#Local_News
Published _ 2 November 2022
၂၀၀၃ ခုနှစ်အောက် Model ကားများ ဖျက်သိမ်းမည်ဆိုသည့်သတင်းမှာ မဟုတ်မှန်ကြောင်း ကုန်းလမ်းပို့ဆောင်ရေးညွှန်ကြားမှု ဦးစီးဌာန(ကညန)မှ ထုတ်ပြန်ခဲ့သည်။
လူမှုကွန်ရက်စာမျက်နှာများတွင် ပြီးခဲ့သည့် အောက်တိုဘာလ ၂၉ ရက် ရက်စွဲဖြင့် ၂၀၀၃ ခုနှစ်အောက် အက္ခရာ(ဃ)တန်းအထိ မည်သည့် ကားအမျိုးအစားကိုမဆို အပ်ကားစာရင်းနှင့် ဖျက်သိမ်းခြင်းပြု၊ မပြုကို ယခုနှစ် နိုဝင်ဘာလဆန်းပိုင်းနောက်တွင် ပြန်လည်စိစစ်သုံးသပ်သွားမည်ဆိုသည့် ထုတ်ပြန်ချက်တစ်စောင်ထွက်ပေါ်ခဲ့ခြင်းဖြစ်ပြီး အဆိုပါ ထုတ်ပြန်စာမှာ ယာဉ်ပိုင်ရှင်များ စိတ်အနှောင့်အယှက်ဖြစ်စေရန် ပြုလုပ်ထားသည့် သတင်းအမှားသာဖြစ်ကြောင်း ပါရှိသည်။
ဒါ့အပြင် ကညနမှ မော်တော်ယာဉ်များ ယာဉ်အို၊ ယာဉ်ဟောင်းအပ်နှံရာတွင် ယာဉ်ကြံ့ခိုင်မှုရှိပါက ပိုင်ရှင်၏သဘောဆန်ဒအရ ဆက်လက်အသုံး ပြုခွင့်ပေးထားကာ ယာဉ်အမှတ် က/ခ/ဂ/ဃ နှင့် င တို့ကိုလည်း နံပါတ်အသစ်များ အစားထိုးပေးပြီးဖြစ်၍ မှတ်ပုံတင်ထားမှုမရှိတော့ကြောင်း ထုတ်ပြန်ချက်တွင် ဖော်ပြထားရှိသည်။
ဆက်လက်ပြီး ယာဉ်ပိုင်ရှင်များအနေဖြင့် မှတ်ပုံတင်ထားသည့် ယာဉ်များကို မိမိ ဆန္ဒအလျောက် အသုံးပြုနိုင်ကြောင်းလည်း ထုတ်ပြန်ချက်၌ ရေးသားထားသည်။
#ymg/NN
#Yangon_Media_Group
