#Local_News
Published _ 4 July 2022
စက်သုံးဆီ အမျိုးမျိုးကို ပြည်တွင်း၌ ပိုမိုထုတ်လုပ်နိုင်ရေးအား အလေးထားလုပ် ဆောင်ကြရန် အမှတ် (၁) ရေနံချက် စက်ရုံ(သန်လျင်)မှ တာဝန်ရှိသူများကို လျှပ်စစ်စွမ်းအားဝန်ကြီးဌာနနှင့် စွမ်းအင်ဝန်ကြီးဌာန ပြည်ထောင်စုဝန်ကြီးက မှာကြားခဲ့သည်။
ဇူလိုင်လ ၃ရက်က ယင်းစက်ရုံသို့ သွားရောက်ကြည့်ရှုစဉ် ယခုလို ပြောကြားခဲ့ခြင်းဖြစ်သည်။
"စက်သုံးဆီ အမျိုးမျိုးကို ပြည်တွင်း၌ ပိုမိုတိုးတက်ထုတ်လုပ်နိုင်ရေး ဆောင်ရွက်သွားရန် လိုအပ်ပါတယ်။ ရင်းနှီးမြှုပ်နှံသူတွေကိုလည်း ထပ်မံဖိတ်ခေါ်သွားဖို့ လိုပါတယ်" ဟု ဝန်ကြီးဦးသောင်းဟန်က ပြောသည်။
ယင်းပြင် သန်လျင်ရေနံချက်စက်ရုံ ဆိပ်ကမ်းတွင် ရေနံစိမ်းသင်္ဘောများ ဆိုက်ကပ်နိုင်မည့် အခြေအနေကိုလည်း သက်ဆိုင်ရာဝန်ကြီးဌာနများနှင့် ပူးပေါင်းလေ့လာ၍ တင် ပြသွားရန် ဖြစ်ကြောင်းမှာကြားခဲ့သည်။
Mono-grade အဆင့်မှ Multi-grade အ ဆင့်ရှိသော စက်ဆီ၊ ချောဆီများ ထုတ်လုပ်ဖြန့်ဖြူးပေးနိုင်ရေး ဆောင်ရွက်သွားရမည်ဖြစ်ပြီး စီးပွားရေးတွက်ချေကိုက်မှုရှိစေရေးအတွက် ပုဂ္ဂလိကလုပ်ငန်းရှင်များအနေဖြင့် ပြည်ပမှကုန်ကြမ်းတင်သွင်းကာ ဝန်ဆောင်ခ ပေးချေသောစနစ်ဖြင့် စက်ဆီ၊ ချောဆီရော စပ်ထုတ်လုပ်ဖြန့်ဖြူးခြင်းကိုလည်း ဖိတ်ခေါ်ဆောင်ရွက်သွားမည်ဟု ယင်းမှသိရသည်။
ymg/NN
#Yangon_Media_Group
