#Local_News
Published_16 November 2022
လက်ရှိ၂၀၂၂ - ၂၀၂၃ ဘဏ္ဍာနှစ်အတွင်း ဧပြီလ ၁ ရက်မှ အောက်တိုဘာလကုန်ထိ ၇ လတာကာလအတွင်း မြန်မာနိုင်ငံ၏ နိုင်ငံခြားရင်းနှီးမြှုပ်နှံမှု ပမာဏ အမေရိကန်ဒေါ်လာသန်း ၁၄၀၀ ကျော် ရှိကြောင်း မြန်မာနိုင်ငံ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြား မှု ဦးစီးဌာန (DICA) ၏ စာရင်းများတွင် ဖော်ပြထားသည်။
၂၀၂၁ ခုနှစ် အောက်တိုဘာလမှ ၂၀၂၂ ခုနှစ် မတ်လကုန်အထိ မီနီဘတ်ဂျက်ကာလအတွင်း ပြည်ပရင်းနှီးမြှုပ်နှံမှုများထဲတွင် ဝန်ဆောင်မှုကဏ္ဍ၊ စက်မှုကဏ္ဍ အတွက် ရင်းနှီးမြှုပ်နှံမှု ကန်ဒေါ်လာ သန်း ၆၅၀ ခန့် ရှိခဲ့ကြောင်း လည်း အဆိုပါ စာရင်းများတွင် ဖော်ပြထားသည်။
ယင်းတွင် စွမ်းအင်ကဏ္ဍ ရင်းနှီးမြှုပ်နှံမှု ကန်ဒေါ်လာ သန်း ၈၁၀ ကျော်၊ဝန်ဆောင်မှုကဏ္ဍ ရင်းနှီးမြှုပ်နှံမှု ကန်ဒေါ်လာသန်း ၄၁၀ ကျော် နှင့် ကုန်ထုတ်လုပ်မှုကဏ္ဍ ရင်းနှီးမြှုပ်နှံမှု မှာ ကန်ဒေါ်လာ သန်း ၁၈၀ ခန့်ထိ ရှိခဲ့ကြောင်း၊စင်္ကာပူနိုင်ငံက လုပ်ငန်း ၁၄ ခု ၊ တရုတ်ကလုပ်ငန်း ၂၂ ခု ရှိကြောင်းလည်း အဆိုပါ စာရင်းများတွင် ဖော်ပြထားသည်။
#ymg/mt
#Yangon_Media_Group
