#LocalNews
Published -27 Feb 2022
ဖေဖော်ဝါရီလ ၂၇ ရက်နေ့ ယနေ့ နံနက်ပိုင်းက မုံရွာ -ဘုတလင် ကားလမ်းမပေါ်တွင် ကုန်တင်ယာဉ်နဲ့ ခရီးသည်တင်ယာဉ်တိုက်မိခဲ့ပြီး ယာဉ်တိုက်မှုကြောင့် ၂ ဦးသေဆုံးခဲ့တယ်လို့ သိရပါတယ်။
ဖြစ်စဉ်မှာ ယနေ့ နံနက် ၁၀ နာရီ မိနစ် ၃၀ အချိန်ခန့်က မုံရွာ -ဘုတလင်လမ်း ဘုတလင်မြို့အဝင် Denko ဆီဆိုင်အနီးတွင် ခရီးသည်တင်ယာဉ် တစ်စီးနှင့် ကုန်တင်ကားတစ်စီး တိုက်မှု ဖြစ်ပွားကာ ဒဏ်ရာရ လူနာများရှိကြောင်း တာဝန်သိပြည်သူတစ်ဦးမှ ဖုန်းဆက်အကြောင်းကြားမှုအရ လူမှုကူညီရေးအသင်း မုံရွာမှ ကယ်ဆယ်ရေးယာဉ် (၂)စီး လူနာတင်ယာဉ် (၃)စီး စုစုပေါင်း (၅)စီး ထွက်ခွာကာသွားရောက်ကူညီခဲ့တယ်လို့ သိရပါတယ်။
အဆိုပါယာဉ်တိုက်မှုကြောင့် အမျိုးသား (၂)ဦးသေဆုံးကာ (၃)ဦးဒဏ်ရာရရှိခဲ့ပြီး ၎င်းတို့ကိုဘုတလင်မီးသတ်တပ်ဖွဲ့နဲ့အတူ အနီးကျေးရွာမှ လူမှူကူညီရေးအသင်းများနှင့် ပူးပေါင်းကာဘုတလင်ဆေးရုံသို့ ပို့ဆောင်ပြီး သေဆုံးသူအမျိုးသားအလောင်းတစ်လောင်းအား မုံရွာ နေအိမ်သို့ ပို့ဆောင်ခဲ့တယ်လို့ သိရပါတယ်။
Photo-မြန်မာနိုင်ငံလူမှုကယ်ဆယ်ရေးအဖွဲ့
မုံရွာမြို့နယ်ရုံး
ymg/hm
#Yangon_Media_Group
