#Local_News
Published _2 November 2022
ရန်ကုန်မြို့တွင် ပထမဆုံး ပြုလုပ်မည့် ရေပေါ်ညဈေးကို အကြောင်းကြောင်းကြောင့် ယာယီဆိုင်းငံ့ထားလိုက်ရကြောင်း အဆိုပါ ရေပေါ်ညဈေးနှင့်ဈေးပွဲတော်ကို ပြုလုပ်ရန် စီစဉ်ခဲ့သည့် တော်ဝင်ချမ်းသာကုမ္ပဏီ၏ တာဝန်ရှိသူက ပြောသည်။
"လောလောဆယ် မလုပ်ဖြစ်တော့ဘူး။ ပထမတုန်းက အောက်တိုဘာလ ၃၁ ရက်ကို လုပ်မလို့၊ နောက်တော့ရက်တွေ ရွှေ့ပါသေးတယ်။ အခုကတော့ ယာယီဆိုင်းငံ့ ဖြစ်သွားတာပေါ့"ဟု ယင်းကပြောသည်။
အဆိုပါ ညဈေးကို ပြုလုပ်ပါက တိုင်းဒေသကြီးပြည်နယ်များကို ကိုယ်စားပြုသော လှေ ၁၄ စီး ပါဝင်မည်ဖြစ်ပြီး ညဈေးကို ဗိုလ်တထောင်ဘုရားအနီး Love Boat ကို မျက်နှာမူကာ ဖြတ်လျှောက်သွားည့် တံတားဘယ်ဘက် ရေပြင်ဧရိယာအတွင်း ပြုလုပ်ရန် စီစဉ်ထားခဲ့ခြင်းလည်း ဖြစ်သည်။
မူလက စီစဉ်ရာတွင် တံတားနှင့် ဆိပ်ခံဘောတံတားပေါ်တွင် လှည်းအိမ်ပုံစံ ၅ ပေ အကျယ်ရှိ ဆိုင်ခန်း ၃၉ ခန်းကို စီစဉ်ခဲ့ကြောင်းနှင့် ရည်ရွယ်ချက်မှာတိုင်းရင်းသားယဉ်ကျေးမှုကို ဖော်ထုတ်ပြသရန် ၊ တိုင်းရင်းသား အချင်းချင်း ချစ်ကြည်ရင်းနှီးမှုရရှိစေရန် ဖြစ်ကြောင်း သိရသည်။
#ymg/mt
#Yangon_Media_Group
