#Local_News
Published_15 July 2022
မန္တလေးမြို့၊ ပြည်ကြီးတံခွန်မြို့နယ်၊ (ဇ)ရပ်ကွက်၊ ၇၈ လမ်း၊ ၁၃၃လမ်းနှင့် ၁၃၄ လမ်းကြား၊ စက်မှုပန်းခြံအနီးရှိ ကမ္ဘောဇဘဏ် ဘဏ်ခွဲ (၄၂) ကို ယနေ့ (ဇူလိုင်လ ၁၅ ရက်) နေ့လယ်ပိုင်းက အမည်မသိအမျိုးသားနှစ်ဦးက လာရောက်ဓားပြတိုက်ခဲ့ခြင်း ဒေသခံများက ပြောသည်။
အမည်မသိ ဓားပြတိုက်သူများက ဆိုင်ကယ်များဖြင့် ရောက်ရှိလာကာ ဘဏ်အတွင်းဝင်ရောက်၍ သေနတ်ဖြင့်ချိန်ပြီး "အားလုံးမှောက်နေ"ဟု ပြော၍ ဘဏ်စားပွဲပေါ်မှ ငွေသားသိန်း ၁၈၀၀ ခန့်ကို ယူဆောင်သည့်အပြင် ဘဏ်သုံးကွန်ပျူတာနှစ်လုံးကိုလည်း ဖိုက်ဘာအရိုး ၂ ပေခန့်ရှိ ပုစိန်ဖြင့် ရိုက်ထုဖျက်ဆီးသွားကြောင်း၊ ယင်းအပြင် ကွန်ကျူးပိုက်ဖြင့်ပြုလုပ်ထားသော လက်လုပ်မိုင်း ၁ လုံးကိုလည်း မှန်ကောင်တာပေါ်တင်ထားခဲ့ပြီး ထွက်ပြေးသွားခဲ့ကြောင်း သိရသည်။
လက်ရှိတွင် သက်ဆိုင်ရာက အဆိုပါ ဓားပြမှုတွင်ပါဝင်သူများအား ဖမ်းဆီးရမိရေး လုပ်ဆောင်နေကြကြောင်း သိရသည်။
ymg/mt
#Yangon_Media_Group
