#Local_News
Published 17 May 2025

▪️ တရုတ်-မြန်မာနယ်စပ် ယူနန်ပြည်နယ် တယ်ဟုန်းပြည်နယ်ခွဲရှိ ရွှေလီမြို့ သက်မွေးပညာ အထက်တန်းကျောင်းတွင် မြန်မာနိုင်ငံမှ ကျောင်းသား ၈၈ ဦးတို့က ပညာသင်ယူကာ သက်မွေးပညာစွမ်းရည်များကိုမြှင့်တင်နေကြကြောင်း မြန်မာ နိုင်ငံဆိုင်ရာ တရုတ်သံရုံးမှ သတင်းထုတ်ပြန်ထားသည်။

▪️ အဆိုပါ ကျောင်းသားကျောင်းသူများသည် တရုတ်-မြန်မာ ပညာရေးကူးလူး ဖလှယ်ရေးအစီအစဉ်၏ ပထမဆုံးအသုတ် အကျိုးခံစားခွင့် ရသူများအနေဖြင့် အသက်မွေးဝမ်းကျောင်းပညာရပ်များကို စာတွေ့၊လက်တွေ့ သင်ကြားနေသူများဖြစ်ကြောင်း သိရသည်။

▪️ လက်ရှိတွင် ရွှေလီမြို့သက်မွေးပညာအထက်တန်းကျောင်းနှင့် မြန်မာနိုင်ငံ ရန်ကုန်မြို့ရှိ GESC တရုတ်စာသင်ကျောင်းအပါအဝင် ပညာရေးအဖွဲ့အစည်းများနှင့် ပုံမှန်ပူးပေါင်းဆောင်ရွက်မှုယန္တရားကို တည်ဆောက်ထားပြီး နိုင်ငံတကာကျောင်းသားများအတွက် သုံးဖက်မြင်လေ့ကျင့်သင်ကြားရေးစနစ်ကို တည်ဆောက်ပေးထားကြောင်း ထုတ်ပြန်ချက်တွင်ဖော်ပြထားသည်။

#YMG/SW #Yangon_Times

မြေလွတ်၊ မြေလပ်နဲ့ မြေရိုင်းများ လုပ်ပိုင်ခွင့်နဲ့အသုံးပြုခွင့်အတွက်ပေးသွင်းရတဲ့ အာမခံကြေးတွေကို မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးဗဟိုကော်မတီက ပြောင်းလဲသတ်မှတ်လိုက်ပါတယ်။
#Local_News
Published 17 May 2025
#မြေလွတ်မြေရိုင်း #အာမခံကြေးပြင်ဆင်
#YMG/NN #Yangon_Times

ငွေကြေးအရင်းအနှီးလိုအပ်‌နေတဲ့ ဆီစက်ပိုင်ရှင်တွေအတွက် တစ်ဦးကို ငွေကျပ်သိန်းငါးထောင်အထိ ထုတ်ချေးပေးသွားမယ်လို့ နိုင်ငံပိုင်သတင်းစာတွေကတဆင့် အသိပေးထားပါတယ်။
#Local_News
Published 17 May 2025
#ဆီစက်ပိုင်ရှင် #ချေးငွေထုတ်ပေး
#YMG/SW #Yangon_Times

အလုပ်အကိုင်အခွင့်အလမ်းပေါင်း ၉၀၀ ကျော်ကို ဖန်တီးပေးနိုင်မယ့် အမေရိကန်ဒေါ်လာ ၃၅သန်းကျော်နဲ့ ကျပ်ငွေသန်းပေါင်းသုံးသောင်းကျော်တန်ဖိုးရှိတဲ့ နိုင်ငံခြားနဲ့  ပြည်တွင်းရင်းနှီးမြှုပ်နှံမှုလုပ်ငန်းအသစ် ၉ ခုကို မြန်မာနိုင်ငံရင်းနှီးမြှုပ်နှံမှုကော်မရှင် MIC က ခွင့်ပြုခဲ့တယ်လို့ သိရပါတယ်။
#Local_News
Published 17 May 2025
#လုပ်ငန်းအသစ်၉ခု #MICခွင့်ပြု
#YMG/NN #Yangon_Times

တိုင်းဒေသကြီးနဲ့ ပြည်နယ်တွေအားလုံးမှာ လာမယ့်မေလ၂၀ရက်အထိ နေရာကွက်ပြီး မိုးကြီးနိုင်တာကြောင့် ကြိုတင်သတိပြုနိုင်ဖို့အတွက် မိုးလေဝသနှင့်ဇလဗေဒညွန်ကြားမှုဦးစီးဌာနက အသိပေးထုတ်ပြန်ထားပါတယ်။
#Local_News
Published 17 May 2025
#နေရာကွက်၍မိုးကြီးနိုင် #မိုးလေဝသနှင့်ဇလဗေဒညွန်ကြားမှုဦးစီးဌာန
#YMG/SW #Yangon_Times

#Local_News
Published 17 May 2025

▪️ မြန်မာနိုင်ငံတော်ဗဟိုဘဏ်သည် ထိုင်းဘတ်၁သန်းကျော်နှင့်ဒေါ်လာ၃သိန်းကို ယမန်နေ့က ထုတ်ရောင်းခဲ့ကြောင်း သိရသည်။

▪️ ထိုသို့ရောင်းချရာတွင် ငွေလဲနှုန်း ၃၆၀၆ ကျပ်ဖြင့် အမေရိကန်ဒေါ်လာ သုံးသိန်းအပြင် ငွေလဲနှုန်း ၁၃၁.၇၈ ကျပ်နှင့် ထိုင်းဘတ် ၁.၆၀၂ သန်းလည်း ရောင်းပေးခဲ့ခြင်းဖြစ်သည်။

▪️ ၎င်းနေ့တစ်ရက်တည်းတွင်  AD လိုင်စင်ရဘဏ်များနှင့်  လုပ်ငန်းရှင်များ အကြား အမေရိကန်ဒေါ်လာ ၁၈.၀၁၉ သန်း၊ တရုတ်ယွမ် ၁.၁၉၈ သန်းနှင့်  ထိုင်းဘတ် ၄၁.၁၄၃ သန်း အလွှဲအပြောင်းရှိခဲ့ကြောင်း သိရသည်။

▪️ မြန်မာနိုင်ငံတော်ဗဟိုဘဏ်သည် နိုင်ငံခြားငွေများကို အဆက်မပြတ် ထုတ်ရောင်းပေးလျှက်ရှိရာမေလ ၁၅ရက်ကလည်း ငွေလဲနှုန်း ၃၆၀၆ ကျပ်နှင့် အမေရိကန်ဒေါ်လာ ၁၃၈,၅၀၀ ၊ ငွေလဲနှုန်း ၁၃၁.၇၈ ကျပ်ဖြင့် ထိုင်းဘတ် ၃.၀၅၅ သန်းများကိုလည်းရောင်းပေးခဲ့ကြောင်း သိရသည်။

#YMG/NN #Yangon_Times