မိတ္ထီလာမြို့နယ်တွင် ရာဇဝတ်ကျင့်ထုံးဥပဒေပုဒ်မ ၁၄၄ အရ အမိန့်တစ်ရပ်ကို မြို့နယ်အုပ်ချုပ်ရေးမှူးက ယနေ့လက်မှတ်ထိုး ထုတ်ပြန်လိုက်တယ်လို့ သတင်းရရှိပါတယ်။

 

“ယခုအခါမိတ္ထီလာမြို့နယ်၊ နယ်နမိတ်အတွင်း လူအချို့သည် အများပြည်သူတို့၏ လုံခြုံရေးနှင့် တရားဥပဒေစိုးမိုးရေးကို ထိခိုက်ပျက်ပြားစေရန် ပြုမူဆောင်ရွက်နေကြောင်းတွေ့ရှိရပါသည်” လို့ အမိန့်ထုတ်ပြန် ချက်မှာဖော်ပြပါရှိပါတယ်။

 

===========

အဲသလိုပြုမူဆောင်ရွက်နေတာဟာ တရားဥပဒေစိုးမိုးရေးနှင့် ရပ်ရွာအေးချမ်းသာယာရေးကို ထိခိုက်စေတဲ့အပြင် ရုန်းရင်းဆန်ခတ်မှုများ ဖြစ်ပွားစေနိုင်တယ်လို့ ယုံကြည်ယူဆရလို့ ဒီအမိန့်ကိုထုတ်တာလို့ ဆိုပါတယ်။ ဒီအမိန့်အရ မိတ္ထီလာမြို့နယ်အတွင်း စုဝေးခြင်း၊ ဟောပြောခြင်း၊ ယဉ်တစ်မျိုးမျိုးကို အသုံးပြု၍ဖြစ်စေ၊ လူကိုယ်တိုင်ဖြစ်စေ စီတန်းလှည့်လည်ခြင်း၊ လှုံ့ဆော်ဆန္ဒပြခြင်း၊ ဖျက်ဆီးခြင်းနှင့် ရုန်းရင်းဆန်ခတ်မှုတွေကို မပြုလုပ်ဖို့ တားမြစ်လိုက်တယ်လို့ အမိန့်မှာဖော်ပြပါရှိပါတယ်။