စက်သုံးဆီဝယ်ယူရာမှာ ပိုမိုအဆင်ပြေချောမွေ့စေရေးအတွက် ရောင်းချတဲ့စနစ်ကို အဆင့်မြှင့်တင်ဆောင်ရွက်သွားမည်ဖြစ်ရာ Bar Code/ QR Codeစနစ်ဖြင့် စက်သုံးဆီဝယ်ယူခြင်းကို ပုသိမ်မြို့နှင့်ရန်ကုန်-ပြည်-မကွေး လမ်းမကြီး တစ်လျှောက်ရှိမြို့တွေမှာ ယခုသီတင်းပတ်အတွင်း အသုံးပြုနိုင်တော့မှာဖြစ်တယ်လို့စွမ်းအင်ဝန်ကြီးဌာနက အသိပေးထုတ်ပြန်ထားပါတယ်။

#Local_News
Published 03 April 2026
#Bar_Code/QR_Code #ပုသိမ်မြို့
#YMG/SW #Yangon_Times

မြန်မာနိုင်ငံတော်ဗဟိုဘဏ်အနေနဲ့ ယခုလအတွင်း နိုင်ငံခြားငွေကြေးဈေးကွက်အတွင်း စက်သုံးဆီလုပ်ငန်းရှင်များအတွက် ယခုလအတွင်းပထမအကြိမ်အဖြစ်အမေရိကန်ဒေါ်လာ ၄၉ သန်း ရောင်းချပေးမယ်လို့ ဗဟိုဘဏ်က ယမန်နေ့ရက်စွဲနဲ့ထုတ်ပြန်ထားပါတယ်။

#Local_News
Published 03 April 2026
#စက်သုံးဆီ #မြန်မာနိုင်ငံတော်ဗဟိုဘဏ်
#YMG/SW #Yangon_Times

ခရီးသွားပြည်သူများ အဆင်ပြေစွာသွားလာနိုင်ဖို့နဲ့ ကုန်စည်များဈေးနှုန်းသက်သာစွာ သယ်ယူပို့ဆောင်နိုင်ဖို့ ပါဆယ်ရထားတွေကို တိုးချဲ့ချိတ်ဆက်ပြေးဆွဲသွားမယ်လို့ မြန်မာ့မီးရထားကနေသိရပါတယ်။

#Local_News
Published 03 April 2026
#ပါဆယ်ရထား #မြန်မာ့မီးရထား
#YMG/NN #Yangon_Times

အခု တစ်ပတ်အတွက် စက်သုံးဆီရည်ညွှန်းဈေးတွေမှာ ဓာတ်ဆီ95 ဈေးပြန်လည်ကျဆင်းလာပြီးကျန်စက်သုံးဆီဈေးအားလုံး ဆက်လက်မြင့်တက်လာတယ်လို့စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ ဒီကနေ့ထုတ်ပြန်တဲ့စာရင်းတွေအရ သိရပါတယ်။

#Local_News
Published 03 April 2026
#စက်သုံးဆီ
#YMG/NN #Yangon_Times

#Daily_News
Published 03 April 2026

၁။‌ Bar Code/ QR Codeစနစ်ဖြင့် စက်သုံးဆီဝယ်ယူခြင်းကို ပုသိမ်နှင့်ရန်ကုန်-ပြည်-မကွေး လမ်းမကြီးတစ်လျှောက်ရှိ မြို့များတွင်အသုံးပြုနိုင်တော့မည်

‌‎၂။ ‌‌‌‌‌‌‌‌‌‌‌စက်သုံးဆီလုပ်ငန်းရှင်များအတွက် ယခုလအတွင်းပထမအကြိမ်အဖြစ်ကန်ဒေါ်လာ(၄၉)သန်း ရောင်းချပေးမည်

‎၃။‌‌‎ ‌‌‌‌‌‌‌‌‌ကုန်စည်ပို့ဆောင်မှု လွယ်ကူ‌ရန်နှင့်သယ်ဆောင်စရိတ်လျှော့ချရန် ပါဆယ်ရထားများ တိုးချဲ့ပြေးဆွဲမည်

၄။‎ အဆင့်မြင့်စမတ်နည်းပညာများဖြင့် လယ်ယာစိုက်ပျိုးရေးကဏ္ဍကို တရုတ်အဆင့်မြှင့်တင်လုပ်ဆောင်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 03 April 2026

■ ရွှေညောင်ဘဝသံသရာတံတားနှင့် တောင်ကြီးဘဝသံသရာတံတားတို့၏ ကွေ့နှစ်ခုနှိုင်းယှဉ်သုံးသပ်ချက်များအပါအဝင် အရှိန်အဟုန်ဖြင့် ပြောင်းလဲနေသော မြန်မာ့မီးရထားအတွက် ခေတ်မီစက်ယန္တရားများဖြင့် လမ်းပြုပြင်ထိန်းသိမ်းမှုကဏ္ဍများအား ဆွေးနွေးခဲ့ကြောင်း
ပို့ဆောင်ရေးနှင့်ဆက်သွယ်ရေးဝန်ကြီးဌာန မြန်မာ့မီးရထားမှ သိရသည်။

■ ပို့ဆောင်ရေးနှင့်ဆက်သွယ်ရေးဝန်ကြီးဌာန မြန်မာ့မီးရထားသည် နိုင်ငံတော်ယာယီသမ္မတ၏ လမ်းညွှန်မှာကြားချက်အရ ရထားလမ်းပြုပြင်ထိန်းသိမ်းခြင်း လုပ်ငန်းနည်းပညာဆိုင်ရာ အထောက်အကူပြုအလုပ်ရုံဆွေးနွေးပွဲကို ယမာန်နေ့မနက်ပိုင်းက မြန်မာ့မီးရထားရုံးချုပ် နေပြည်တော်ဘူတာကြီးဝင်းအတွင်းရှိ ဘဝသံသရာခန်းမ၌ ကျင်းပသည်။

■ အဆိုပါ အခမ်းအနားသို့ ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယဝန်ကြီး ဦးအောင်မြိုင်၊ မြန်မာ့မီးရထားဦးဆောင်ညွှန်ကြားရေးမှူးနှင့် အထွေထွေမန်နေဂျာများ၊ အရာထမ်းအမှုထမ်းများနှင့် မြန်မာ့မီးရထားတိုင်းအသီးသီးမှ အရာထမ်းအမှုထမ်းများကလည်း Online ဖြင့် တက်ရောက်ကြသည်။

■ ဒုတိယဝန်ကြီးက ရထားလမ်းပြုပြင် ထိန်းသိမ်းခြင်းလုပ်ငန်း နည်းပညာဆိုင်ရာ အထောက်အကူပြု အလုပ်ရုံဆွေးနွေးပွဲသို့ တက်ရောက်သူများကို အမှာစကားပြောကြားသည်။

■ ထို့နောက် ရထားလမ်းပြုပြင်ထိန်းသိမ်းခြင်းလုပ်ငန်းနှင့် ပတ်သက်၍လည်းကောင်း၊ ရွှေညောင်ဘဝသံသရာတံတားနှင့် တောင်ကြီးဘဝသံသရာတံတားတို့၏ ကွေ့နှစ်ခုနှိုင်းယှဉ်သုံးသပ်ချက်နှင့် ပတ်သက်၍လည်းကောင်း၊ ရန်ကုန်မြို့ပတ်ရထားလမ်း၏ မြို့ပြအင်ဂျင်နီယာပိုင်းဆိုင်ရာလုပ်ငန်းများ ပြုပြင်ဆောင်ရွက်ခဲ့မှု အခြေအနေများနှင့် ပတ်သက်၍လည်းကောင်း၊ အရှိန်အဟုန်ဖြင့် ပြောင်းလဲနေသော မြန်မာ့မီးရထားအတွက် ခေတ်မီစက်ယန္တရားများဖြင့် လမ်းပြုပြင်ထိန်းသိမ်းမှုကဏ္ဍ ခေါင်းစဉ်ဖြင့်လည်းကောင်း ဌာနအလိုက် သက်ဆိုင်ရာအင်ဂျင်နီယာများက ဆွေးနွေးကြပြီး ဒုတိယဝန်ကြီးက ရထားလမ်းပြုပြင်ထိန်းသိမ်းခြင်း လုပ်ငန်းနည်းပညာဆိုင်ရာ အထောက်အကူပြု အလုပ်ရုံဆွေးနွေးပွဲများကို ပုံမှန်ပြုလုပ်သွားကြရန် မှာကြားသည်။

■ ဆွေးနွေးတင်ပြချက်များအပေါ် အလုပ်ရုံဆွေးနွေးပွဲသို့ တက်ရောက်လာသူများ၏ မေးမြန်းချက်များ ပြန်လည်ဆွေးနွေးသည်။

■ ရထားလမ်းပြုပြင်ထိန်းသိမ်းခြင်းလုပ်ငန်းနည်းပညာဆိုင်ရာ အထောက်အကူပြု အလုပ်ရုံဆွေးနွေးပွဲသို့ အရာထမ်းအမှုထမ်း ၉၀ တက်ရောက်ခဲ့ကြကြောင်း သိရသည်။

#YMG/NN #Yangon_Times