#Local_News
Published_12 August 2022
မလေးရှာထိန်းသိမ်းရေးစခန်းများမှ မြန်မာနိုင်ငံသား ၆၄ ဦး ပြည်တော်ပြန်ခွင့်ထပ်မံ ရရှိခဲ့ကြောင်း မလေးရှားနိုင်ငံဆိုင်ရာ ကွာလာလမ်ပူမြို့ မြန်မာသံရုံးက သိရသည်။
ယင်းတို့အနေဖြင့် အကြောင်းအမျိုးမျိုးကြောင့် ပြစ်ဒဏ်ကျခံပြီး၍ မလေးရှားနိုင်ငံ Bidor ထိန်းသိမ်းရေးစခန်း၊ Perlis ထိန်းသိမ်းရေးစခန်း၊ Juru ထိန်းသိမ်းရေးစခန်းများတွင် ထိန်းသိမ်းခံထားရသူများ ဖြစ်ကြောင်း၊သြဂုတ်လ ၁၁ ရက်က မြန်မာနိုင်ငံသို့ မြန်မာ့အပြည်ပြည်ဆိုင်ရာ လေကြောင်းလိုင်း (MAI) ကယ်ဆယ်ရေးလေယာဉ်ဖြင့် ပြန်ခွင့် ရခဲ့ကြကြောင်း သိရသည်။
အဆိုပါ ထိန်းသိမ်းရေးစခန်းများတွင် မြန်မာနိုင်ငံသားဖြစ်ကြောင်း စိစစ်မှန်ကန်သူများအား ဦးစားပေးအစီအစဉ်ဖြင့် မြန်မာသံရုံးက နေရပ်ပြန်နိုင်ရေး ကူညီဆောင်ရွက်ပေးနေကြောင်းလည်း သိရသည်။
ymg/mt
#Yangon_Media_Group
