#Local_News
Published _ 22 July 2022
တရုတ်နိုင်ငံကို မူဆယ်နယ်စပ်မှတဆင့် မြန်မာ့ရေထွက်ကုန် ကဏန်းနှင့် ငါးရှဉ့်များ ပြန်လည်တင်ပို့နေပြီဖြစ်ကြောင်း နယ်စပ်ဒေသရှိ ကုန်သည်များထံမှ သိရသည်။
COVID 19 ကူးစက်မှုနှင့် အခြားသောကန့်သတ်ချက် အခြေအနေများကြောင့် မူဆယ် (၁၀၅)မိုင် ကုန်သွယ်ရေး ဇုန်မှတဆင့် တရုတ်နိုင်ငံသို့ မြန်မာ့ပို့ကုန်ပစ္စည်းများ တင်ပို့မှုအား ယာယီရပ်ဆိုင်းခဲ့ရပြီး ကဏန်း၊ ငါးရှဉ့်တင်ပို့မှုအား ဇွန်လ ၂၀ ရက်မှစပြီး ပြန်လည်တင်ပို့နိုင်ခဲ့ခြင်းဖြစ်ကြောင်း သိရသည်။
မြန်မာ့ရေထွက်ကုန် ကဏန်းနှင့် ငါးရှဉ့်များတင်ပို့ရာတွင် ဇွန်လ ၂၀ရက်မှ ၂၇ ရက်အထိ ကဏန်းတန်ချိန် ၁၂၉ ဒသမ ၂၄၉ တန်၊ တန်ဖိုးအမေရိကန် ဒေါ်လာ သုည ဒသမ ၆၄၆ သန်း၊ ငါးရှဉ့်တန်ချိန် ၂၀ ဒသမ ၈၀ဝ တန်၊ တန်ဖိုး အမေရိကန်ဒေါ်လာ သုညဒသမ သုည ၈၃ သန်း တင်ပို့နိုင်ခဲ့ကြောင်း သိရသည်။
ymg/NN
#Yangon_Media_Group
