၊ ၇၈ နှစ် ပြည်ကြီးတံခွန်မြို့နယ် သင်ပန်းကုန်းရပ်မှာ နေတယ်လို့တော့ပြောပါတယ်" ဟု ရွှေမဉ္ဇူပရဟိတလူမှုကူညီရေးအသင်းရဲ့ တာဝန်ရှိသူက ဆိုသည်။
ယခုချိန်ထိ မိသားစုနှင့် ပြန်မတွေ့ရသေးဘဲ အသင်းမှ စောင့်ရှောက်ပေးလျှက်ရှိနေကြောင်းလည်း သိရသည်။
#ymg/NN
#Yangon_Media_Group
