#Local_News
Published - 3 September 2022
လယ်ယာသုံး စက်ပစ္စည်းကိရိယာများနှင့် ပတ်သက်သည့် သွင်းကုန်များကို ပြည်ပမှတင်သွင်းရာတွင် သွင်းကုန်လိုင်စင်လျှောက်ထားရန်မလိုအပ်ကြောင်း အကောက်ခွန်ဦးစီးဌာနမှ ကြေညာထားသည်။
ယခုလမှစတင် ပြီး လယ်ယာသုံး စက်ပစ္စည်းကိရိယာနှင့် အကျုံးဝင်သည့် ကုန်စည်အမျိုးအစား ၇၀ ကို ပြည်ပမှ တင်သွင်းရာတွင် သွင်းကုန်လိုင်စင်လျှောက်ထားရန် မလိုအပ်ဘဲ တင်သွင်းခွင့်ပြုသွားမည်ဖြစ်ကြောင်း သိရသည်။
လယ်ယာသုံးစက်ကိရိယာ တင်သွင်းမှု လွယ်ကူချောမွေ့စေရေးအတွက် ယခုလို ခွင့်ပြုပေးခဲ့ခြင်းဖြစ်ကြောင်း အကောက်အခွန်ဦးစီးဌာနက ကြေညာထားသည်။
လယ်ယာသုံးစက်ပစ္စည်းကိရိယာတွေနှင့် အကျုံးဝင်သည့် အကောက်အခွန်နှုန်းလိုင်း ၇၀ ကို လိုင်စင်မလိုအပ်သော အကောက်အခွန်လိုင်းတွေအဖြစ် အကောက်အခွန်စနစ်မှာ ထားရှိပြီးဖြစ်ကြောင်း အကောက်ခွန်ဦးစီးဌာနက ထုတ်ပြန်ခဲ့သည်။
#ymg/sth
#Yangon_Media_Group
